Pakigbisog sa mga Pagtandi

Ang kalagmitan sa pagtandi maoy usa ka butang nga ako naghunahuna sa tanang panahon tungod kay ako nagbuhat niini sa tanang panahon. Apan bisan kana nga pahayag makalibog og gamay. Ang pagsulti, “Ako nagbuhat niini sa tanang panahon,” sama nga nag-ingon, “Ako nagginhawa sa tanang panahon.” Kini mahitabo lamang nga dili ako maghunahuna mahitungod niini. Kini hapit bation nga dili mapugngan—hapit kinaiyanhon. Kana mao nganong kini hilabihan ka makasamok. Atong mahibaloan gikan sa Mosiah 3 nga kon kita pasagdan sa atong “kinaiyanhon” nga kahimtang, kita makigbisog sa “[pagtugyan] ngadto sa mga pagdani sa Balaang Espiritu” (bersikulo 19).

Busa unsay gidani sa Balaang Espirittu nga atong buhaton?

Una, kinahanglan atong ilhon ang problema. Pahimoa ko og latid niini pinaagi sa pagpadayag kon giunsa nako paglantaw ang eskriptural nga pagsaysay diha sa Doktrina ug mga Pakigsaad 7. Kini nga seksiyon nag-asoy og balik kon giunsa ni Juan pagpahayag ang iyang kinasingkasing nga tinguha nga makabaton og “gahom ibabaw sa kamatayon, nga [siya] mabuhi ug modala sa mga kalag ngadto ni [Kristo]” hangtod si Kristo mobalik pag-usab (Doktrina ug mga Pakigsaad 7:2; tan-awa usab sa Juan 21:20–23). Kita nagkat-on sa seksiyon 7 sa Doktrina ug mga Pakigsaad nga si Pedro, sa laing bahin, mitinguha nga siya unta “moabut sa labing madali ngadto [sa Ginoo] diha sa [Iyang] gingharian” (Doktrina ug mga Pakigsaad 7:4).

Ania kon giunsa nako paghanduraw kini nga talan-awon paghitabo. Miduol si Pedro sa Manluluwas nga nag-ukon-ukon og gamay ug sa hinay nangutana, “Unsa ang kinasingkasing nga tinguha ni Juan?” Nahibaloan ni Pedro nga si Juan mitinguha sa pagpabilin sa kalibotan hangtod sa Ikaduhang Pag-anhi aron pagsangyaw sa ebanghelyo. Ako nakakita ni Pedro nga may pinugos nga pahiyom ug nag-ingon, “Wow. Maayo kana.” Apan sa iyang hunahuna siya sa tinuod naghunahuna, “Ahhh! Ako tanga kaayo! Nganong wala ako mangayo alang niana? Nganong ako wala gani maghunahuna kabahin niana? Si Juan hilabihan ka mas matarong kay kanako! Dili sa paghisgot nga siya usa ka mas kusog nga modagan kay kanako! Nganong ako sa kanunay kinahanglang magmadalidalion ug molukso pag-una diha sa tanang butang?”

Dinhi niini nga pagbasa, ang usa mahimong maghunahuna nga ang Doctrina ug mga Pakigsaad 7:5 mabasa sama niini: “Ako moingon nganha kanimo, Pedro, [ang imong tinguha nga moabut sa labing madali sa akong gingharian] usa ka maayong tinguha; apan ang akong hinigugma nga [Juan] nagtinguha nga siya makabuhat og labaw pa, o usa ka labaw pa nga buhat gani diha sa mga tawo kay sa unsa ang [imong nabuhat, kaniadto].” Akong naamguhan kana sa tinuod nga ang bersikulo dili mabasa niana nga paagi. Ania unsaon kini sa tinuod basahon: “Ako moingon nganha kanimo, Pedro, kini usa ka maayo nga tinguha; apan ang akong hinigugma nagtinguha nga siya unta makabuhat og labaw pa, o usa ka labaw pa nga buhat gani diha sa mga tawo kay sa unsay iyang nabuhat kaniadto” (Doktrina ug mga Pakigsaad 7:5; ).

Gibati ko kini uban sa pwersa sa kamatuoran: ang atong hingpit, mahigugmaong Dios wala maghimo sa mga matang sa mga pagtandi ngadto sa uban nga sa kanunay akong gihanduraw niini nga talan-awon. Dinhi niini nga bersikulo gitandi lamang ni Jesus si Juan ngadto sa kanhing kaugalingon ni Juan—Juan ngadto sa karaang Juan. Gitandi lamang si Pedro ngadto sa daang Pedro, sa kanhing Pedro. Ug Siya nagtandi lamang kanako ngadto sa daang kanako.

Tanan kita nahibalo mahitungod niini, dili ba? Apan kon kita nahibalo niini nga mga kamatuoran, kon kini naghimo kanatong mobati nga hilabihan ka komportable, nan nganong kini malisod kaayo sa paghinumdom niini? Unsay atong mahimo?

Hinoon, alang sa usa ka butang, kita mahimong mahunahunaon. Busa, una, magbantay kita sa atong kahilig sa pagtandi. Ug ania ang pipila ka mga butang nga atong mamatikdan.

Atong hunahunaon nga ang pagtandi makagiya kanato ngadto sa tanang matang sa kagubot. Diha sa laing bahin, kini makapasanay og pagkamapahitas-on. Kini makapasanay og pagkamapahitas-on. Kini makapasanay og pagbiaybiay ug pagtamay. Kini makapasanay og kaugalingong katagbawan ug kaugalingong kalipay ug pagkawalay pagbati. Sa laing bahin, kini makapasanay og pagkanawad-an sa paglaom. Kini makapasanay og pagkawalay paglaom. Kini makapasanay og mga pagbati sa pagkawalay bili ug kaulaw. Kini gamhanang instrumento alang sa sala ug pagkaalaot!

Makasunod kita sa paagi ni Nephi. Kita makasulti, “Ngano nga kinahanglan ako mohatag og kahigayunan sa mga pagtintal, aron ang usa nga dautan may luna sa akong kasingkasing paggun-ob sa akong kalinaw ug pagsakit sa akong kalag?” (2 Nephi 4:27).

Makamatikod kita kon unsa kabakak kini nga mga pagtandi sa labing kasagaran—nga mao, nga kini sa kasagaran gibase diha sa mga bakak ug sa sayop nga mga kapasikaran, nga hinimo sa duha ug sa atong kaugalingong binuhatan. Kana takos nga timan-an, takos nga atubangon, ug takos sa kanunay nga pagpahinumdom sa atong mga kaugalingon.

Ang pakigharong ni Korihor uban ni Alma sa tinuod nakakuha og daghang atensiyon sa mga leksiyon ug mga pakigpulong sa Simbahan. Apan ako nagtuo nga usa sa mga panghimatuod ni Korihor wala makakuha og igo nga atensiyon tungod lamang unsa ka bakak ang gipakita niini. Gipanghimatuod ni Korihor nga “matag tawo mouswag sumala sa iyang kinaadman, ug nga ang matag tawo makadaug sumala sa iyang kusog” (Alma 30:17). Kana nga panghimatuod yano nga dili tinuod, ug kon kita matinuoron sa atong mga kaugalingon, kita mahibalo niini nga dili tinuod.

Unsay akong gipasabot mao nga walay usa nga tinuod makasulti, sa kinataposang pagbati, “Ako miuswag tungod sa akong kinaadman,” o “ako nakadaug tungod sa akong kusog.” Nahibalo kita niana, sa tinuoray, daghan kaayong kapasikaran ang nahiapil. Diin kita natawo, kanus-a kita natawo, atong kaliwatan, atong sekso, ang mga eskwelahan nga diha kanato, ang antas sa edukasyon sa atong mga ginikanan, nasunod nga mga timailhan sama sa gitas-on ug kakusgan, ang panimpo [timing] sa atong paghangyo [application] ug ang gidaghanon sa mga aplikante alang sa usa ka programa o usa ka trabaho—adunay daghan kaayong mga butang nga dili nato mapugngan. Ang tanan niini nga mga kapasikaran dako og impluwensiya sa matang ngadto diin gani kita adunay oportunidad sa “paglambo” o “pagbuntog.” Ug tungod niana nga butang, unsa ang hitsura sa “pag-uswag” o “pagbuntog” sa kataposang paagi?

Makakita ba kita ngano ang mga pagtandi dili patas—ngari kanato ug ngadto sa uban? Adunay daghan kaayong kapasikaran nga nahiapil.

Ang tanan niini mao ang pag-ingon nga kita kinahanglan sa walay duhaduha mahimong mas maloloy-on ngadto sa tanan tungod kay kita wala mahibalo unsa nga mga palas-anon ang ilang gipas-an o unsang mga gibug-aton sa kinabuhi ang nagpabug-at kanila. Ug kita kinahanglan sa walay pagduhaduha mahimong mas mapainubsanon kon kita magmalampuson.

Ako adunay nindot nga mga anak—si Parley, Marshall, Truman, ug Ashley—ug ako nakakat-on og daghan kaayong mga leksiyon gikan kanila. Ang imahe nga ingon ka tataw sa akong hunahuna karon sama sa dihang kini nahitabo sobra sa 15 ka tuig ang milabay mao ang usa ka dula sa pagsalo diha sa likod sa balay uban sa akong duha ka magulang nga mga lalaki, si Parley, ug Marshall. Si Parley singko o sais anyos ang panuigon; si Marshall tingali mga tres. Ilabay nako og banos-banos ang football sa matag usa kanila. Masawo ni Parley ang football hapit sa matag higayon. Si Marshall, dili kaayo.

Nakita ko si Marshall nga nagtutok, nagbantay sa bola—ug unya dili kanunay masawo. Walay pagsapayan kon giunsa ko paglabay ang bola, kini ingon og sa kanunay moigo kaniya sa ulo samtang nagpadulong og diretso ngadto sa iyang mga kamot, nga nagsawo sa bola nga tingali nag-una o naawahi ba kaayo. Maayo gani kini humok gyud kaayo, mapaburot nga football. Apan ania ang dili gayod nako mahikalimtan: si Marshall moabiba, maglukso-lukso ug mosiyagit sa kahimuot sa matag higayon si Parley makasawo niini. Makabati pa gihapon ako sa iyang gamay nga tingog nga nagsinggit, “Maayong pagkasawo, Parl” o “ Nindot kaayo to, Parl!” Ug unya dili niya masawo ang sunod nga labay nga moabot kaniya. Apan sa laing paagi wala kana makabalda sa iyang kadasig alang sa kalamposan ni Parley. Sa laing paagi siya nahibalo nga ang iyang lumba dili uban ni Parley. Makabaton siya og hingpit nga kalipay diha sa kalamposan ni Parley. Unsaon nato pagdakop og balik kana nga pagbati nga sama sa bata nga pagsaulog alang sa kaayohan sa uban?

Kon ang atong mga motibo putli, kon kita molihok gumikan sa usa ka putli nga kasingkasing, ug kon ang atong mao lamang katoyoan mao ang pagpanalangin sa uban, mapagarbuhong mga pagtandi dili makadaot. Wala silay kalabotan sa atong mga hunahuna. Kon kita puno sa gugmang putli, kita mahisama sa Manluluwas. Ngano nga ang putli nga mga motibo yano kaayo alang Kaniya? Tungod, kay, Siya nakaila kinsa Siya kaniadto ug Siya nakaila kanimo ug Siya nakaila kanako. Kana nakapausab sa tanang butang.

Kon atong pangutan-on ang atong mga kaugalingon kon gitandi ba ni Jesus o wala ang Iyang Kaugalingon ngadto niadtong nagpalibot Kaniya o nagpahupay diha diin Siya mibarog “sa mga hagdanan sa … kalamposan” ug diha kinsa ubos Kaniya, ang pangutana mahimo diha dayon nga kataw-anan. Atong hinumdoman nga kini mao ang Manluluwas kinsa nagtumong sa paghimo kanato—diha sa pinulongan sa Doktrina ug mga Pakigsaad 88—”managsama uban kaniya”! (bersikulo 107). Walay kasina, wala kompetisyon. Kon ang tintasyon sa pagtandi mipataas sa problema , Siya “wala manumbaling kanila” (Doktrina ug mga Pakigsaad 20:22). Ug kita makahimo nga masama Kaniya.

Ikaw makadawat og mga email o mga voice mail o mga mensahe sa text—tingali gani niini gayod nga adlawa—magpahibalo kanimo nga laing tawo gisuholan alang sa trabaho, nga lain ang napili alang sa team, nga ang usa ka tawo dili interesado diha sa ikaduhang date, nga laing tawo ang natawag isip presidente sa Relief Society, ug uban pa. Apan ayaw dawata kana isip usa ka timailhan sa imong katakos. Ang kapakyasan mahimong sakit, apan kini usab makahimo og nindot, bisan pa og sakit nga paagi, magpalambo. Tanang butang nagabuhat og maayo [alang] kanila [sa] kaayohan kanila nga nahigugma sa Dios.” (Mga Taga-Roma 8:28). Apan ayaw itugot ang tintasyon sa pagtandi maghatag niining mga kapakyasan og gahom sa pagguba. Kini nga mga pagtandi mga mini, dili sila mahimo—makahimo—sa igo nga paagi sa pagsukod kon unsa gyod ang importante. Kon moigo ang kapakyasan, moginhawa kita og lawom, atong hinumdoman unsa gyod ang importante.

Nahinumdom ako nga hilabihan sa ka nahiugnok sa unang higayon nga akong nadungog ang usa ka tawo nga nagkutlo sa unsay gisulti ni Presidente O. McKay mahitungod sa paghanduraw sa atong umaabot nga interbyu uban sa Ginoo. Gihatagan og gibug-aton ni Presidente McKay nga ang Ginoo dili mangutana mahitungod sa atong mga propesyon, ang ato lamang nga integriidad. Siya dili mangutana sa atong kwalipikasyon sa mga calling sa Simbahan, ang ato lamang nga interes sa pagpangalagad ngadto sa uban. Kini ang mga butang nga importante gyod.

Tanan kita mangita og salamin. Atong tan-awon ang atong mga kaugalingon. Balikon nato, “Ang akong kaindig dili bisan kinsa; ang akong kaindig mao ang akong kaugalingon. Ang lumba batok sa sala, dili batok sa matag usa.” Niana kita kinahanglan gayod nga mag-ampo uban sa tanang kusog sa kasingkasing nga pagapun-on sa putling gugma ni Kristo (tan-awa sa Moroni 7:48), Kaniya kinsa mao ang mag-uugmad ug maghihingpit sa atong hugot nga pagtuo” (Mga Hebreohanon 12:2; tan-awa usab Moroni 6:4). Kinahanglan gayod kita nga modumili sa pagtugot sa mga bakak sa “pagsumpo sa [atong] mga kalipay” (Alma 30:22) ibabaw sa mga kamatuoran nga mas lawom ug mas makakumbinsir kay sa mga bakak sa mga pagtandi. Ug dayon kinahanglan gayod kita nga mogawas sa pultahan, kalimtan ang atong mga kaugalingon, ug magsugod sa paghunahuna og maayo sa uban.