E Malamalama Iesu Keriso i Ou Luitau

E leai se tasi e tatau ona feagai na o ia ma luitau o le olaga. E malamalama atoatoa Iesu Keriso i mea o loo feagai ma oe ma o le a lagolagoina oe.
I luga o le itulau lenei

E Malamalama Iesu ia te Oe

Ina ua puapuagatia Iesu mo i tatou uma i le Faatoaga o Ketesemane ma luga o le satauro, sa Ia maua se malamalama atoatoa i tofotofoga uma tatou te feagai. Na te silafia ou lagona ma mea o loo feagai ma oe, ma o Lona alofa tunoa o le a maua ai le malosi e te manaomia e faatoilalo ai.

Ua aoao mai le Tusi a Mamona:
Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma; ma o le a oo ia te ia nei mea, ina ia mafai ona faataunuuina o le upu e faapea, o le a ia ave i ona luga tiga ma maʼi o ona tagata.
“Ma o le a ia ave i ona luga le oti ina ia mafai ona ia tatalaina fusi o le oti ia ua noatia ai ona tagata ma o le a ia ave i ona luga o latou vaivaiga ina ia mafai ona faatumuina lona loto i le alofa mutimutivale e tusa ai ma la le tino ina ia mafai ona ia silafia e tusa ai ma la le tino le ala e fesoasoani ai i ona tagata e tusa ma o latou vaivaiga” (Alema 7:11–12).

Ona e alofa le Atua ia te oe ma e finagalo ia avea oe ma tagata sili e te mafaia, na Ia auina mai ai Lona Alo atoatoa i le lalolagi e togiola oe. O se vaega taua o le misiona a Iesu Keriso o le avea lea ma o tatou fautua. Sa Ia faatoilaloina mafatiaga ma puapuaga ina ia ona iloa le auala e lagolagoina ai i tatou. Na te silafia lelei oe ma silafia le auala e fesoasoani ai ia te oe pe afai e te liliu atu i le Atua i le tatalo ma ole atu mo se taitaiga.

E Mafai Ona E Maua le Filemu ma le Lagolago i Taimi Faigata

A o e liliu atu i le Atua ma Iesu Keriso, o le a faamalosia lou faatuatua ma galue o se taula i afā o le olaga. E mafai e le talalelei a Keriso ona aoao atu ia te oe le ala i le olioli tumau, ma o upumoni ua aoaoina i Lana Ekalesia e mafai ona aumaia ai le filemu ma le faamoemoe.

O au uo ma aiga e mafai ona avea ma se punavai matagofie o le lagolagosua ma le fiafia, e aofia ai faauooga e faia i le lotu. I le mea sili latou te mafaia, o a tatou aulotu o ni nuu alolofa lea tatou te auauna atu ai i le tasi ma le isi i ni auala aoga ma faaleagaga.
two women hugging
E faaopoopo atu i auala e faaalia ai e tagata taitoatasi o le Ekalesia le alofa ma le lagolago, O Le Ekalesia a Iesu Keriso o le Au Paia o Aso e Gata Ai ua fatuina ai se faiga lagolago mo nisi o luitau o le olaga. E mafai e la outouaulotu i le lotoifale ona tuuina atu nisi faamatalaga e uiga i avanoa o loo maua i la outou eria.

  • Faavauvau ma le Maliu
  • Faigaluega
  • Vaisu
  • Tulaga Faamatua
  • Soifua Maloloina Faalemafaufau
  • Aoga
  • Isi Punaoa

Faamalosia Lou Faatuatua

E mafai ona e maua le malosi ma le maufetuuna’iga e faatoilalo ai luitau o le olaga e ala ia Iesu Keriso. E mafai e faifeautalai ona faaali atu ia te oe le ala.