Ia Iloa i Matou

E i ai se matafaioi autu a Iesu Keriso i o tatou talitonuga ma i o tatou olaga. O la tatou misiona o le valaaulia lea o fanau uma a le Atua e mulimuli ia Iesu ma maua le olioli lea e mafai ona o Ia.

O Le Mea Tatou Te Talitonu I Ai

E Silafia ma Alofa le Atua ia te Oe
Malamalama i le uiga o le avea ma se atalii/afafine o le Atua ma aoao e iloa Lana taitaiga i lou olaga.
O Iesu Keriso O Lou Faaola
Aoao mai le soifuaga ma aoaoga a le Faaola ma maua le olioli i le mulimuli ia te Ia.
E I Ai Le Faamoemoega ma le Uiga o Lou Olaga
Ia iloa lou gafatia paia ma le fuafuaga a le Atua o le fiafia mo oe.
Sa Aoao e Iesu i Tatou ia Alofa le Tasi i le Isi
Ia iloa le auala e mafai ai e le alofa ma le auauna atu i isi e pei ona sa faia e Iesu ona faaopoopo atu ai se uiga i lou olaga.
O Le Tusi a Mamona ma le Tusi Paia o Afioga a le Atua
Suesue i tusi paia o tusitusiga paia e mafai ona e latalata atili atu ai ia Iesu Keriso.
E Mafai Ona Faavavau Aiga
Ia iloa pe faapefea ona e faamalosia sootaga faapelepele, i le taimi nei ma pe a mavae le oti.
E Malamalama Iesu i Ou Luitau
Saili le fesoasoani a le Faaola i taimi faigata, ma fesootai atu i punaoa e lagolago ai oe i luitau o le olaga.
E Fetalai mai le Atua i Lana Fanau e ala mai i Perofeta
Maua musumusuga mai upu a perofeta na valaauina e le Atua e avea ma avefeau mo o tatou aso.
Na Toefuatai Mai e Iesu Lana Ekalesia i Ona Po Nei
Iloa le auala na faatuina ai e Keriso Lana Ekalesia ma le auala Na Te taitaia ai le Toefuataiga o le Ekalesia i aso nei.
O Feagaiga o le Malumalu e Fusia Ai i Tatou i le Atua
Aoao e uiga i folafolaga paia tatou te osia i malumalu paia o le Atua e fesootai ai i tatou i o tatou aiga ma le Atua
O le Atua o le Punavai o le Malamalama ma le Upumoni
Saili le malosi a o e vaavaai atu i le Atua, Lona Alo o Iesu Keriso, ma le Agaga Paia mo le upumoni.
E I Ai i le Atua se Fuafuaga o le Fiafia e Faavavau
Ia malamalama i le fuafuaga e faavavau a le Atua mo oe ma le auala e mafai ona e faatasi ai ma lou aiga e faavavau ona o Iesu Keriso.

O Ai I Tatou

Faavaeina i le 1830
O Le Ekalesia a Iesu Keriso o le Au Paia o Aso e Gata Ai na faavaeina aloaia i le 1830 i Feiete, Niu Ioka, ma Iosefa Samita o le uluai Peresitene o le Ekalesia.
O Se Nuu i le Lalolagi Atoa
Ua tuputupu a’e le Ekalesia mai se amataga faatauvaa i se nuu i le lalolagi o tagata talitonu e 17 miliona ua tuufaatasia i le mulimuli ia Iesu Keriso.
Taitaia e ala i Faaaliga
O i tatou o se vaega o le Ekalesia toefuataiina a Iesu Keriso, e taitaia e le Faaola e ala mai i Lana perofeta musuia faalelagi.

Fesili Masani

Ioe! Matou te talitonu o Iesu Keriso o le Alo o le Atua ma le Faaola o le lalolagi, ma e matou te taumafai e mulimuli ia te Ia. E pei o le tele o aulotu Kerisiano, o mea patino o o tatou talitonuga e eseese lava mai talitonuga a o tatou tuaoi. Ae o i tatou o soo tuuto o Keriso ma Ana aoaoga. O vaega tulagaese ma matagofie o lo tatou talitonuga faalelotu e fesoasoani e faalolotoina ai lo tatou malamalama ia Iesu ma Lana talalelei.
Ioe! Matou te talitonu o le Tusi Paia o le afioga ia a le Atua. Tatou te suesue soo i ai i o tatou aiga ma i le lotu, ma tatou te taumafai e ola ai i ona aoaoga. Matou te talitonu o le Feagaiga Tuai ma le Feagaiga Fou e galulue faatasi ma le Tusi a Mamona, o se tasi lea o molimau ia Iesu Keriso, e avea o se molimau ia Iesu ma tuuina mai ia i tatou se malamalamaaga atoatoa i le fuafuaga a le Atua.
O malumalu e ese mai o tatou falelotu o aso uma lea tatou te faia ai sauniga tapuai i Aso Sa. O o tatou nofoaga sili ona paia, ua faataatia ese mo le galuega sili ona paia a le Atua. O mea tatou te faia i le malumalu e soloia ai le folafolaga e mafai ona tatou nonofo faatasi ma le Atua ma e pele ia i tatou mo le faavavau. I totonu o le malumalu, tatou te tautino atoatoa atu ai e mulimuli ia Iesu Keriso. Tatou te faia folafolaga ma le Atua, e pei o le folafolaga e tausi Ana poloaiga ma tuuto atu i tatou lava ma mea uma ua tatou maua ia te Ia. O tane ma ava ma matua ma fanau e tuufaatasia, pe “faamauina” i le tasi ma le isi, mo le faavavau. Ma tatou te faia foi lea lava galuega e tasi mo o tatou tuaa, ma tuu atu ia i latou le avanoa e talia ai na faamanuiaga i le olaga a sau pe a latou filifilia.
Ae a! Matou te talitonu o i tatou uma o fanau a le Atua ma o Ana faamanuiaga folafolaina o loo avanoa mo i tatou uma a o tatou taumafai e mulimuli i Lana afioga, e tusa lava po o a o tatou uiga po o o tatou taimi ua tuanai. O le Ekalesia o se nofoaga mo tagata uma e aoao ma tuputupu a’e ai. Atonu e i ai i lou mafaufau se faamatalaga faisoo e faapea e te le tutusa pe fetaui i ai, ae o le mea moni o o tatou tagata e eseese uma tulaga e o mai ai ma mea e fiafia i ai. Sau mo se asiasiga, ma atonu e te ofo i le tagata e te maua o nofo ai i totonu o nofoa i ou autafa.

O I Ai Ni Isi Au Fesili?

O tagata o la tatou Ekalesia o e ofofua atu o latou taimi o ni faifeautalai e mafai ona asiasi atu ia te outou i luga o le initoneti pe e te lua feiloai e faasoa atu se savali musuia ma tali patino atu i au fesili.

Tatou Tapuai Faatasi

E mafai e i tatou uma ona avea ma tagata sili atu ona lelei e ala ia Iesu a o tatou aoao ma auauna faatasi i Lana Ekalesia. O mai ma vaai po o le a tonu le mea e uiga i ai matou e ala i le tapuai faatasi ma i matou i le Aso Sa a sau.