4. Kades-npane-as

Nov yog ib daim duab uas ntsia mus rau sab qaum teb hnub tuaj ntawm lub hav tiaj suab puam loj (uas yog ib lub kwj ha) ntawm qhov chaw Kades-npane-as. Thaum lub caij ntuj nag tus dej ntws uas nyob ntawm no ua rau qhov chaw no muaj dej thiab txi txiv ntau nyob hauv roob moj sab qhua Xee.

Tej Yam Tseem Ceeb uas Muaj Dhau Los: Tej zaum qhov chaw no yog qhov chaw uas Mauxes tau xa 12 tug txiv neej mus nyiag saib thaj av Kana-as (Tnp. 13:17–30). Qhov chaw no yog lub yeej loj rau cov Neeg Ixayees tau 38 xyoo ntawm 40 xyoo thaum lawv ncig mus nyob hauv roob moj sab qhua (2 Kev. 2:14). Milias tuag thiab raug muab faus rau ntawm no (Tnp. 20:1). Nov yog qhov chaw uas Kaulas ntxeev siab, cov neeg yws yws, thiab Aloos tus pas nrig txawj nthaw kaus (Tnp. 16–17). Nyob ze ntawm no Mauxes ntaus ib lub pob zeb thiab dej txhawv hauv los (Tnp. 20:7–11).