Gikan sa YA Matag Semana
Nangita Ako sa Koneksiyon diha sa Sayop nga Lugar, apan Diha Kanako ang Tubag Gikan sa Sinugdanan
Ako dihay tubag sa akong problema sa pag-inusara, apan dili ako makakita niini.
Sa dihang ako nagtubo sa Ang Simbahan ni Jesukristo sa mga Santos sa Ulahing mga Adlaw, ako nag-inusara.
Ingon nga usa sa mao lamang nga mga miyembro sa akong tibuok hayskul mihimo kanako nga mobati og napalayo gikan sa tanan. Dili daghang tawo ang nakadungog mahitungod sa Simbahan kaniadto, busa mibati ako og sama nga ako walay daghang oportunidad sa pag-istorya mahitungod niini. Usahay ako dili gusto tungod kay ako nahadlok nga isalikway ug gani mobati nga mas nag-inusara.
Misugod ako sa pagbati nga naligutgot ngadto sa ebanghelyo sa dihang daghan sa akong mga higala ingon og sama nga sila hilabihan sa ka mas malipayon kay kanako.
Sila makita nga murag nalingaw kaayo sa pagtambong og party, ug akong gibati nga ako gibiyaan. Kanunay akong moingon og dili sa ilang mga pagdapit ug gibati nako nga ako misalikway sa ilang pakighigala ug kalipay.
Busa usa ka adlaw niana wala ako moblibad sa ilang mga pagdapit.
Pagtan-aw lapas sa Tumong
Nakig-uban ako niini nga mga higala sa makadaghan pa. Gibati nako nga sa kataposan ako kabahin na sa usa ka komunidad ug sa kataposan mihunong sa pagsimba.
Bisan pa niana, pagkatautaod, gibati nako nga wala na ganahi ug mas nag-inusara kaysa kaniadto. Gibati nako ang akong kaugalingon nga nagtubo sa pagkaadik ngadto sa nicotine ug nawad-an og pagpugong sa akong kinabuhi.
Wala ako kasabot kon unsa ang akong problema. Sa kataposan ako may mga higala ug koneksiyon nga akong gusto, busa nganong ako dili man lamang maglipayon sama kanila?
Sa ingon niini nga panahon, usa sa akong mga higala namatyan og usa ka minahal nga tawo. Sa dihang ako nakigsulti ngadto kanila ug naninguha sa pagtabang, misugod ako sa pagsulti sa tanang butang nga akong nahibaloan mahitungod sa plano sa kaluwasan, nagpasabot ngadto kanila nga sila makahimo sa pagkakita og balik sa ilang minahal nga tawo usa ka adlaw niana.
… Unsa?
Dili ako makatuo sa unsay akong gisulti! Wala ako maghunahuna mahitungod sa ebanghelyo sulod sa mga katuigan.
Apan gibati ko ang paglaom samtang ako mipasabot sa kamatuoran nga akong nakat-onan, ug akong naamgohan nga ang akong hugot nga pagtuo wala sa hingpit mawala.
Ako namalandong sa mga tipik sa akong hugot nga pagtuo nga sa gihapon ako aduna. Gihunahuna nako ang mahitungod kon sa unsang paagi ang Simbahan kanunay nga mitanyag kanako og usa ka dapit sa komunidad kauban sa sama og hunahuna nga mga tawo—tanan naningkamot sa pagsunod ni Jesukristo, pagserbisyo sa uban, ug sa pagsinati sa hingpit nga kalipay ug mga saad sa ebanghelyo.
Si Elder Renlund sa Korum sa Napulog Duha ka Apostoles mitudlo, “Kita … adunay kalagmitan nga motan-aw lapas sa tumong. Gikinahanglan natong magbantay batok niini nga kalagmitan aron makalikay kita nga atong mataligam-an si Jesukristo sa atong mga kinabuhi ug mapakyas sa pag-ila sa daghang panalangin nga Iyang gitanyag kanato. Gikinahanglan nato Siya.”
Naamguhan ko nga ako nagpangita alang sa kalipay diha sa tanang sayop nga mga dapit.
Wala Ka Mag-inusara
Human niini nga kasinatian, misugod ako sa pakigkita sa mga misyonaryo sa pagtabang kanako nga makaila ni Jesukrito og balik. Mitabang sila kanako nga mahimong mas moapil sa ebanghelyo. Misugod ako sa pag-ampo og dugang pa ug sa pagtutok sa pagdiskobre og balik sa akong balaang pagkatawo. Gani ako mihunong sa nicotine. Nahibalo ako nga ang Dios uban kanako samtang ako naningkamot sa pag-usab sa akong kinabuhi.
Paglabay sa panahon, nailhan nako ang koneksiyon nga ako aduna ngadto sa ubang mga disipulo ni Kristo diha sa akong ward. Misugod na usab ako sa pagpakigsulti ngadto sa akong mga higala mahitungod sa akong tinuohan ug sa pagtubag sa ilang mga pangutana, ug kana mihimo kanako nga malipayon.
Kadaghanan sa akong nanglabay nga pag-inusara nagagikan sa akong kakulang og pagsalig. Apan samtang akong giusab ang akong pagtutok gikan sa pagpaningkamot nga mohaom sa akong kaugalingon—usa ka anak nga lalaki sa Dios—ug makigbahin sa akong tinuohan, akong nakaplagan ang hingpit nga kalipay ug pagkanasakop sa hingpit nga pagpuyo sa ebanghelyo.
Si Elder Dieter F. Uchtdorf sa Korum sa Napulog Duha ka Apostoles misaad:
Ang Dios dunay labaw pa nga ikahatag. Mas labaw ka taas ug mas tulukibong kalipay—usa ka kalipay nga molabaw sa bisan unsang ikatanyag sa kalibotan. Usa kini ka kalipay nga molahutay bisan sa kasagmuyo, mohangtod bisan sa kasubo, ug mopaminos sa kagul-anan.
“Ang kalibotanong kalipay, sa sukwahi, dili mohangtod. Kini dili. Kinaiyahan lang sa tanang yutan-ong mga butang ang pagkatigulang, pagkadunot, pagkaguba, o pagkabahaw. Apan ang diosnong kalipay mahangtoron, tungod kay ang Dios mahangtoron.”
Ako wala na mobati nga nag-inusara isip usa ka miyembro sa Simbahan. Ang pagtutok diha ni Jesukristo nakakuha sa gibug-aton diha sa akong mga abaga ug mitugot kanako sa pagginhawa og balik! Kon ako magsunod Kaniya, nakaamgo ako nga sa tinuod wala ako mag-inusara. Tungod sa panalangin sa mga pakigsaad, sa gasa sa Espiritu Santo, ug sa tanang mga saad ni Kristo, ako nahibalo nga Siya uban kanako.
Ang malungtarong hingpit nga kalipay nga gidala niini nga kamatuoran nganhi sa akong kinabuhi mas dako kay sa bisan unsa nga lumalabay nga akong gitinguha nga wala Siya.