Tā’u mau parau nō te ’evanelia

’A ’imi i teie mau ta’o ’e teie mau pereota i roto i teie nene’ira’a nō te Hoa !

Te ’Ōrama mātāmua

Te ’Ōrama mātāmua ’o te taime ïa ’a fā ai te Metua i te ao ra ’e ’o Iesu Mesia ia Iosepha Semita i te purera’a ’oia. I hina’aro ’oia ’ia ’ite i te hea ’ēkālesia e ’āmui atu. ’Ua parau rāua ia Iosepha ē, nāna e tauturu i te fa’anahora’a i te ’Ēkālesia mau a Iesu Mesia i ni’a i te fenua nei.

Te uru rā’au mo’a

Te uru rā’au mo’a ’o te vāhi ïa te tupura’a te ’Ōrama mātāmua a Iosepha Semita. E uru rā’au piri i te fare o Iosepha i Palmyra, i New York, i Marite.

Te fa’aho’i-fa’ahou-ra’a mai

Te fa’aho’i-fa’ahou-ra’a, ’o te fa’aho’ira’a ïa i te hō’ē mea i tōna huru nā mua atu. Te fa’aho’i-fa’ahou-ra’a mai ’o tā tātou ïa e parau nō te ’āfa’i-fa’ahou-ra’a mai Iesu Mesia i tāna ’evanelia mau i ni’a i te fenua nei. ’Ua ha’amata te fa’aho’i-fa’ahou-ra’a i te tupura’a te ’Ōrama mātāmua a Iosepha Semita. Tē fa’ari’i noa nei ā te peresideni Russell M. Nelson i te heheura’a nō te ’Ēkālesia ’ei peropheta nō tātou. Te aura’a ra, tē tāmau noa nei te fa’aho’i-fa’ahou-ra’a mai i teie mahana !

Te heheura’a

Te heheura’a, ’o te huru ïa te Metua i te ao ra e paraparau nei ia tātou. E fa’ari’i tātou i te heheuraa nā roto i te Vārua Maita’i. E nehenehe ’oia e fa’atae mai i te mana’o i roto i tō tātou ’ā’au ’e tō tātou ferurira’a.