Momon mo Ol Buk we oli Wokem long Gol

Ol pikja droing oli kam long Andrew Bosley

Momon i wan profet. Taem hem i gat 10 yia, wan lida we nem blong hem Amaron i bin talem long hem blong tingbaot wanem we i bin hapen long ol pipol blong hem mekem se afta, hem i save raet abaot hemia long ol buk we oli wokem long gol. Ol buk ia oli bin wanem we ol profet blong Nifae oli bin raet long hem.

Amaron i bin haedem ol buk ia from se plante pipol oli stap mekem ol rabis fasin. Hem i talem long Momon weaples blong faenem olgeta. Taem Momon i kam bigwan, hem i kasem ol buk we oli wokem long gol. Hem i holemtaet olgeta i stap sef, mo i bin raet abaot ol pipol blong hem.

Ol pipol oli stap mekem ol rabis fasin yet, be Momon i traem blong tijim olgeta. Mo tu, hem i raet abaot Sevya long ol buk ia. Tru long Momon, yumi save ridim ol toktok blong ol profet insaed long Buk blong Momon tedei.

Nomata se Momon i yang, Lod i givim instraksen long hem. !Yu save folem Lod taem yu yang tu!