E Mafai Ona Faavavau Aiga

O sootaga faaleaiga e te faia i lenei olaga e mafai ona tumau i tala atu o le oti. O le faamalosia o lou sootaga ma le Atua e mafai ona taitai atu ai i sootaga malolosi atu ma lou aiga.
I le itulau lenei
A family enjoys their time together as they walk down a sidewalk.

O Aiga E Ogatotonu i le Fuafuaga a le Atua

I le avea ai ma ou Tama oi le Lagi alofa, e finagalo le Atua ia e aoao ma tuputupu ae i le olaga. E i ai se matafaioi taua a aiga i lena tuputupu ae. Matou te talitonu:
  • O aiga o ni poloka faufale tutotonu lea o se sosaiete malosi.
  • O le aiga e mafai ona avea o se nofoaga tatou te lagona ai le lagolago, saogalemu, ma le alofa.
  • O le fesootai ma le Atua e fesoasoani e fausia ai ni aiga malolosi lea e taulimaina ai manaoga faaleagaga, faalelagona, ma faaletino.
A mother bakes cookies with her three children in the kitchen.

E Mafai Ona E Faatasi ma Lou Aiga e Faavavau.

Afai o lou aiga o se punavai sili o le alofa ma le olioli i lou olaga, atonu e faigata ona vaai faalemafaufau i le lagi e le aofia ai na sootaga ma na tagata. O se vaega o le tala fiafia o le talalelei a Iesu Keriso o le, e mafai ona faatasia aiga e faavavau.

I le Tusi Paia, na tuuina atu ai e Iesu i Aposetolo e toasefululua le pule o le perisitua, ma folafola atu ai “O mea uma foi tou te fusifusia i le lalolagi, e fusifusia foi lea i le lagi” (Mataio 18:18). O lena lava pule mai le Atua e tuufaatasia—po o faamaufaailoga—o tane ma ava ma matua ma fanau faatasi mo le faavavau.

Family life in Hong Kong. Images include: Family at ocean, laughing together, reading, praying, playing games etc.
O nei sauniga o faaipoipoga e faatinoina i totonu o malumalu e lenei lava pule e tasi ua folafola mai ai o faaipoipoga a i latou o e faamaoni i le Atua ma i le tasi ma le isi e mafai ona tumau mo le faavavau atoa nai lo o le faamutaina i le oti.

Tatou te faatinoina nei lava sauniga o faamauga e ala i le fai ma sui mo o tatou tuaa, o e tatou te talitonu e mafai ona filifili e talia pe teena le faamauga.

E mafai ona faigata sootaga faaleaiga ma tulaga, ma tatou te le iloa tonu pe faapefea ona galueaiina mea uma i le olaga a sau. Ae tatou te faatuatua i le poto ma le alofa atoatoa o le Atua, ma o le a avea le lagi o se nofoaga o le olioli e lei mafaufauina.

E Mafai Ona E Maua le Fesoasoani e Faamalosia ai Lou Aiga

Julie Hillyard On Family
Julie Hillyard i sootaga faaleaiga
Mauaina o le Olioli i se Aiga e Foliga Ese
O sootaga alofa faaleaiga e tele lava ina ausia pe a faavae i luga o mataupu faavae na aoao mai e Iesu Keriso, e pei o le:
  • Alofa Moni
  • Faamagaloga
  • Faamaoni
  • Loto Faafetai
  • Tatalo
  • Tapuai faatasi
A o faalatalata atili atu lou aiga i le Atua e ala i nei mausa, o le a e latalata atili atu i le tasi ma le isi.

Ona tatou te talitonu e i ai se matafaioi tāua a aiga i lenei olaga ma le isi olaga, o lea e galulue malosi ai le O Le Ekalesia a Iesu Keriso o le Au Paia o Aso e Gata Ai e lagolago sootaga lelei faaleaiga. O ni nai auala nei e mafai ona e maua ai le lagolago mo lou aiga.

O Punaoa a le Ekalesia mo Aiga

Ua ofoina mai e le Ekalesia punaoa mo tagata taitoatasi ma aiga e faaaoga a o latou suesue i le talalelei a Iesu Keriso. O nei punaoa mo suesuega e te maua ai avanoa e faaaoga ai mea ua e aoaoina ma faateleina ai lou faatuatua. E faamalosia mataupu faavae i vaiaso taitasi i le lotu.

Mauaina o fuafuaga mo suesuega, ua ta’ua o le Sau, Mulimuli Mai ia te A’u.
O polokalama a le Ekalesia mo le autalavou e lagolagoina matua i le aoaoina atu o tulaga faatauaina faaKeriso ia latou fanau ma faatagaina isi talavou matutua e fesootai ma isi talavou o e tutusa o latou tulaga faatauaina. O nisi o avanoa mo le autalavou e aofia ai:
  • Vasega faalelotu
  • Gaoioiga faalevaiaso a vaega a le autalavou.
  • Galuega faatino faaleauaunaga
  • Siva
  • Tolauapiga i le taumafanafana
  • Konafesi
O le afiafi faaleaiga o se tu masani lea e uunaia ai aiga e faapaia se po se tasi i le vaiaso e faaalu faatasi ai le taimi. O lona uiga o le suesue i le talalelei, taaalo i taaloga, fiafia i meaai, ma le auai i isi gaoioiga e fausia ai le lotogatasi. Po o le a lava le mea e sili ona aogā lelei mo lou aiga e maoae lena! O le mea tāua o le avea o se taimi lelei faaleaiga ma se mea e ave i ai le faamuamua. Atonu foi o se taimi lenei e potopoto faatasi ai ma uo, tuaoi, ma tagata o lau aulotu.
Ua tofia tagata o le Ekalesia e auauna atu i ni nai tagata i totonu o a latou aulotu. A tatou auauna atu i isi, tatou te taumafai e auauna atu ia i latou e pei ona faia e le Faaola. O lenei mea e mautinoa ai o tagata uma i le potopotoga e i ai se tasi o vaavaaia i latou ma se tasi e mafai ona latou liliu atu i ai pe afai latou te manaomia soo se mea. Mo se faataitaiga, e mafai e se uso po o se tuafafine o auaunaga ona ofo atu ni femalagaaiga i le lotu, faatulaga ni meaai e aumai pe a i ai se pepe fou a se aiga, pe tau lava o se foliga faauo i totonu o nofoaga.
Afai e tauivi aiga poo tagata mo le mauaina o mea latou te manaomia, e mafai ona fesoasoani le polokalama uelefea a le Ekalesia i punaoa e pei o meaai. O auaunaga faalegaluega a le Ekalesia e mafai ona fesoasoani i tagata i le sailia o se galuega fou po o le faaleleia o tomai e saili ai galuega. Matou te ofoina atu vasega e lagolagoina e le Ekalesia, lea e tatala i tagata uma, i mea tautupe a le tagata lava ia, maufetuunai faalelagona, ma le amataina o se pisinisi.
O tagata taitoatasi o se vaega o le aiga a o tatou matua faalelagi. E le o tagata uma e o i le lotu e nonofo faatasi ma aiga, ae e mafai e tagata uma ona maua le lagolago faaleagaga ma se nuu i le lotu. E mafai e tagata matutua nofofua ona filifili e tapuai i se faapotopotoga e aofia ai aiga ma tamaiti—po o, i nisi o eria o le lalolagi, e mafai ona latou auai faapitoa atu i se faapotopotoga mo tagata matutua nofofua i la latou vaitausaga. O le auai i vasega faalelotu ma gaoioiga faaagafesootai e patino i tagata matutua nofofua e mafai ona maua ai avanoa tulaga ese mo faauoga ma atinaega faaleagaga.

Tatou Talanoa e uiga i le Aiga

E mafai ona fesoasoani le Ekalesia ia te oe e faamalosia lou aiga ma faasaoina na sootaga tāua mo le faavavau. E mafai ona e aoao atili e ala i le talanoa ma faifeautalai i luga o le initoneti pe faafesagai.