8. Yeluxalees

Saib mus rau sab qaum teb Yeluxalees. Nyob hauv nruab nrab ntawm daim duab yog ib lub tsev teev tiam Muslim uas muaj lub ruv tsev kheej xim kub, hu ua lub Ruv Tsev Kheej ntawm lub Roob. Thaum ub cov Neeg Yudais teev tiam nyob hauv lub tuam tsev uas nyob ntawm no. Daim ntsa loog uas nyob ze lub Ruv Tsev Kheej ntawm lub Roob nyob puag ncig lub nroog Yeluxalees qub. Nyob sab xis ntawm daim ntsa loog yog lub Hav Kiloos. Nyob puag sab xis, uas tsis pom hauv daim duab, yog lub Roob Txiv Ntoo Roj. Mus rau sab qaum teb, uas dhau ntawm lub Ruv Tsev Kheej ntawm lub Roob mus, tej zaum yog qhov chaw Khaulakhauthas.

Tej Yam Tseem Ceeb uas Muaj Dhau Los: Puag thaum ub Yeluxalees yog hu ua Xalees (Pnk. 76:2). Anplaham them nyiaj ib feem kaum rau Mekhixedes (Chk. 14:18–20). Anplaham tuaj muab Ixaj txi (Chk. 22:2–14). Tus Vaj Ntxwv Daviv txeeb tau Yeluxalees ntawm cov Neeg Yenpus los (2 Xam. 5:4–9). Tus Vaj Ntxwv Xalumoos ua ib lub tuam tsev (1 Vnt. 6–7). Lihais ncaim mus rau ib thaj av uas cog lus cia (1 Nf. 1:4; 2). Tus Cawm Seej qhuab qhia, theej peb lub txhoj, thiab sawv rov los (Mat. 21–28). Ib yam li tus Cawm Seej tau qhia yuav muaj los tom ntej, Yeluxalees raug puas tsuaj tsis ntev tom qab Nws tuag (JS—M 1:3–20). Nyob hauv hnub nyoog kawg Yeluxalees yuav raug tawm tsam (Exk. 38–39; Yau. 2–3; Tsm. 11; 16). Thaum txog lub sij hawm rau Nws txoj Kev Los Zaum Ob, tus Cawm Seej yuav tshwm sim nyob ntawm no (Xak. 12–14; Q&K 45:48–53). (Saib QV Yeluxalees; Xalees.)