28. Das

Ua ntej cov neeg Ixayees kov yeej thaj av no, lub nroog Das puag thaum ub yog hu ua Laises (Yas. 19:47) los sis La-isas (Ctt. 18:7, 14) ua ntej cov Ixayees kov yeej thaj teb no. Cov me nyuam dej nyob ntawm qhov chaw no, nrog rau cov me nyuam dej nyob ntawm Xixaleyas Filipis, yog lub hauv paus ntawm tus Dej Yauladees. Nyob hauv daim duab no yog Yelaunpau-as lub tuam tsev.

Tej Yam Tseem Ceeb uas Muaj Dhau Los: Anplaham cawm Lauj dim (Chk. 14:13–16). Xeem neeg Das kov yeej cheeb tsam no thiab muab hu ua Das (Yas. 19:47–48). Yelaunpau-as tsa tau ib lub tuam tsev cuav muaj ib tug mlom nyuj xuas kub ua, uas ua rau kaum xeem neeg nyob rau sab qaum teb poob (1 Vnt. 12:26–33). Das yog Ixayees lub nroog uas nyob deb tshaj plaws pem sab qaum teb—yog li ntawd cov vaj lug kub thiaj hais tias Ixayees thaj av yog “txij puag nram Npesenpas mus txog rau pem Das” (2 Xvn. 30:5; Npesenpas yog lub nroog uas nyob deb tshaj plaws nram sab qab teb). (Saib QV Das.)