Paggamit sa Doktrina ug Mga Pakigsaad nganha sa Imong Kinabuhi
Ikaw ba Nakatutok sa Imong mga Problema o sa Imong mga Panalangin? Unsay Gitudlo sa Unang mga Santos Kanako mahitungod sa Hingpit nga Kalipay
Ang mga kasinatian sa unang mga Santos diha sa Doktrina ug mga Pakigsaad nakatudlo kanako og daghan mahitungod sa pagbati og hingpit nga kalipay.
Bug-os nga pagbutyag: Ako nakasala sa pagkadaotan og panghunahuna ug pagkananobra sa pagtutok sa akong mga problema.
Ako gipanalanginan nga napalibotan sa mga nagmahal kinsa naghatag og daghang makatarunganong mga solusyon. Apan sila mosulti kaninyo nga kasagaran ako dili mosunod sa ilang tambag og hinoon magpadayon sa pagbati nga makalolooy, hilabihan sa kagahi og ulo nga wagtangon ang akong negatibong panghunahuna.
Karon, kini dili ingon nga mosulti nga ang tanang problema ug mga pagsulay sa kinabuhi mahimong dali nga sulbaron kon kita “magpakapositibo” lamang o “ motan-aw sa maayo nga bahin.” Ang pagpahiyom samtang nagpadulong ngadto sa pagpanlimbasog dili kanunay naghimo niini nga mas masayon. Apan ako nagtuo nga unsay atong napili nga tutokan makaapekto sa atong abilidad sa paglahutay sa kalisod ug sa pagbati og hingpit nga kalipay sa tibuok natong mga hagit.
Nakasulti si Presidente Russell M. Nelson, “Ang kalipay nga atong gibati dili kaayo konektado sa mga sirkumstansiya sa atong kinabuhi apan konektado kaayo sa gitutokan sa atong kinabuhi.”
Apan unsaon nato pagbalhin sa atong gitutokan aron sa pagbati sa hingpit nga kalipay nga ingon og dili makab-ot?
Pagtutok diha sa mga Saad sa Dios
Samtang ako nagtuon sa Doktrina ug mga Pakigsaad niining tuiga uban sa Dali, Sunod Kanako, ang unang mga Santos sa Simbahan nakapamatuod nga nahimong gamhanang mga ehemplo niini nga baroganan nga gitudlo ni Presidente Nelson. Matinud-anong gilahutay sa mga Santos ang ilang mga hagit pinaagi sa paghinumdom sa ilang kataposan nga tumong—ang “ngano” sa luyo niining tanan nga sila nagpakabuhi ug sa mga panalangin nga sila gisaaran.
Akong nakat-onan mahitungod sa mga Santos kinsa misalig sa Ginoo sa dihang Siya miingon:
“Dili kamo makakita pinaagi sa inyong kinaiyanhon nga mga mata, sa pagkakaron, sa plano sa inyong Dios mahitungod niadtong mga butang nga moabot sa umaabot, ug sa himaya nga mosunod human sa daghang kalisdanan.
“Kay human sa daghan nga kalisdanan moabot ang mga panalangin” (Doktrina ug mga Pakigsaad 58: 3–4).
Kini nga mga Santos, nagbaton og hugot nga pagtuo nga ang Ginoo motuman sa Iyang mga saad ngadto kanila, mitutok diha sa mga panalangin nga moabot human, dili atol, sa ilang mga kasakit. Ako nagtuo nga kining pagbalhin sa pagtutok mitabang kanila sa pagpadayon og sugakod sa unahan ug gani sa pagkab-ot unsay gihunahuna sa uban nga dili mahimo diha sa ilang mga sitwasyon—hingpit nga kalipay!
Hingpit nga Kalipay Moabot sa Kabuntagon
Diha sa Salmo 30 adunay bersikulo nga mabasa, “Ang paghilak mopabilin sa kagabhion, apan ang kalipay moabot sa kabuntagon” (Salmo 30:5). Ang pipila kaninyo mahimong nakasinati niini sa tinud-anay. Ang mga pakigbisog ingon og makahadlok sa gabii, malisod nga mga butang mas dakong imposible. Usahay kana nga saad sa kabuntagon maingon og dili makab-ot. Apan dayon ang kaadlawon moabut, ug ang atong mga kaguol mawagtang diha sa kahayag sa usa ka bag-ong adlaw.
Tingali ikaw nakasinati usab niini sa pasumbingay nga paagi. Gibati nimo nga walay pagkulang sa sakit, kalisod, o pakigbisog diha sa imong kinabuhi, ug imong gibati ang kangitngit nga nagkadoul diha kanimo. Tingali ang saad alang sa hingpit nga kalipay ingon og dili makab-ot diha sa kangitngit. Sa unsa nga paagi kita posibling makaabot niini ngadto sa kabuntagon?
Sama sa unang mga Santos, kita makahimo nga “mopadayon sa unahan uban sa pagkamakanunayon kang Kristo, magbaton og hingpit nga kahayag sa paglaom” (2 Nephi 31:20). Kon atong bation nga nabara diha sa kangitngit, makagamit kita sa atong hugot nga pagtuo ngaq lig-on ug walay pagkatarog diha ni Kristo, kinsa naghatag kanato og paglaom sa hingpit nga kalipay nga moabot sa kabuntagon. Ang Ginoo nagsiguro kanato, ingon sa Iyang gihimo sa mga Santos, “Ang takna wala pa moabot, apan haduol na” (Doktrina ug mga Pakigsaad 58:4).
Hingpit n ga Kalipay taliwala sa Kagul-anan
Kini kasagaran nga mobati og kaguol, kahigawad, o kanawad-an og paglaom usahay. Namatayan, sakit, nadaot ang panghunahuna, trauma, o abuso ilabi nga makababag sa hingpit nga kalipay ug paglaom nga gusto nato nga bation ug maghimo niini nga malisod sa pagkakita sa kahayag human sa mga pag-antos.
Apan posible nga mobati og hingpit nga kalipay taliwala sa kasubo tungod ni Jesukristo. Mabasa nato diha sa mga kasulatan, “Ug sa ingon nasabtan nato ang dakong rason sa kasubo, ug usab sa paglipay—kasubo tungod sa kamatayon ug kalaglagan taliwala sa mga tawo, ug kamaya tungod sa kahayag ni Kristo ngadto sa kinabuhi” (Alma 28:14). Kita mobati og kasubo alang sa mga sakit nga atong gilahutay samtang nagbati usab og hingpit nga kalipay tungod sa kahayag sa Manluluwas nga naghatag og kinabuhi.
Ako naninguha sa pagbalhin sa akong dautang panghunahuna nga panan-awon sa dihang mga hagit miabot kanako pinaagi sa pagtutok diha sa mga panalangin nga naghulat kanako—imbis diha sa akong mga problema. Usahay ako masanapan sa kaguol, apan ang paghinumdom ni Kristo naghatag kanako og paglaom nga ang hingpit nga kalipay moabot.
Samtang ikaw molahutay sa mga kalisod nga gibutang diha kanimo, ako naglaom nga ikaw mahinumdom sa hingpit nga kalipay sa mga Santos ug mahibalo nga kini maimo usab kon ikaw mahinumdom sa paglaom sa atong Manluluwas, si Jesukristo.