30. Kauleethaus

Kauleethaus yog lub tuam nroog nyob hauv cov neeg Loos lub xeev uas hu ua Akhayas. Lub nroog no nyob ntawm thaj av nqaim uas muab thaj av Pelaupaunexus txuas rau thaj av Kilis loj, thiab puav leej muaj chaw nres nkoj ntawm sab hnub tuaj thiab sab hnub poob. Lub nroog no yog ib lub nroog nres nkoj uas muaj nyiaj thiab muaj hwj chim heev.

Tej Yam Tseem Ceeb uas Muaj Dhau Los: Povlauj nyob hauv Kauleethaus tau ib xyoos thiab rau lub hlis thiab tau txhim tsa lub Koom Txoos nyob rau ntawm no (Teh. 18:1–18). Povlauj tau sau ob peb tsab ntawv mus rau cov mej zeej ntawm lub Koom Txoos nyob hauv cheeb tsam Kauleethaus, uas tam sim no muaj ob tsab ntawv nyob hauv Phau Tshiab (1 thiab 2 Kauleethaus). Tej zaum Tsab Ntawv rau cov Neeg Loos twb yog sau tawm hauv Kauleethaus mus.