Joen tru Ol Kavenan

Ol kavenan oli joenem yumi i go long Papa long Heven mo Jisas Kraes. Taem yumi stap kipim ol kavenan blong yumi, yumi save kasem help we i kam long heven mo paoa. Presiden Nelson i bin tijim se, “Taem yu mo mi i mekem wan kavenan wetem God, rilesensip blong yumitu wetem Hem i kam moa kolosap From se kavenan we yumi mekem wetem [Hem], Hem bae i neva taed blong traehad blong helpem yumi.”

!Mekem ol jen blong joenjoenem blong rimaenda yu abaot ol baptaes kavenan blong yu! Afta, hangem long wan ples we bae yu save stap luk.

Katem sikis longfala pis blong pepa we bae i abaot 1 insis (2.5 sentimeta) sotfala blong hem mo 8 insis (20 sentimeta) blong longfala blong hem.
Long wanwan pis pepa, raetem wan long ol wei we yu save kipim ol baptaes kavenan blong yu. (Lis daon ia i save help.)
Tekem fas pis pepa mo skojem tufala en tugeta blong mekem wan sekol. Afta, joenem nekis pis pepa tru long sekol mo skojem ol en. !Gohed blong stap ademap ol joen kasem we yu mekem wan jen!

Oltaem tingbaot Jisas Kraes
(luk long Doktrin mo Ol Kavenan 20:77, 79)
Givim seves long God mo obei ol komanmen
(luk long Mosaea 18:10 mo Doktrin mo Ol Kavenan 20:77)
Testifae abaot Jisas Kraes mo stap wan eksampol
(luk long Mosaea 18:9 mo Doktrin mo Ol Kavenan 20:77, 79)
Helpem ol narawan
(luk long Mosaea 18:8–9)