Nō ’outou te fa’aho’i-fa’ahou-ra’a mai

Nā te peresideni Russell M. Nelson

Tīpe’ehia mai roto mai i te a’ora’a « Fa’aro’o iāna », Liahona, Mē 2020, 88–92.

Fa’ahōho’ara’a nō te hō’ē ’utuāfare ’e te mau tamari’i ’āpī i mua i te hiero

E aha te aura’a nō ’outou te parau ē, ’ua fa’aho’ihia mai te ’evanelia a Iesu Mesia i te fenua nei ?

« Te aura’a ra, e nehenehe ’outou tō ’outou ’utuāfare e tā’ati-’āmui-hia ē a muri noa atu ! Te aura’a ra, maoti tō ’outou bāpetizora’ahia ’e te ha’amaura’ahia ’ei melo nō te ’Ēkālesia a Iesu Mesia, e nehenehe ’outou e fāna’o i te auhoara’a tāmau o te Vārua Maita’i. Tē aura’a ra, e nehenehe te mana autahu’ara’a e ha’amaita’i ia ’outou ’a fāri’i ai ’outou i te mau fafaura’a ’e āna ’e ’a ha’apa’o ai i te reira.

’O te peropheta a te Atua, ’o Iosepha Semita, tō ’outou peropheta. ’O ’oia te peropheta mātāmua nō te ’Ēkālesia i fa’aho’i-fa’ahou-hia mai. Tē tāmau noa nei te heheura’a i te tae mai nō ’ō mai i te Fatu ra i roto i teie ’ohipa o te fa’aho’i-fa’ahou-ra’a mai e tupu tāmau noa nei.

Tē ora nei te Atua ! ’O Iesu te Mesia ! ‘Ua fa’aho’i-fa’ahou-hia mai Ta’na Ekalesia ! Tē ara nei ’oia ’e tōna Metua, tō tātou Metua i te ao ra, i ni’a iho ia tātou.

Fa’aho’i fa’ahou mai i te hōho’a

’A haere i te ’api 6 ’e ’a tai’o i te aura’a o te fa’aho’i-fa’ahou-ra’a mai. I muri iho, ’a tāmata i te fa’aho’i fa’ahou mai i teie hōho’a maoti te pāpa’ira’a i te mau tuha’a i mo’e !