ការបង្រៀនរបស់ថ្នាក់ដឹកនាំសាសនាចក្រ ៖ មេរៀនទី ២០៥
ការរៀបចំខ្លួនសម្រាប់សន្និសីទទូទៅ
ការស្តាប់ព្រះបន្ទូលរបស់ព្រះអង្គសង្រ្គោះនៅក្នុងសន្និសីទទូទៅ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ពេញមួយប្រវត្ដិសាស្ដ្រ មនុស្សបានប្រើវិធីសាស្ដ្រច្រើនប្រភេទដើម្បីផ្ញើសារ មានចាប់តាំងពីផ្សែងផ្ញើសញ្ញា និងព្រាបនាំសារ ទៅដល់ការប្រើទូរសព្ទលើតុ និងការប្រាស្រ័យទាក់ទងតាមឌីជីថល ។ វិធីសាស្រ្តនីមួយៗមានដែនកំណត់របស់វា ។ ទោះជាយ៉ាងនេះក្ដី ព្រះអម្ចាស់ទាក់ទងតាមបែបផ្សេង ដោយការប្រើពួកព្យាការី ពួកសាវក និងព្រះវិញ្ញាណបរិសុទ្ធដើម្បីទាក់ទងមកកាន់គំនិត និងដួងចិត្ដរបស់យើង ។
គោលបំណងមេរៀន ៖ ដើម្បីជួយអ្នកឲ្យរៀបចំខ្លួនទទួលសារលិខិតមកពីព្រះអង្គសង្រ្គោះនៅក្នុងសន្និសីទទូទៅ ។
រៀនអំពីរបៀបធ្វើ
សារដែលប្រកបដោយអត្ថន័យ
សូមនឹកគិតដល់សារចុងក្រោយដែលអ្នកបានទទួល ដែលមានអត្ថន័យ ។ តើវាជាសារខ្លីពីឪពុក ឬម្ដាយ ឬជាសារមកពីមិត្ដម្នាក់ឬ ? តើអ្វីខ្លះដែលធ្វើឲ្យវាមានអត្ថន័យ ? តើអ្នកគិតថាសារអ្វីដែលព្រះយេស៊ូវគ្រីស្ទនឹងផ្ញើមកអ្នក ?
អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ បានសួរសំណួរស្រដៀងគ្នានេះ ៖
មិត្តសម្លាញ់របស់ខ្ញុំអើយ ប្រសិនបើព្រះអង្គសង្គ្រោះគង់នៅទីនេះឥឡូវនេះ តើទ្រង់នឹងមានបន្ទូលអ្វីខ្លះទៅកាន់អ្នក ? ( « ព្រះយេស៊ូវគ្រីស្ទគឺជាកម្លាំងនៃយុវជន » លីអាហូណា ខែវិច្ឆិកា ឆ្នាំ២០២២ ទំព័រ ៩ )
សូមចំណាយពេលបន្តិចដើម្បីសរសេរនៅក្នុងសៀវភៅកត់ចំណាំរបស់អ្នកនូវអ្វីដែលអ្នកដឹងអំពីព្រះយេស៊ូវគ្រីស្ទ ដែលធ្វើឲ្យសារពីទ្រង់មានអត្ថន័យ ។ បន្ទាប់មក សូមកត់ត្រាអ្វីដែលអ្នកសង្ឃឹមថាទ្រង់នឹងរួមបញ្ចូលនៅក្នុងសារលិខិតរបស់ទ្រង់ ( ដូចជា ការណែនាំសម្រាប់ជីវិតរបស់អ្នក សារលិខិតនៃសេចក្តីសង្ឃឹម និងការធានា ការបញ្ជាក់អំពីសេចក្តីពិត ឬចម្លើយចំពោះសំណួរមួយ ) ។
អែលឌើរ អុជដូហ្វ បានបន្ដចែកចាយអ្វីផ្សេងទៀតដែលសារលិខិតរបស់ព្រះអង្គសង្គ្រោះអាចរួមបញ្ចូល ៖
សម្រាប់ជំនាន់កំពុងពេញវ័យ ខ្ញុំមានសារលិខិតមួយជាពិសេសសម្រាប់អ្នក មកពីព្រះអង្គសង្គ្រោះរបស់យើងគឺព្រះយេស៊ូវគ្រីស្ទ ។ …
ខ្ញុំជឿថា ទ្រង់នឹងចាប់ផ្តើមដោយការបង្ហាញពីសេចក្ដីស្រឡាញ់ដ៏ជ្រាលជ្រៅរបស់ទ្រង់ចំពោះអ្នក ។ ទ្រង់ប្រហែលមានបន្ទូលជាពាក្យសម្ដី ប៉ុន្តែវាក៏មានកម្លាំងខ្លាំងក្លា—គឺដោយសារតែវត្តមានទ្រង់—ដែលមិនអាចបំភាន់បាន ប៉ះដល់ជម្រៅបេះដូងអ្នក បំពេញព្រលឹងអ្នកទាំងមូល ! …
ព្រះអង្គសង្គ្រោះបានប្រកាសយ៉ាងច្បាស់លាស់ថា អ្នកគឺជាបុត្រា ឬបុត្រីរបស់ព្រះដ៏មានឥទ្ធិឫទ្ធិ ។ ព្រះវរបិតាសួគ៌របស់អ្នកគឺជាអង្គដ៏រុងរឿងបំផុតក្នុងសកលលោក ពេញដោយសេចក្តីស្រឡាញ់ អំណរ ស្មោះត្រង់ បរិសុទ្ធ ពន្លឺ ព្រះគុណ និងសេចក្តីពិត ។ ហើយថ្ងៃមួយ ទ្រង់សព្វព្រះទ័យឲ្យអ្នកគ្រងមរតកនូវអ្វីៗទាំងអស់ដែលទ្រង់មាន ។ ( « ព្រះយេស៊ូវគ្រីស្ទគឺជាកម្លាំងនៃយុវជន » ទំព័រ ៩–១០ )
សន្និសីទទូទៅ វិវរណៈ
ការសិក្សាស៊ីជម្រៅ ៖ សូមមើល « Five Messages We All Need to Hear » ដោយអែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ សម្រាប់សារលិខិតបន្ថែមទៀតដែលព្រះអម្ចាស់មានសម្រាប់បុត្រាបុត្រីរបស់ទ្រង់ ។
របៀបដែលព្រះផ្ញើសារលិខិតមកយើង
សូមអានប្រភពបី ឬច្រើនជាងនេះ នៅខាងក្រោម ហើយរកមើលវិធីមួយដែលព្រះអម្ចាស់ផ្ញើសាររបស់ទ្រង់ ។ អ្នកអាចដាក់ស្លាកវានីមួយៗថា « វិវរណៈ » ឬ « ព្យាការី » ។
-
របាក្សត្រទី២ ៣៦:១៥
-
យេរេមា ៧:២៥
-
អេម៉ុស ៣:៧
-
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ បានបង្រៀន ៖
ខ្ញុំសូមធ្វើជាសាក្សីថា ព្រះយេស៊ូវគឺពិតជាព្រះគ្រីស្ទដែលទ្រង់ដឹកនាំកិច្ចការដ៏ពិសិដ្ឋនេះ ហើយសន្និសីទទូទៅនេះគឺពិតជាពេលវេលាដ៏សំខាន់មួយដែលទ្រង់ផ្ដល់ការដឹកនាំទៅដល់សាសនាចក្ររបស់ទ្រង់ និងទៅដល់ពួកយើងផ្ទាល់ ។ ( « The Voice of the Lord » Liahona ខែវិច្ឆិកា ឆ្នាំ២០១៧ ទំព័រ ១២២ )
នៅអំឡុងសន្និសីទទូទៅ ព្យាការី អ្នកមើលឆុត និងអ្នកទទួលវិវរណៈ រួមជាមួយនឹងថ្នាក់ដឹកនាំសាសនាចក្រដែលទទួលបានការបំផុសគំនិតផ្សេងទៀត ចែកចាយសារលិខិតមកពីព្រះអម្ចាស់ ។ នៅជាប់នឹងវគ្គបទគម្ពីរមួយក្នុងចំណោមវគ្គបទគម្ពីរដែលបានរៀបរាប់ពីមុន សូមធ្វើកំណត់ចំណាំមួយជាមួយនឹងសេចក្ដីពិតដូចតទៅនេះ ៖ ព្រះអម្ចាស់ប្រទានការណែនាំដល់សាសនាចក្ររបស់ទ្រង់ និងខ្ញុំផ្ទាល់តាមរយៈពួកអ្នកបម្រើរបស់ទ្រង់ គឺពួកព្យាការី ។
ការសិក្សាស៊ីជម្រៅ ៖ សូមមើល « ព្រះមានព្រះបន្ទូលមកកាន់បុត្រាបុត្រីរបស់ទ្រង់តាមរយៈព្យាការី » ដើម្បីស្វែងយល់ពីរបៀបដែលយើងទទួលបានការណែនាំរបស់ព្រះតាមរយៈព្យាការីដែលនៅរស់សព្វថ្ងៃនេះ ។
រៀបចំខ្លួនសម្រាប់សន្និសីទទូទៅ
នៅក្នុងសៀវភៅកត់ចំណាំរបស់អ្នក សូមធ្វើបញ្ជីមួយអំពី គំនិតបី ឬច្រើន សម្រាប់អ្វីដែលអ្នកអាចធ្វើបាន ពីមុន ឬ អំឡុង សន្និសីទទូទៅដើម្បីទទួលបានសារលិខិតរបស់ព្រះអម្ចាស់កាន់តែប្រសើរ ។
សូមសិក្សា សារលិខិតបី ឬច្រើនជាងនេះ ក្នុងចំណោមសារលិខិតទាំងប្រាំនៅខាងក្រោមនេះ ហើយបន្ថែមគំនិតបន្ថែមទៀតទៅក្នុងបញ្ជីរបស់អ្នក ។
-
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ បានបង្រៀន ៖
ជាដំបូង ត្រូវពោរពេញដោយការអធិស្ឋាននៅពេលអ្នក [ រៀបចំខ្លួនសម្រាប់សន្និសីទទូទៅ ] ។ គិតអំពីអ្វីដែលអ្នកព្រួយបារម្ភបំផុត ។ អ្នកអាចនឹងសរសេរការព្រួយបារម្ភទាំងនោះ ហើយអធិស្ឋានទៅព្រះវរបិតាសួគ៌ក្នុងព្រះនាមនៃព្រះយេស៊ូវគ្រីស្ទ ថាអ្នកអាចនឹងទទួលបានចម្លើយ ។ ( នែល អិល អាន់ឌើរសិន ហ្វេសប៊ុក ថ្ងៃទី២០ ខែកញ្ញា ឆ្នាំ២០២០ នៅលើគេហទំព័រ facebook.com/neill.andersen )
-
ប្រធាន ហែនរី ប៊ី អាវរិង ក្នុងគណៈប្រធានទីមួយ បានបង្រៀន ៖
ប្រសិនបើអ្នកទុកចិត្តលើព្រះបានល្មមគ្រប់គ្រាន់ដើម្បីស្តាប់ឮសារលិខិតរបស់ទ្រង់នៅគ្រប់ទេសនកថា បទចម្រៀង និងការអធិស្ឋាននៅក្នុងសន្និសីទនេះ នោះអ្នកនឹងរកឃើញសារលិខិតនោះ ។ ( « Trust in God, Then Go and Do » Liahona ខែវិច្ឆិកា ឆ្នាំ២០១០ ទំព័រ ៧៣ )
-
ប្រធាន ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ បានបង្រៀន ៖
ប្រសិនបើ … បងប្អូនស្តាប់ដោយមានព្រះវិញ្ញាណ នោះនឹងមាននរណាម្នាក់ក្នុងចំណោមពួកយើងប៉ះចំស្ថានភាពរបស់បងប្អូន ដែលបញ្ជូនសារលិខិតដ៏ព្យាករផ្ទាល់ខ្លួនសម្រាប់តែបងប្អូនប៉ុណ្ណោះ ។ ( « An Ensign to the Nations » Liahona ខែឧសភា ឆ្នាំ២០១១ ទំព័រ ១១៣ )
-
ប្រធាន រ័សុល អិម ណិលសុន បានបង្រៀន ៖
សូមកត់ត្រាទុកយោបល់ណាដែលបងប្អូនចាប់អារម្មណ៍ និងយោបល់ណាដែលផុសឡើងក្នុងគំនិត និងដក់ជាប់នៅក្នុងចិត្តរបស់បងប្អូន ។ ចូរទូលសូមព្រះអម្ចាស់ប្រកបដោយការអធិស្ឋាន ដើម្បីបញ្ជាក់ថា អ្វីដែលបងប្អូនបានស្ដាប់ឮគឺជាការពិត ។ ( « តើការពិតជាអ្វី ? » លីអាហូណា ខែវិច្ឆិកា ឆ្នាំ២០២២ ទំព័រ ៣០ )
-
« Blessings of Conference » ( ២:២៤ )
2:25
ការសិក្សាស៊ីជម្រៅ ៖ សូមមើលពីរបៀបផ្សេងទៀតដែលអ្នកអាចរៀបចំខ្លួនដោយប្រើ « 7 Days of General Conference Prep » នៅក្នុង Liahona ។
ឥឡូវត្រូវធ្វើដូចម្តេចទៀត ?
ការស្វះស្វែងដើម្បីអភិវឌ្ឍគុណលក្ខណៈដូចព្រះគឺជារបៀបមួយទៀតដើម្បីទទួលបានសារលិខិតដែលព្រះអម្ចាស់មានសម្រាប់អ្នក នៅពេលអ្នករៀបចំខ្លួនសម្រាប់សន្និសីទទូទៅ ។ សូមគិតពីគុណលក្ខណៈដូចព្រះគ្រីស្ទមួយ ឬពីរដែលអ្នកចង់អភិវឌ្ឍ ដូចជា សេចក្ដីសប្បុរស ការបន្ទាបខ្លួន ការឧស្សាហ៍ព្យាយាម ឬការអត់ធ្មត់ ។ នៅក្នុងសៀវភៅកត់ចំណាំរបស់អ្នក សូមសរសេរគោលដៅនៃអ្វីដែលអ្នកចង់ធ្វើពីមុន ឬអំឡុងសន្និសីទទូទៅដើម្បីទទួលបានសារលិខិតរបស់ព្រះអម្ចាស់សម្រាប់អ្នក ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យរៀបចំខ្លួនទទួលសារលិខិតមកពីព្រះអង្គសង្រ្គោះនៅក្នុងសន្និសីទទូទៅ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
គុណលក្ខណៈដូចជាព្រះគ្រីស្ទដែលអ្នកចង់អភិវឌ្ឍ និងគោលដៅរបស់អ្នកនៃអ្វីដែលអ្នកចង់ធ្វើ ដើម្បីទទួលបានសារលិខិតរបស់ព្រះអម្ចាស់ក្នុងអំឡុងសន្និសីទទូទៅ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?