Miseensonni waamamanii akka tajaajilaniif addaan baasuu

Miseensonni hojiiwwan garaagaraatiif waamamanii akkasumas deggersa ummataa argatan, iddoo sanatti tajaajiluuf addaan baafamuu qabu (Yohaannis 15:16; Barumsaa fi Kakuu 42:11) ilaali. Namni sun yeroo addaan baafamuu, (1) waamicha sana keessatti hojii aangoo akka hojjetu akkasumas (2) akka Hafuuri geggeessetti jechoota eebbaa in kenna.

Piresdaantonni stake (isteekii) , geggeessitonni, akkasumas gumiin piresdaantota yommuu addaan baafaman furtuuwwan dura taa’ummaa in fudhatu. Haa ta’u malee, yommuu miseensonni waamicha biroodhaaf addaan baafaman, jecha furtuuwwan jedhu gorsitoota piresdaantii dabalatee fayyadamuu hin qaban.

Namni tokko yookiin namoonni achi ol ta’an kan lubbummaan Melkiisediqii qabanii fi kan heeyyama qaban harka isaani laafisuudhaan mataa namicha sana irra in ka’u. Kana boodas kan sagalee ta’ee dubbatu:

1. Nama sana maqaa isaa yookiin ishee guutuu in waama.

2. Inni aangoo lubummaa Malkiisedeqiitiin hojjechaa akka jiru in ibsa.

3. Waamichi namicha sanaa geggeessaa naannoo, kutaa, gumii, yookiin kutaa barnootaa keessatti akka ta’e addaan in baasa.

4. Furtuwwan sana yoo namichi fudhachuu qaba ta’eef in kennaaf.

5. Akkaataa Hafuurri geggeessetti jechoota eebbaa in kenna.

6. Maqaa Yesuus Kiristoosiin in xumura.