Ua Folafola Mai o Malumalu e Fusia Ai i Tatou i le Atua ma i le Tasi ma le Isi

Ona o le taulaga a Iesu Keriso, ua mafai ai ona tatou ola faatasi ma e pele ia i tatou ma toe faatasi ai ma le Atua pe a mavae lenei olaga. E mafai ona tatou filifili e mulimuli ia te Ia e ala i le osia o feagaiga, po o folafolaga, ma Ia.
I Le Itulau Lenei
Both men and women walking outside the Accra Ghana Temple

O Le a le Malumalu?

O malumalu o nofoaga paia ma mamalu. Tatou te mafaufau i malumalu o maota o le Alii o Iesu Keriso. E ese mai falelotu i le lotoifale lea tatou te faia ai sauniga tapuai i Aso Sa ma isi gaoioiga. Ua faapaiaina malumalu mo le galuega aupito paia a le Atua.

Ua tumu malumalu i faatusa. Mo se faataitaiga, o i latou e auai i le malumalu e ofuina ni ofu papae faigofie e faatusa i le mama a’ia’i ma le laugatasia i luma o le Atua. O malumalu o se sulufaiga paia ma le toafilemu lea e mafai ai e soo o Iesu Keriso ona fesootai loloto atili atu ia te Ia.

O le mea e sili ona taua, o malumalu o nofoaga ia e mafai ona tatou osia ai feagaiga paia ma le Atua.
An exterior image of the Helena Montana Temple. The image is taken in the evening.

O le A le Feagaiga?

E mafai ona tatou faamalolosia a tatou sootaga ma le Atua ma maua faamanuiaga faapitoa mai ia te Ia e ala i feagaiga. O se feagaiga o se folafolaga paia i le va o le Atua ma Ana fanau. E tuuina mai e le Atua ia tuutuuga mo le feagaiga ona tuuina mai lea ia i tatou le filifiliga e talia ai.
Sei o tatou faaaogaina le papatisoga e fai ma faataitaiga.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.
Pe a papatisoina i tatou, tatou te folafola atu i le Atua o le a tatou auauna ia te Ia, tausia Ana poloaiga, ma tauave le suafa o Iesu Keriso i o tatou luga. Ma afai tatou te faia nei mea, ua folafola mai e le Atua e faamagalo a tatou agasala, faamanuia i tatou i Lona Agaga Paia, ma mau faatasi ma Ia e faavavau.

Tatou te faafouina feagaiga tatou te osia i le papatisoga a o tatou tagofia le faamanatuga, e ta’ua foi o le faamanatuga, i Aso Sa taitasi i le lotu. O lenei faamanatuga ua mamanuina i le faamanatuga o le Tausamaaga Mulimuli lea na faailoa atu e Iesu i Ana Aposetolo a o lei maliu o Ia.

A uma le papatisoga, e mafai e tagata matutua O Le Ekalesia a Iesu Keriso o le Au Paia o Aso e Gata Ai ona osia feagaiga faaopoopo ma le Atua i totonu o le malumalu. O nei feagaiga ma folafolaga e faamalolosia ai a latou sootaga ma Ia ma aumaia ai faamanuiaga sili atu.

Tatou te Osia Feagaiga i totonu o le Malumalu.

Faaeega Paia

O le upu faaeega paia o lona uiga o le “meaalofa.” I le faaeega paia o le malumalu, e osia ai e tagata matutua o le Ekalesia ni feagaiga paia, e aofia ai folafolaga e usitai i poloaiga a le Atua ma tuuto atu o latou taimi ma taleni i le galuega a le Alii. O le taui, latou te maua faamanuiaga e pei o le malamalama sili atu i le fuafuaga a le Atua, mana faateleina e mulimuli ai i le faataitaiga a Keriso, ma le avanoa e ola ai e faavavau ma le Atua.

Faamauga

O se tasi o olioliga sili o le talalelei a Iesu Keriso o le folafolaga lea e mafai e sootaga faaleaiga ona faaauau i tua atu o lenei olaga faalelalolagi. I totonu o le malumalu, o aiga e fesootai pe “faamauina” faatasi mo le faavavau.

I le taimi o se sauniga faaipoipoga o le faamauga i le malumalu, e tootutuli ai se tamaitai ma se alii faaipoipo i se fatafaitaulaga e osia ai feagaiga ma le tasi ma le isi faapea ma le Atua. Latou te folafola atu e faamamalu ma alofa atoatoa le tasi i le isi ma tautino atu e mulimuli i aoaoga ma faataitaiga a Iesu Keriso. I le isi itu, ua folafola atu ia i latou o le a tumau e faavavau a latou faaipoipoga ma aiga.
Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Galue e fai ma sui o tuaa ua maliliu

Tatou te talitonu i se Atua amiotonu ma alofa mutimutivale o lē o le a le faafitia lava se tasi o Ana fanau ia faamanuiaga o le ola e faavavau ona o tulaga e le mafai ona latou puleaina.

I totonu o le malumalu, tatou te faatinoina ai papatisoga, faaeega paia, ma faamauga e fai ma sui o tuaa o e sa le’i maua le avanoa e maua ai na sauniga a o lei maliliu i latou. I lenei galuega, o se tasi o loo ola e fai ma sui po o se sui mo se tasi ua maliu.

O nei sauniga paia e na o malumalu e faatinoina ai. Tatou te talitonu e mafai e o tatou tuaa ona filifili e talia pe teena lenei taulaga na faia i le alofa mo i latou.

Fesili Masani

  • E faaaoga fale sa mo sauniga tapuai i Aso Sa, gaoioiga a le autalavou i aso o le vaiaso, faatasiga faaagafesootai, ma isi gaoioiga faalenuu, a o malumalu e vaetofia faapitoa mo auaunaga ma sauniga paia.
  • E mafai ona e iloa se malumalu i upu “O Le Maota o le Alii” i luga o le fale, ae o se falesa masani o le a i ai upu “Faafeiloai Atu i Tagata Asiasi” ma le “O Le Ekalesia a Iesu Keriso o le Au Paia o Aso e Gata Ai” i fafo.
  • A o avea fegalegaleaiga faalevaega ma fale o nuu o se vaega tele o mea e tutupu i falesa, o malumalu e i ai lava se migao faapitoa. I totonu o malumalu, e filemu tagata ma mafaufau loloto e faatumauina le faaaloalo mo le Alii.
E mafai ona e alu i totonu o le malumalu i se taimi! Pe a faatoa fausia malumalu, pe a uma foi ona faia ni faafouga tetele, e faia fale tatala mo tagata lautele. Ma le isi, o le tele o malumalu e i ai nofoaga autu mo tagata asiasi mai, nofoaga faatalitali, po o lotoa o loo tatala atu i tagata uma.

A mae’a ona fausia le malumalu, ona faapaiaina lea mo tapuaiga paia. Ona o le natura paia o le galuega tatou te faia i malumalu, o le a tatalaina ai mo na o tagata O Le Ekalesia a Iesu Keriso o le Au Paia o Aso e Gata Ai o e ua saunia i latou lava mo lea aafiaga.

E ui atonu e le mafai ona e ulu atu i le malumalu i le taimi nei, ae ua valaaulia uma fanau a le Atua e aoao atili e uiga i le talalelei a Iesu Keriso ma ulu atu i sootaga o feagaiga lea o le a mafai ai ona latou auai atoatoa i faamanuiaga o le malumalu.
I le taimi o se sauniga puupuu, faigofie, e uulima faatasi ai le tamaitai faaipoipo ma le alii faaipoipo i luga o le fatafaitaulaga. Latou te osifeagaiga ma le Atua o le a latou faamamaluina ma alofa atoatoa le tasi i le isi ma tautino atu e mulimuli i aoaoga ma faataitaiga a Iesu. I le isi itu, ua folafola atu ia i latou o le a tumau e faavavau a latou faaipoipoga ma o latou aiga.

O ulugalii ua faaipoipo i le malumalu e masani ona faamanatuina ma aiga ma uo mulimuli ane i se ’aiga o le faaipoipoga po o isi tu masani faaleaganuu. O ulugalii na faaipoipo muamua i sauniga faalemalo i fafo atu o le malumalu (e pei o i latou na auai i le Ekalesia ae ua uma ona faaipoipo) e mafai foi ona maua faamanuiaga o le faamauina i le malumalu.

E Mafai Ona Faatasia Lou Aiga e Faavavau

E mafai e faifeautalai ona aoao atili oe e uiga i faamanuiaga o feagaiga o le papatisoga ma le malumalu—e aofia ai le folafolaga o se aiga e faavavau—e mafai ona avea o se vaega o lou olaga.

Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org