21. Lub Hav Yexelees

Nyob saum lub ncov Roob Tanpaus ntsia mus rau qab teb sab hnub poob pom ib feem ntawm lub Hav Yexelees, uas kuj muaj npe hu ua Tiaj Nrag Exala-eloos. Txawm tib neeg xav tias lub Hav Yexelees yog ib lub hav loj loj, qhov tseeb tiag nws yog ib co kwj ha uas muab lub Tiaj Nrag Akaus txuas nrog lub kwj ha Yauladees thiab thaj tsam ntawm Hiav Txwv Kalilais. Xws li lub hav Menkidaus, yog nyob sab hnub poob ntawm lub hav no. Lub Hav Yexelees yog txoj kev loj uas hla Thaj Av Dawb Huv, nyob nruab nrab ntawm Hiav Txwv Mediatalenias uas nyob sab hnub poob thiab lub Hav Yauladees uas nyob sab hnub tuaj.

Tej Yam Tseem Ceeb uas Muaj Dhau Los: Txoj kev loj uas muab Iyiv thiab Mexuputamias sib txuas hla dhau lub hav no, thiab tau muaj kev sib ntaus sib tua ntau nyob rau ntawm no (Ctt. 1:22–27; 5:19; 2 Vnt. 23:29–30). Kev tsov rog loj zaum kawg nyob hauv thaj av no pib thaum muaj npluav rog Amankedoos, uas yuav pib tsis ntev ua ntej tus Cawm Seej txoj Kev Los Zaum Ob; lub npe no los ntawm Has Mankidoos, los sis lub Roob Menkidaus (Exk. 38; Yau. 3:9–14; Xak. 14:2–5; Tsm. 16:14–16).