E I Ai Le Faamoemoega ma le Uiga o Lou Olaga

O le olaga i le lalolagi e lei tupu faafuasei. O oe o le atalii/afafine o le Atua ma ua i ai iinei o se vaega o Lana fuafuaga o le fiafia.
I le itulau lenei
Find Answers Through Jesus
O Fea Ou Te Ofi Ai i le Ata Tele?

Ua E I Ai Iinei mo se Mafuaaga

Pe na e fia iloa ea pe aisea ua e i ai iinei?

Tatou te talitonu na i ai i tatou taitoatasi a o lei foafoaina le lalolagi ma sa tatou nonofo faatasi ma le Atua o ni Ana fanau i le agaga. Na auina mai e lo tatou Tama Faalelagi i tatou taitoatasi iinei ina ia mafai ona tatou maua se tino, aoao, ma tuputupu ae ia avea atili e faapei o Ia. A o tatou mulimuli i le fuafuaga a le Atua, e mafai ona tatou toe foi atu e mau i Lona afioaga.

Afai na i ai se taimi na e lagonaina ai ua ia te oe se faamoemoega sili atu nai lo le na o le i ai, e sa’o oe. E mafai ona e maua lou faamoemoega e ala i le liliu atu i le Atua.
A mother stands and comforts her son in their home

E Finagalo le Atua Ia E Fiafia

Ua folafola mai e le talalelei a Iesu Keriso le filemu, malosi, ma le olioli ia i latou o e mulimuli i poloaiga a le Atua ma papatisoina i le Ekalesia a Keriso.
Na paʼū Atamu ina ia i ai tagata; ma ua i ai tagata, ina ia latou maua le olioli.
Ae e mafai faapefea ona avea le olioli ma o tatou faamoemoega pe a tumu le olaga i le tele o tauiviga? O le tali o Iesu Keriso.

E ala ia Iesu Keriso, e mafai ai ona tatou maua le mafanafana i o tatou faanoanoaga ma faamalosia e ala i faigata. E mafai ona tatou lagonaina le lotofaafetai mo le tele o mea matagofie o loo i ai iina e olioli ai i lenei lalolagi. E mafai ona tatou faaleleia sootaga ma i latou tatou te alolofa i ai e ala i le ola ai i mataupu faavae na Ia aoaoina mai i le Tusi Paia: agaalofa, auauna atu, faamagaloga, ma le alofa.

E ala i le saunia o se Faaola, na foafoaina ai e le Atua se ala mo Ana fanau uma e maua ai le olioli.
South Africa. Braai (or barbecue). Two women standing outside near a gate.

O Le Olaga o se Taimi e Aoao ma Tuputupu A’e Ai

Pe a feagai ma taimi faigata, e mafai ona fesoasoani e manatua ai o le fuafuaga a le Atua mo oe e oo atu i talaatu o lou olaga faaletino. A o e faia le mea sili e mulimuli ai ia te Ia, o mea uma e te oo i ai o le a faasa’oina i se aso e ala ia Iesu Keriso. Na folafola mai e le Tusi Paia “E soloiesea foi e le Atua loimata uma i o latou mata; e leai foi se toe oti, po o se faanoanoa, po o se aue, e leai foi se toe puapuaga” (Faaaliga 21:4).
An elderly man stands outside in Brazil while his wife kisses his cheek.
O le olaga e aofia ai aafiaga tiga aua i le fuafuaga a le Atua, o tofotofoga tatou te feagai e mafai ona mo lo tatou manuia ma le tuputupu ae. O nei tauiviga e mafai ona fesoasoani ia i tatou e maua ai uiga e pei o le:
  • Malosi. E pei lava o faamalositino faaletino e mafai ona faamalosia i tatou faaletino, o le tetee tatou te feagai i o tatou olaga atoa e mafai ona faamalosia ai i tatou faaleagaga, faalemafaufau, ma faalelagona. O lenei malosiaga e mafai ona fesoasoani ia i tatou e faafetaiaia ai afā o le olaga.
  • Loto Malamalama. Pe a e feagai ma luitau, e tuputupu ae lou loto malamalama. Ma pe a e faaaogaina lou aafiaga e fesoasoani ai i isi i tulaga faapena, e te fesoasoani e fai le galuega a le Atua i le lalolagi.
  • Onosa’i. A tele naua mea e le mafai ona tatou puleaina, e aofia ai faatinoga a isi, e mafai ona tatou “faatalitali ia Ieova” (Salamo 27:14). E mafai ona tatou talitonu o soo se mea tatou te puapuagatia faapito o le a iu ina faasa’oina e ala ia Iesu Keriso.

E Mafai Ona E Suia

Young women in Thailand pick berries off a bush. They are laughing and enjoying themselves.
Sa silafia lava e le Atua o le a e faia ni mea sese ma o le a manaomia le fesoasoani e faatoilalo ai le faanoanoa ma le agasala. I le avea ai ma fuafuaga a le Atua, Na Ia saunia se Faaola ma se Togiola, o Iesu Keriso, e puapuagatia ma maliu mo oe ma mo tagata uma ua soifua mai. Ona o le taulaga a Iesu Keriso, ua mafai ai ona e maua le faamagaloga ma le faamalologa.

Faatasi ai ma le fesoasoani a le Faaola, e mafai ona e faatoilaloina le agasala, vaivaiga, mausa leaga, ma vaisu na taofia ai oe. E mafai ona faateleina lou alofa, lotofaamagalo, lotomaualalo, ma le onosai nai lo le mea sa e i ai muamua. A o avea atili oe e faapei o Keriso, o le a e maua se naunautaiga sili atu e faaauau i luga o le ala e toe foi atu ai e mau faatasi ma le Atua.

Aoao Atili e uiga i le Fuafuaga a le Atua

O loo i ai se fuafuaga a le Atua mo oe. Aoao faatasi ma faifeautalai e uiga i le faamoemoega o le olaga i se asiasiga i luga o le initoneti po o se asiasiga faafesagai.