Autu o le Masina Lenei: Faatautaia o Sootaga Faaleagia faatasi ma le Fesoasoani a le Faaola

Talofa, uo.

O a ni ou lagona pe a e mafaufau i lou aiga? Sa vave ona ou lagonaina se lagona o le agalelei—ou te mafaufau i tausuaga na o matou e iloa, o opo mafanafana, faamafanafanaga, ma le alofa.

Ae peitai, o nisi taimi o le toe manatu i fegalegaleaiga faatasi ma lo’u aiga e aumaia ai ni lagona e lē malie tele, e pei o le faanoanoa, tiga, inoino, po o le ita.

Ou te sau mai se aiga na o’o i aso e tumu i le talitaliē ma le olioli, ma po uumi e tumu i faafitauli mai le lē malamalama i aafiaga o mea ua fai ma vaisu.

Ae peitai, o ni nai mea itiiti lava i lenei lalolagi ua a’oa’oina ai a’u i le tele o mea e uiga i le Faaola ma Lana uunaiga nai lo a’u sootaga faaleaiga. Mai i tulaga lugā ma lalō uma o le olaga faaleaiga, ua ou a’oa’oina ai le tele o mea mai tagata o lo’u aiga, aemaise lava pe a ou faalagolago i lo’u Faaola e fesoasoani ia te a’u e faamagalo atu, ia tigaalofa, ma ia alofa e pei ona Ia faia.

Na aoao mai talu ai nei e Sister Tamara W. Runia, Fesoasoani Muamua i le Au Peresitene Aoao o Tamaitai Talavou, “E ui e le atoatoa o tatou aiga, ae e mafai ona tatou faaatoatoaina lo tatou alolofa mo isi seia oo ina avea ma se alofa tumau, e le masuia, e tusa lava po o le a le ituaiga alofa—o le ituaiga alofa lea e lagolagoina le suiga ma faatagaina ai le tuputupu ae ma le toe foi mai.”

Ua ou vaaia lenei ituaiga o alofa—o le alofa o le Faaola—ua suia lo’u olaga ma olaga o i latou e sili ona ou alofa i ai.

O nisi nei o tusiga mai le autalavou matutua ma taitai i lenei masina o e, e pei foi o outou, o loo faatautaia sootaga faaleaiga:

• Fautuaga mo tafaoga faamasani ma faaipoipoga mai ia Elder Giménez o le Fitugafulu

• Aisea na lagona ai e se faifeautalai mai Ausetalia le uunaiga e anapogi mo lona aiga—ma a la latou faatoaga maukeni

• O le mea na aoaoina e se talavou matua mai Farani ina ua uma ona tuuina atu le faamagaloga i se tasi o lana aiga uarota

• O mea e fa e tatau ona e manatua pe afai o lo’o e feagai ma le popole i le mafutaga

E i ai foi a matou tala o lo’o avea ma vaega o tusiga fa’asolo faifai pea:

• Ou te Talitonu: Na faamatala mai e se tuafafine le auala na tatau ai ona ia toe atiina a’e lona faatuatua ina ua malepe le olaga sa ia mana’o i ai.

• Mo Tinā o Tamaiti Laiti: Ua faasoa mai e se tina maitaga ona manatu i le auala e mafai ai e le Faaola ona fesoasoani ia i tatou e faatoilalo le mailei o le faatusatusaina o o tatou tofotofoga i isi.

• Mai le Misiona: O le ala na liliu atu ai se faifeautalai mai Monokolia i le galuega o le malumalu ma talafaasolopito o aiga ina ua ma’i o ia i lana misiona

• Faaaogaina o le Mataupu Faavae ma Feagaiga i Lou Olaga: Lagolago mo lau faitauga o le Sau, Mulimuli Mai ia te Au e uiga i le mea e fai pe afai ua e le mautonu i se fesili o le talalelei

E silafia ma malamalama atoatoa le Faaola i lou tulaga. E mafai e Ia ma le Tama Faalelagi ona taialaina oe a o e faatautaia au sootaga e sili ona tāua.

Manuia le faitauga!

Chakell Wardleigh Herbert, AM Faalevaiaso Tusitala Autu