Te hōro’a nō te pure

’Ua hōro’a mai te Metua i te ao ra i te hō’ē hōro’a ta’a ’ē. ’O te hōro’a ïa nō te pure. E nehenehe te pure e tauturu ia tātou i te mau taime ato’a.

Tē hina’aro nei au e fa’a’ite ia ’outou e toru hōro’a tā ’outou e nehenehe e pure atu.

1. Pure nō te ’ite.

’Ia ’ore tātou e ’ite mata i te Metua i te ao ra ’ia pure ana’e, nāhea ïa tātou e ’ite ai tē fa’aro’o ra ’oia ?

’Ua ani manihini te peresideni Nelson ia ’outou ’ia « nīni’i atu i tō ’outou ’ā’au i tō ’outou Metua i te ao ra […] ’E i muri iho, ’a fa’aro’o atu ! »* E nehenehe ’outou ’ia ’ite ē tē fa’aro’o ra te Metua i te ao ra i tā ’outou mau pure ’ia fa’aro’o ana’e ’outou i te mana’o e tae mai i tō ’outou ’ā’au ’e i tō ’outou ferurira’a.

2. Pure nō te tupu i te rahi.

E aha tō ’oe hina’aro nō tō ’oe tupura’a ? ’Ua hina’aro ānei ’outou ’ia ha’api’i i te ’aravihi ’āpī, ’aore rā ’ia fa’ahoa i te hoa ’āpī ? E nehenehe ’outou e pure nō te tupu i te rahi nō te riro rahi atu ā mai ia Iesu Mesia te huru !

’Ua parau mai tō’u hoa ’āpī ’o Iona nō ni’a i tōna mana’o pe’ape’a ’e te pinepine i te fare ha’api’ira’a. I tōna rā ha’amatara’a i te pure nā mua i te ha’api’ira’a, ’ua tae mai tōna mana’o hau. ’Ua pure Iona nō te tupu i te rahi i te mau mahana ato’a, ’e e nehenehe ato’a ’outou ’ia nā reira !

3. Pure nō te fa’a’ite atu.

I tō’u ’āpīra’a, ’ua pure au nō tō’u ’utuāfare. ’Ua hina’aro vau ’ia ’ite nāhea vau e tauturu ai ia rātou. ’Ua tauturu te Metua i te ao ra iā’u ’ia ’ite ē, e nehenehe au e riro ’ei hi’ora’a maita’i nō te ’evanelia a Iesu Mesia. ’O te mea ïa ’o tā’u e nehenehe e rave !

Mai te mea tē pure ra ’outou nō tō ’outou ’utuāfare ’e nō vetahi ’ē tei here ia ’outou, ’eiaha e fa’aru’e ! E fa’a’ite mai te Metua i te ao ra e aha tā ’outou e nehenehe e rave. ’Ia ani ana’e ’outou ma te ’ā’au tae i tāna tauturu, e arata’i tōna Vārua ia ’outou.

Pia i te PDF

Fa’ahōho’ara’a nā Jared Beckstrand