Ol Not blong Konfrens

Ol Kaet mo Ol Kavenan

Presiden Oaks i tokbaot wan boe mo papa blong hem we tufala i stap mekem wan kaet i flae. Boe i askem sapos hem i save katem string blong kaet ia blong mekem i flae i go moa antap. Papa i eksplenem se sapos tufala i katem string bae kaet ia i foldaon. String ia i olsem ol kavenan we i konektem yumi i go long Papa long Heven mo Jisas Kraes. Blong kipim ol kavenan blong yumi i helpem yumi kam moa kolosap long Tufala.

Hemia i tijim mi:

Klas Windo WE I Gat Mak long Hem

!Elda Uchtdorf i kasem baptaes 75 yia i pas! Testemoni blong hem olsem wan boe i stat long Jemani Hem i save tingbaot gud ol tabu filing we hem i gat taem hem i stap lukluk long ol glas windo blong Jisas Kraes we i gat mak long hem long japel blong olgeta. Tabu Spirit i bin serem witnes long maen mo hat blong mi se Jisas Kraes i Sevya blong wol.

Hemia i tijim mi:

Lukluk Nomo long Kraes

Elda Egbo i talem abaot tim blong futbol blong ol man long Naejeria long Olimpik long 1996. Oli nogat inaf mane blong gat wan gudfala trening. Be oli lukluk nomo long gol blong olgeta, oli no wantem save long ol samting blong wol, mo oli winim gol! Taem we yumi no wantem save long ol samting blong wol mo stap lukluk nomo long Jisas Kraes, bae yumi save win.

Hemia i tijim mi:

Stap askem Ol kwestin.

Sista Browning i talem se kasem 1992, ol mas blong saens oli ting se Pluto i en blong sola sistem blong yumi. Be ol man blong saens ia oli gohed blong lan mo askem ol kwestin. Naoia yumi save se !i gat fulap samting blong yumi lanem! Taem yumi gat ol kwestin, yumi save askem Papa long Heven. Ol tru kwestin blong gospel i save helpem yumi blong lanem samting mo gro.

Hemia i tijim mi: