Ol Aktiviti blong Kam Folem Mi

Blong Momon 1–6

Momon i lavem Ol Man blong Nifae (luk long Momon 3:12). Papa long Heven mo Jisas Kraes i bin askem long yumi blong lavem ol narawan tu. Stanap long wan sekol mo sarem ae blong yu. Kaon kasem tri, afta openem ae blong yu mo lukluk long wan. Sapos yu stap lukluk stret long olgeta, talem wan samting we yu laekem abaot hem mo kamaot long sekol. !Gohed blong stap mekem olsem kasem i gat wan man o woman nomo i stap! Afta, evriwan oli talem wan samting we oli laekem abaot man o woman ia.

Blong Momon 7–9

Taem yumi folem Jisas Kraes, Papa long Heven i save blesem yumi wetem ol merikel. Ridim Momon 8:24 mo dro wan long ol merikel we oli tokbaot insaed long ves ia. Taem yu stap dro, tokbaot wanem ol merikel we Papa long Heven i bin mekem blong famli blong yu.

Blong Ita 1–5

Brata blong Jared i askem Lod blong tajem ol ston mekem se ol bot blong hem bae oli save gat laet (luk long Ita 3). Karem ol ston aotsaed o katem ol sekol aot long ol pis blong pepa. Long ol ston o pepa blong yu, raetem, dro o pentem ol samting we yu save mekem blong tekem laet mo lav i go long ol narawan.

Blong Ita 6–11

Taem oli stap travel krosem solwota, brata blong Jared mo famli blong hem oli singsing blong presem Lod blong talem tangkyu blong stap helpem olgeta (luk long Ita 6:9). !Yu save singsing blong talem tangkyu long Lod! Jusum wan fevret singsing long Children’s Songbook o Church website mo singsing long hem tugeta. ?Wanem narafala wei we yu save soem long Papa long Heven se yu stap talem tangkyu?