O le Atua o le Punavai o Upumoni Uma

O nisi taimi, tatou te ono lagona ai le le mautonu i o tatou olaga pe le mautonu foi i le lumanai. E mafai ona tatou maua lo tatou ala agai i luma ma lo tatou Tama Faalelagi alofa ma Lona Alo, o Iesu Keriso, o le punavai o le upumoni.

O le upumoni o se malamalama lea i mea i le tulaga moni lava e pei ona i ai. Mo se faataitaiga, e moni e alofa le Atua ia te oe ma e mafai ona fesoasoani e suia lou olaga. E silafia patino i tatou e le Atua, ma Na te faaaogaina le Agaga Paia e fesoasoani tatou te iloa ai le mea moni.

Na auina mai e le Tama Faalelagi Lona Alo, o Iesu Keriso, e aoao i tatou i le auala e fiafia ai ma maua le uiga i o tatou olaga.

O Iesu o lo tatou faataitaiga atoatoa o le auala e ola ai. O Ana aoaoga e avea o se malamalama taiala i o tatou olaga lea e mafai ona taitaiina ai i tatou agai atu i le filemu. Soo se tasi e manao e mulimuli ia Iesu Keriso e mafai ona maua lenei malamalama; ua Ia folafola mai o i latou uma o e saili mo Ia o le a maua o Ia.

O le Agaga Paia, o le avefeau a le Tama Faalelagi ma Iesu Keriso. E tele auala e mafai ai e le Agaga Paia ona aumaia oe ia latalata atili atu i le Atua. O le Agaga Paia:

• Faamafanafana (tagai Ioane 14:16–17, 26; Moronae 8:26; Mataupu Faavae ma Feagaiga 36:2).
• E faaalia ma molimau mai i le upumoni (tagai i le 2 Nifae 32:4–5; Alema 5:46–47; Mataupu Faavae ma Feagaiga 8:2–3).
• Molimau atu i le Tama ma le Alo (tagai Ioane 15:26; 3 Nifae 11:32, 36).
• Faapaiaina ma faamamaina (tagai Alema 13:10–12; 3 Nifae 27:19–20; Moronae 6:4).

Tatalo Atu i Lou Tama Faalelagi Agaalofa

E alofa le Atua ia i tatou ma e finagalo e faafofoga mai ia i tatou. Ua Ia folafola mai pe a tatou tatalo, o le a Ia tuuina mai ia i tatou tali ma le taitaiga.

Na aoaoina i tatou e Iesu i le auala e tatalo ai i le Tusi Paia (Mataio 6:9–13) ma le Tusi a Mamona (3 Nifae 18:19).

Ia Faamaoni

Na aoao mai le Tusi Paia, “a o le faatuatua, o le faalagolago lea i mea ua faamoemoe i ai, o le mautinoa lea o mea e le o vaaia” (Eperu 11:1). Pe a tatou faamaoni, tatou te filifili e talitonu o le a fesoasoani mai le Tama Faalelagi ma Iesu Keriso ia i tatou ia maua le fiafia ma se uiga i o tatou olaga.

Iloa le Agaga Paia

E fesootai mai le Atua ia i tatou e ala i le Agaga Paia i ni auala eseese. I le Tusi Paia, e masani ona faamatalaina o se “leo itiiti” (tagai i le 1 Tupu 19:11–12), ae o le a lagona e tagata uma le Agaga Paia i o latou lava ala. Mo oe, atonu e lagonaina le Agaga Paia e pei o le:

• Lagona o le alofa, olioli, filemu, ma le agalelei (Kalatia 5:22-23).
• Manino ma le taitaiga mo lou olaga (Mataupu Faavae ma Feagaiga 8:2-3).
• Manatu i lou mafaufau ma lagona i lou loto (1 Korinito 2: 9-11).
• Ua suia le pogisa i le malamalama (Alema 19:6).

Mulimuli i le Faataitaiga a le Faaola

Na faia e Iesu le faataitaiga sili mo i tatou uma. Afai tatou te fia iloa le mea moni, e mafai ona tatou mulimuli i Lana faataitaiga ma faia le mea na Ia faia.

E faape’i foliga o lenei mea?

• Faaali atu le alofa ma le alofa mama i isi ma i le Atua.
• Vaai po o a ni ou lagona i na faatinoga.
• Mafaufau pe faapefea e na faatinoga ona suia ai lou olaga.