14. Lub Ntxa hauv lub Vaj

Tej zaum yog qhov chaw rau Yauxej ntawm Alimatas lub vaj ntxa. Ib co yaj saub niaj hnub nim no xav hais tias tus Cawm Seej lub cev raug muab tso pw rau hauv lub ntxa uas nyob hauv daim duab no.

Tej Yam Tseem Ceeb uas Muaj Dhau Los: Tom qab tus Cawm Seej tuag saum ntoo khaub lig, lawv muab Nws lub cev tso rau hauv ib lub qhov ntxa tshiab uas tau txaug rau hauv phab zeb (Mat. 27:57–60). Thaum hnub peb, ob peb tug poj niam mus rau tom lub ntxa thiab pom tias tus Cawm Seej lub cev tsis nyob lawm (Mat. 28:1; Yhs. 20:1–2). Ob tug Thwj Tim Petus thiab Yauhas kuj mus rau tom lub ntxa thiab pom tias tus Cawm Seej lub cev tsis nyob lawm (Yhs. 20:2–9). Tus Cawm Seej uas tau sawv rov los tshwm sim rau Maivliag Madalas pom (Yhs. 20:11–18).