Ang Tema Niini nga Bulan: Pagpangita og Hingpit nga Kalipay diha sa usa ka Makasasala nga Kalibotan

Minahal kong mga higala,

Adunay panultihon nga akong nakat-onan gikan sa akong presidente sa misyon nga akong huptan pag-ayo kon ang mga panahon malisod. Miingon siya, “Gipaniguro sa Dios ang inyong kalipay.”

Mahimo nimong tan-awon ang mga gubat, mga daotang panghitabo, kapintas, panagbingkil, ug sakit nga hilabihan sa kadaghan sa kalibotan karon ug mahibulong unsa kini ka tinuod.

Giunsa?

Jesukristo.

“Ayaw kamo kalisang: kay, tan-awa, gidad-an ko kamog maayong balita sa dakong kalipay” mao ang unsay gipahibalo sa anghel diha sa pagkatawo ni Kristo (Lucas 2:10). Ang katuyoan sa Dios sa pagpadala ni Kristo nganhi sa kalibotan mao ang pagsiguro sa inyong kinabuhing dayon ug mahangturong kalipay. Sa milagrosong paagi, nagsaad Siya kaniny og hingpit nga kalipay pinaagi ni Kristo sa bisan asa nga bahin sa inyong kinabuhi—mas maayo ug mas grabe, maayong mga panahon ug ngil-ad. Kana ang mensahe nga kami gusto nga makigbahin kaninyo niini nga bulan: Si Jesukristo hingpit nga kalipay.

Bisan pa, kita nahibalo nga usahay ang hingpit nga kalipay mahimong malisod nga pangitaon. Busa among gitigom kini nga mga artikulo niini nga bulan sa pagpakita kaninyo nga ang hingpit nga kalipay kanunay nga posible. Ang hingpit nga kalipay usa ka bahin sa inyong balaang kinaiyahan isip usa ka anak sa Dios ug inyong panulundon isip usa ka disipulo ni Kristo. Batok sa tanang kalisod, kamo makahimo nga magmalipayon niining makasasaala nga kalibotan.

Ania ang pipila sa mga artikulo gikan sa mga young adult niini nga bulan:

• Usa ka young adult gikan sa South Africa kinsa nakakaplag og pagkaayo diha ni Kristo human magsinati og sekswal nga pang-abuso

• Usa ka young adult gikan sa Uruguay kinsa nakakaplag og hingpit nga kalipay diha sa inadlaw nga paghinulsol

• Usa ka young adult gikan sa Canada kinsa nakakaplag og hingpit nga kalipay ug koneksiyon diha sa ebanghelyo human mangita diha sa sayop nga mga lugar

Kami usab adunay mga istorya nga mga bahin sa among nagpadayong mga serye:

• Mga Kahanas sa Kinabuhi: Pipila ka makatabang ug malaumong mga pahinumdom alang sa panahon nga kamo nag-atubang og dakong mga kausaban sa kinabuhi

• Paggamit sa Doktrina ug mga Pakigsaad nganha sa Inyong Kinabuhi: Suporta alang sa inyong Dali, Sunod Kanako nga pagtuon mahitungod sa pagpili sa pagtutok diha sa hingpit nga kalipay

• Gipasundayag nga Debosyonal: Unsaon nga kita makabuntog sa tintasyon sa pagtandi

• Mga Pangutana ug mga Tubag: Unsaon nato pag-antos uban ang hingpit nga kalipay?

Gihunahuna nakog dugay ug maayo ang mahitungod sa unsay isulat nganha kaninyo dinhi niini nga sulat. Gihunahuna nako ang nagkalainlaing mga paagi nga ako makahimo sa pakiglabot nganha sa inyong mga kinabuhi, sa pagpakita kaninyo nga akong nasabtan unsang mga hagit ang inyong giatubang nga minos kay sa hingpit nga kalipay.

Apan niana akong naamgohan nga bisan og ako wala makasabot sa hingpit, adunay usa ka tawo kinsa makahimo. Sa makausa pa ug sa kanunay, si Jesukristo mao ang tubag.

Malipayong pagbasa,

Tori Stone, YA Matag Semana intern