E Fetalai mai le Atua i Lana Fanau e ala mai i Perofeta
I ona po faatusi paia, sa filifilia ai e le Atua perofeta e taitai Lona nuu. O loo faaauau pea ona tatou maua le taitaiga a le Atua e ala mai i se perofeta soifua i aso nei.
O Perofeta o Avefeau a le Atua
E alofa le Atua ia i tatou taitoatasi ma e finagalo ia tatou lagonaina lena alofa ina ia mafai ai ona tatou alualu i luma ma tuputupu a’e. Na te tuuina mai ia i tatou ni auala e saili ai le uiga i o tatou olaga ma lagona se lagona o le filemu ma le manino i le lotolotoi o le fenumiai o le lalolagi. O le fesoasoani ua tuuina mai e le Atua ia i tatou e aofia ai upu a perofeta.
A o e fesootai ma le Atua e ala i le tatalo, e mafai ona e maua le taitaiga mo lou lava olaga. Ae e fetalai mai foi le Atua i Ana fanau uma e ala mai i perofeta. Ua auina mai nei perofeta e aoao i tatou i le talalelei a Iesu Keriso ma faasoa atu le taitaiga mai le Atua e patino lava i o tatou aso.
A o e fesootai ma le Atua e ala i le tatalo, e mafai ona e maua le taitaiga mo lou lava olaga. Ae e fetalai mai foi le Atua i Ana fanau uma e ala mai i perofeta. Ua auina mai nei perofeta e aoao i tatou i le talalelei a Iesu Keriso ma faasoa atu le taitaiga mai le Atua e patino lava i o tatou aso.
O talafaasolopito anamua ma aoaoga paia o loo tusia i le Tusi Paia ma le Tusi a Mamona o loo faaalia ai i le talafaasolopito atoa, ua filifilia e le Atua perofeta e galulue i Lona suafa mo le faaolataga o Ana fanau.
E i ai taimi, sa talitonu ai tagata i upu a perofeta ma ola i ni olaga amiotonu. I nisi taimi sa latou teena ai sāvali a le Atua na momoli mai e perofeta ma liliuese ai mai le Atua—o se tulaga ua lauiloa o le “liliuese.” O na taimi o le liliuese na i’u lava ina oo atu ai i le amiotonu faafouina a o salamo tagata ma toe faalogo foi i perofeta filifilia a le Atua.
I le Tusi Paia,Amosa 3:7 o loo aoao mai ai i tatou o le a le faia lava e le Atua se mea sei vagana ua Ia faaalia mai i “ana auauna o perofeta.” Na auina mai e le Alii ia perofeta i le Feagaiga Tuai atoa e lapataia tagata ia saunia mo oge, taua, po o isi mala. Sa latou faasoa atu le finagalo o le Atua i tagata ma molimau atu i taunuuga o le agasala. O le mea e sili ona tāua, na aumaia e perofeta le faamoemoe a o latou vavalo atu e uiga i le soifua mai o Iesu Keriso ma Lana talalelei e suia ai olaga.
Na aoao mai e perofeta i le Tusi Paia ma le Tusi a Mamona ia lesona ma upumoni o loo i ai pea i aso nei e uiga i le fausiaina o le faatuatua ia Iesu Keriso ma avea atili e faapei o Ia. E mafai ona e maua le malosi, faamoemoe, ma musumusuga i le faitauina o a latou upu.
E i ai taimi, sa talitonu ai tagata i upu a perofeta ma ola i ni olaga amiotonu. I nisi taimi sa latou teena ai sāvali a le Atua na momoli mai e perofeta ma liliuese ai mai le Atua—o se tulaga ua lauiloa o le “liliuese.” O na taimi o le liliuese na i’u lava ina oo atu ai i le amiotonu faafouina a o salamo tagata ma toe faalogo foi i perofeta filifilia a le Atua.
I le Tusi Paia,
Na aoao mai e perofeta i le Tusi Paia ma le Tusi a Mamona ia lesona ma upumoni o loo i ai pea i aso nei e uiga i le fausiaina o le faatuatua ia Iesu Keriso ma avea atili e faapei o Ia. E mafai ona e maua le malosi, faamoemoe, ma musumusuga i le faitauina o a latou upu.
Ua Taitai e se Perofeta le Ekalesia Toefuataiina a Iesu Keriso i Aso Nei
A o i ai Iesu i le lalolagi, sa Ia valaauina Aposetolo e toasefululua e fesoasoani e taitai Lana Ekalesia. Ina ua mavae le maliu o Iesu, sa feagai Aposetolo ma mea faafeagai ma i nisi o tulaga na fasiotia ai. I le aluga o taimi, sa leiloloa ai upumoni tāua o le talalelei ma le pule o le perisitua mai le Atua a o pauu atu tagata i le lalolagi atoa i le liliuese.
I le 1820, sa tatalo faatauanau ai se tamaitiiti e 14 tausaga le matua e igoa ia Iosefa Samita, i le sailia o le taitaiga e uiga i le manuia o lona agaga ma ia iloa po o le fea le lotu e tatau ona ia auai ai. Sa faaali atu le Atua le Tama ma Iesu Keriso ia Iosefa ma ta’u atu ia te ia ua faamagaloina ana agasala ma e le tatau ona auai o ia i se tasi o ekalesia o i ai nei. Na mulimuli ane avea o ia ma perofeta na filifilia e toefuatai mai le Ekalesia a Iesu Keriso i le lalolagi.
I le 1820, sa tatalo faatauanau ai se tamaitiiti e 14 tausaga le matua e igoa ia Iosefa Samita, i le sailia o le taitaiga e uiga i le manuia o lona agaga ma ia iloa po o le fea le lotu e tatau ona ia auai ai. Sa faaali atu le Atua le Tama ma Iesu Keriso ia Iosefa ma ta’u atu ia te ia ua faamagaloina ana agasala ma e le tatau ona auai o ia i se tasi o ekalesia o i ai nei. Na mulimuli ane avea o ia ma perofeta na filifilia e toefuatai mai le Ekalesia a Iesu Keriso i le lalolagi.
Talu mai lena taimi, na taitaia ai le O Le Ekalesia a Iesu Keriso o le Au Paia o Aso e Gata Ai e se perofeta soifua, na lagolagoina e Aposetolo e toasefululua ma isi taitai na mamanuina i le Ekalesia anamua a Keriso.
O loo mulimuli perofeta ma aposetolo o aso nei i tulagaaao o perofeta o loo maua i tusitusiga paia. Latou te aoao mai upumoni e faavavau, molimau atu ia Iesu Keriso, lapatai i tatou i mea matautia, tuuina mai ia i tatou mafuaaga i le faamoemoe, ma tuuina mai le taitaiga mai le Atua e patino lava mo o tatou taimi.
O loo mulimuli perofeta ma aposetolo o aso nei i tulagaaao o perofeta o loo maua i tusitusiga paia. Latou te aoao mai upumoni e faavavau, molimau atu ia Iesu Keriso, lapatai i tatou i mea matautia, tuuina mai ia i tatou mafuaaga i le faamoemoe, ma tuuina mai le taitaiga mai le Atua e patino lava mo o tatou taimi.
O le mulimuli i upu a se perofeta soifua e mafai ona e latalata atili atu ai ia Iesu Keriso ma fesoasoani e te maua ai le faamoemoe ma le olioli. I tausaga talu ai nei, o nisi o taitaiga na tuuina mai e Peresitene Russell M. Nelson, o le perofeta ma le Peresitene o le Ekalesia, e aofia ai:
Auala e maua ai le filemu ia Iesu Keriso e tusa lava pe faigata le lalolagi o loo siomia ai i tatou. O le tāua o le faamutaina o feteenaiga i o tatou olaga patino. Auala e fausia ai se faavae malosi faaleagaga lea o le a fesoasoani ia i tatou e faatoilalo ai tofotofoga ma faaosoosoga. O auala e mafai ai ona tatou “opomauina le lumanai ma le faatuatua.”
Fesili Masani
E mafai faapefea ona ou faitau i mea na saunoa mai ai perofeta ma aposetolo o aso nei?
E mafai faapefea ona ou faitau i mea na saunoa mai ai perofeta ma aposetolo o aso nei?
O lauga na tuuina mai e le perofeta, aposetolo, ma isi taitai o le Ekalesia i konafesi aoao e mafai ona maua i le matamata i faila o loo teuina ai konafesi aoao iinei. E mafai ona e tumau i le taimi nei i mea o loo fai mai ai taitai o le Ekalesia i fafo atu o le konafesi aoao—e pei o faapaiaga o malumalu po o konafesi e tele—e ala i le asiasi atu i le Church Newsroom. E mafai foi ona e faaaogaina le faatinoga o sailiiliga i le ChurchofJesusChrist.org e matamata ai i lauga o konafesi aoao, tusitusiga o mekasini, ma isi punaoa e ala i mataupu.
O le a le konafesi aoao?
O le a le konafesi aoao?
O le konafesi aoao o se faapotopotoga o tagata talitonu i le lalolagi atoa. E faalua i le tausaga, tatou te faaaluina se faaiuga o se vaiaso e faalogologo ai i perofeta, aposetolo, ma isi taitai O Le Ekalesia a Iesu Keriso o le Au Paia o Aso e Gata Ai o faasoa atu le sāvali a le Atua mo o tatou aso. E faitau afe tagata e auai i le Aai o Sate Leki, Iuta, ISA, a o faitau miliona isi e matamata i se nofoaga mamao pe suesue i sāvali na o i latou lava i se aso mulimuli ane.
E faapefea ona filifilia taitai o le Ekalesia?
E faapefea ona filifilia taitai o le Ekalesia?
Pe a maliu le perofeta ma le Peresitene o le Ekalesia, o le Aposetolo sili ona sinia (i le umi o le auaunaga, ae le o le matua) e avea ma perofeta fou. A i ai se avanoa i le Korama a Aposetolo e Toasefululua, e filifili e le perofeta se tagata fou e auauna atu, e ala i musumusuga mai le Atua.
O isi tofiga o tiutetauave i le Ekalesia—o mea tatou te faasino i ai o “valaauga”—i se tulaga faarisone ma faalelotoifale e filifilia foi e ala i le sailia o musumusuga mai le Atua. Mo se faataitaiga, o le epikopo o loo taitaia se potopotoga e ono tatalo ma lagona le musuia e talosagaina se tamaitai faapitoa e taitai le faalapotopotoga a tamaitai ua ta’ua o le Aualofa. O ia, i se isi itu, o le a tatalo ia iloa po o ai e talosagaina e fesoasoani ia te ia o ni fesoasoani, failautusi, ma faiaoga ma i isi matafaioi.
O isi tofiga o tiutetauave i le Ekalesia—o mea tatou te faasino i ai o “valaauga”—i se tulaga faarisone ma faalelotoifale e filifilia foi e ala i le sailia o musumusuga mai le Atua. Mo se faataitaiga, o le epikopo o loo taitaia se potopotoga e ono tatalo ma lagona le musuia e talosagaina se tamaitai faapitoa e taitai le faalapotopotoga a tamaitai ua ta’ua o le Aualofa. O ia, i se isi itu, o le a tatalo ia iloa po o ai e talosagaina e fesoasoani ia te ia o ni fesoasoani, failautusi, ma faiaoga ma i isi matafaioi.