Ol Nius blong Konfrens

Mi laekem blong harem ol aposol mo profet blong yumi, Presiden Russell M. Nelson, i toktok long konfrens. !Mi glad blong gat wan profet we i gat 100 yia!

Luciano F., 6 yia, Magallanes, Jili

Branj presiden blong mi i mekem wan konfrens kwestin mo ansa pej blong ol Praemeri pikinini. I helpem mi blong lisin long ol toktok long taem blong konfrens. !Hem i gud tumas!

Yen-Ting C., 10 yia, Changhua County, Taiwan

Jeneral konfrens i wan gudfala taem blong stap lukaotem mo kasem insperesen blong yuwan.

Janice K., 12 yia, Goa, India

Blong stap singsing long taem blong jeneral konfrens i mekem mi hapi, speseli taem mi stap singsing abaot Jisas Kraes mo Papa long Heven.

Annelise G.,10 yia, Yuta, YSA

Handred pikinini blong Yuta, YSA, oli singsing long Satedei aftenun sesen. Tri long ol singsing we oli bin singsing long hem oli kam long niu Hym Buk Ol Hym—Blong Hom mo Jos

Oli stap bildim ol tempol raon long wol. ?I gat hamas tempol we profet i anaonsem long konfrens ia?

• 8 long Not Amerika

• + 1 long Karibin

• + 1 long Sentrol Amerika

• + 2 long Saot Amerika

• + 2 long Yurop

• + 3 long Afrika

• = ___ ol tempol

• 190 we oli stap yusum

• 116 we oli anaonsem

• 50 we oli stap bildim

• 7 oli stap mekem gud bakegen

Taem we jeneral konfrens i stat 194 yia i pas, wan smol grup blong pipol nomo i save harem voes blong profet.

100 yia i pas, oli save lisin long konfrens long redio.

75 yia i pas, oli save wajem long TV.

25 yia i pas, oli save wajem o lisin onlaen.

!Tedei, ol pipol oli save wajem o lisin long jeneral konfrens eni ples raon long wol!