Brata blong Jared

Ol Man blong Jared oli bildim ol bot we oli blokem gud we oli singaotem ol baj blong travel i go long promes graon.

Be brata blong Jared i gat wan kwestin. ?Olsem wanem nao bae man i pulum win insaed long ol baj? Hem i prea blong kasem help, mo Lod i talem blong oli mekem ol hol insaed long ol baj blong ea i kam tru long olgeta.

Brata blong Jared we i stap tingting hevi

Brata blong Jared i gat wan narafala kwestin. ?Olsem wanem nao bae oli gat laet? Long taem ia, Lod i askem wanem nao brata blong Jared i wantem Hem blong mekem long Ol Man blong Jared, mekem se bae oli save gat laet.

Afta, brata blong Jared i gat wan aedia. Hem i askem Lod blong i tajem 16 smol ston. Taem we Lod i tajem olgeta !oli laet!

Yumi save askem ol kwestin blong yumi long Lod. Hem i wantem blong helpem yumi blong stretem ol problem blong yumi.

Skripja Jalenj

?Weaples nao Amaron i haedem ol buk we oli wokem long gol blong Momon i faenem? (Momon 1:2–3)
?Wanem Lod i stanap long hem taem Hem i talem long Ol Man blong Jared weaples blong travel i go long hem? (Ita 2:5)
?Weaples nao Lod i karem ol bubu blong bifo blong Sule i kam long hem? (Ita 7:27)

!Mi Save Ridim Buk blong Momon!

Afta we yu ridim, kalarem pat blong pikja. Yu save ridim ol skripja ia mo folem wetem riding blong evri wik long Kam Folem Mi.

Wik 1: Momon 3:20–22
Wik 2: Momon 7:8–10
Wik 3: Ita 4:11–12
Wik 4: Ita 6:12