Paglilibot sa Templo

Sa loob ng templo, maaari tayong matuto tungkol sa plano ng kaligtasan at makipagtipan sa Ama sa Langit. Maraming magagandang silid kung saan tayo makararamdam ng kapayapaan mula sa Espiritu Santo.

Ang sealing room ay kung saan ibinubuklod ang mga mag-asawa at pamilya para sa buhay na ito at sa kawalang-hanggan.

Ang silid para sa babaeng ikakasal ay kung saan naghahanda ang kababaihan bago mabuklod.

Ang instruction room ay kung saan mo malalaman ang tungkol sa plano ng kaligtasan at gagawa ng mga sagradong tipan sa Ama sa Langit.

Ang silid-selestiyal ay tumutulong sa atin na isipin kung ano ang magiging pakiramdam ng makapiling na muli ang Ama sa Langit. Ito ay isang lugar para manalangin, magnilay-nilay, at magbasa ng mga banal na kasulatan.

Ang bautismuhan ay kung saan ka maaaring binyagan para sa mga taong pumanaw na. Ang labindalawang baka sa paligid ng bautismuhan ay kumakatawan sa labindalawang lipi ni Israel.