6. Yudais tej Laj Roob

Yudais tej laj roob ntev li 56 kilaumev thiab dav li 27 kilaumev. Thaj av no feem ntau muaj pob zeb thiab nyuaj ua liaj ua teb. Nyob kem cov toj roob no muaj cov kwj ha uas qoob loo kuj tawg paj txi txiv thiab. Cov Neeg Ixayees puag thaum ub nyob hauv cov toj roob no, es siv cov toj roob no thaiv cov neeg uas tuaj tawm tsam lawv.

Tej Yam Tseem Ceeb uas Muaj Dhau Los: Tus Tswv cog lus tias yuav muab thaj av no rau Anplaham thiab nws cov tub ki (Chk. 13:14–18; 17:8). Xalas thiab Anplaham raug muab faus nyob hauv lub qhov tsua Makepelas, nyob hauv Henploos (Chk. 23:19; 25:9). Daviv txeeb tau Yeluxalees los ntawm cov Neeg Yenpus los (2 Xam. 5:4–9). Tej xwm txheej uas sau nyob hauv Phau Qub tshwm sim nyob hauv cov toj roob no ntau tshaj dua lwm thaj tsam.