Sa Aoao e Iesu i Tatou ia Alofa le Tasi i le Isi

Na aoao mai Iesu Keriso o poloaiga silisili e lua o le alofa i le Atua ma ia alofa atu i isi.

Na faamanino mai e le Faaola o le alofa i “o outou tuaoi” e sili atu nai lo le agalelei i tagata o loo nonofo latalata atu ia te oe. O se vaega o le tiutetauave a Ona soo o le faaali atu lea o le alofa mama—le alofa le pona o Keriso—i tagata uma, e aofia ai i latou e te ono mafaufau i ai o ou fili.

Matou te talitonu o le galulue faatasi e faaali atu le alofa mama faaKeriso o se tasi lea o mea e sili ona faamalolo, olioli, ma soofaatasi e mafai ona faia e se faapotopotoga. O ni nai auala nei matou te tuuina atu ai le auaunaga, ma e matou te fiafia lava e te auai faatasi ai!

Auaunaga a le Uelefea

I le Ekalesia atoa, e uuna’ia tagata o le ekalesia ia anapopogi ma tatalo faalemasina, o le aunoa ma ni meaai ma meainu mo le tusa ma le 24 itula (pe afai latou te mafaia faaletino). Ona foai atu lea e tagata o le Ekalesia le tupe na semanu e faaaoga mo na meaai i se tupe e fesoasoani ai ia i latou e le tagolima.

Faatasi ai ma nei foai, e mafai e taitai i le lotoifale ona fesoasoani ia i latou e manaomia le fesoasoani tautupe mo meaai, fale, ma femalagaaiga. E fesoasoani foi taitai o le Ekalesia i tagata taitoatasi o loo mauaina le fesoasoani e faia se fuafuaga e faaleleia atili ai o latou tulaga, e masani ona faaaoga ai punaoa faaopoopo e pei o auaunaga faalegaluega, fefautuaai e ala i Auaunaga mo Aiga,kosi mo le ola tutoatasi, ma isi mea.

O lenei fesoasoani e mafai ai e i latou e le tagolima ona lagonaina le alofa o le Faaola, faapea foi ma le alofa o lo latou nuu— aemaise lava pe a faigata taimi.

Toomaga i Faalavelave

Pe a tulai mai mala faalenatura, taua, ma isi faalavelave, e o faatasi le Ekalesia ma ona tagata e saunia meaai, sapalai faafomai, lavalava, ma isi mea taua.

E galulue faatasi le Ekalesia ma faalapotopotoga faatuatuaina e taulimaina ia manaoga tulaga ese e tulai mai i tulaga taitasi, faaaogaina o aulotu i le lotoifale e faia mea e pei o le aoina mai ma faavasega foai, faamama otaota, ma le tuuina atu o meaai, lavalava, malutaga, ma le lagolago faalelagona pe a manaomia.

Fesoasoaniga Alofa

E galue le Ekalesia e tausia i latou e manaomia le fesoasoani i le lalolagi atoa e ala i le tele o polokalama ma galuega faatino eseese.

O lenei galuega e eseese lava e fua i manaoga patino o eria eseese. E faapitoa lava le taulai atu o le Ekalesia i le faaleleia atili o le mauaina o le suavai mama ma le tumama, tausiga o tina ma pepe fou, tausiga faalesoifua maloloina, aoga, saogalemu o meaai, ma fesoasoaniga mo tagata sulufai.

O le galulue ai ma faalapotopotoga faatuatuaina e faatino nei taumafaiga e fesoasoani i le Ekalesia e faateleina ai taumafaiga e auauna atu.

Auaunaga

I totonu o a tatou faapotopotoga, e vaevaeina tagata o le Ekalesia i ni paga ma tofia ni nai tagata e “auauna” atu i ai. O le auaunaga e faatatau uma lava i le fatuina o ni faauoga faaKeriso. Mafaufau i ai e pei o se faiga paaga—o au faifeau o se polokalama lagolago e fausia i totonu e mafai ona e fegalegaleai ai i taimi lelei ma liliu atu i taimi e manaomia ai.

E faape’i foliga o le alofa i lou tuaoi mo oe lava ia? O ni nai manatu nei i le auala e te alofa ai i ou tuaoi:

• Tatalo mo ni avanoa e faaali atu ai le agalelei i le aso atoa.
• Galue e faamagalo i latou e te lagona ua agaleagaina oe.
• Tu atu e tetee i le faasaua, faailoga lanu, ma isi ituaiga o faailogalanu.
• Faasalalau atu savali lelei ma ia agalelei atu i isi i luga o ala o faasalalauga faaagafesootai.
• Siaki ia uo o feagai ma se taimi faigata.
• Tuuina atu o se faamālō faamaoni.
• Lagolagosua i taumafaiga e tausi ai i latou e lē tagolima.

E mafai foi ona e sailia galuega auauna atu i la outou eria po o auala e auauna atu ai i se nofoaga mamao i le asiasi atu i le JustServe.org