12. Lub Vaj Khexemanes

Daim duab uas muaj ib tsob ntoo txiv roj laus laus no yog yees nyob rau ntawm qhov chaw uas ib txwm xav tias yog lub Vaj Khexemanes. Tus Cawm Seej thov Vajtswv nyob ze ntawm no tom qab nws tau tawm ntawm chav txheej saud thaum hmo uas muaj neeg ntxeev siab rau Nws.

Tej Yam Tseem Ceeb uas Muaj Dhau Los: Nyob ntawm no Yexus Khetos pib raug kev txom nyem rau tib neeg tej kev txhaum (Mat. 26:36–44; Mak. 14:32–41; Q&K 19:16–19). Tom qab Nws thov Vajtswv, Yudas Ixakali-us ntxeev siab rau Nws, thiab Nws cov thwj tim tso Nws tseg tau ib ntus tom qab Nws raug ntes nyob hauv lub vaj (Mak. 14:50). (Saib QV Khexemanes.)