សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ២១៤ ៖ ការបង្រៀនរបស់ថ្នាក់ដឹកនាំសាសនាចក្រទី ៨—ការសិក្សា និងការអនុវត្តតាមការបង្រៀនរបស់ពួកអ្នកបម្រើរបស់ព្រះអម្ចាស់

ការបង្រៀនរបស់ថ្នាក់ដឹកនាំសាសនាចក្រ ៖ មេរៀនទី ២១៤

ការបង្រៀនរបស់ថ្នាក់ដឹកនាំសាសនាចក្រទី ៨

ការសិក្សា និងការអនុវត្តតាមការបង្រៀនរបស់ពួកអ្នកបម្រើរបស់ព្រះអម្ចាស់

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

នៅពេលបុរសចំណាស់ចាប់ផ្ដើមពិនិត្យមើលម៉ាស៊ីនរបស់កប៉ាល់យក្សនោះ ម្ចាស់កប៉ាល់បានដើរពីក្រោយគាត់ដោយភាពភិតភ័យ ។ ម៉ាស៊ីនបានឈប់ដំណើរការដោយគ្មានមូលហេតុ ហើយគ្មាននាវិកណាម្នាក់អាចរកឃើញមូលហេតុឡើយ ។ បន្ទាប់ពីពិនិត្យមើលបានប៉ុន្មាននាទី បុរសចំណាស់បានញញឹម លូកដៃចូលក្នុងខែ្សក្រវាត់ដាក់ឧបករណ៍របស់គាត់ យកញញួរមួយចេញមក ហើយបានគោះថ្នមៗលើផ្នែកមួយនៃម៉ាស៊ីន ។ ភ្លាមៗនោះ ម៉ាស៊ីនបានឆេះដំណើរការវិញ ។

មួយសប្ដាហ៍ក្រោយមក ម្ចាស់កប៉ាល់បានទទួលវិក្កយបត្រទឹកប្រាក់ ១០,០០០ ដុល្លារ ។ « យ៉ាងម៉េចអ៊ីចឹង ? » ម្ចាស់កប៉ាល់បានតវ៉ា ។ « តើគាត់គិតថ្លៃច្រើនបែបនេះបានយ៉ាងម៉េច នៅពេលដែលគាត់ធ្វើការតែប៉ុន្មាននាទីនោះ ? » ភ្លាមៗ ពួកគេបានស្នើសុំវិក្កយបត្រដែលរាយបញ្ជីសេវាកម្ម ។

បុរសចំណាស់បានផ្ញើមកវិញបែបនេះ ៖

គោះដោយញញួរ ៖ ២ ដុល្លារ
ដឹងពីកន្លែងដែលត្រូវគោះ ៖ ៩,៩៩៨.០០១ ដុល្លារ

ការសិក្សាសារលិខិតសន្និសីទទូទៅអាចដូចគ្នាច្រើនទៅនឹងការងាររបស់បុរសជាងជួសជុលវ័យចំណាស់នោះ ។ ជាញឹកញាប់ តម្លៃនៃការសិក្សារបស់អ្នកស្ថិតនៅលើថាតើត្រូវរកមើលនៅឯណា ហើយត្រូវរកមើលអ្វី ។

គោលបំណងមេរៀន ៖ ដើម្បីជួយអ្នករៀនពីរបៀបសិក្សាសារលិខិតសន្និសីទទូទៅឲ្យកាន់តែមានប្រសិទ្ធិភាព ។

រៀនអំពីរបៀបធ្វើ

របៀបប្រើមេរៀននេះ

មេរៀននេះមានពីរផ្នែក ។ ផ្នែកទីមួយនឹងបង្រៀនអ្នកនូវជំនាញមួយដែលអាចជួយអ្នកឲ្យមានបទពិសោធន៍សិក្សាសារលិខិតសន្និសីទទូទៅកាន់តែមានអត្ថន័យ ។

នៅក្នុងផ្នែកទីពីរនៃមេរៀននេះ អ្នកនឹងប្រើជំនាញដែលអ្នកបានរៀនដើម្បីសិក្សាសុន្ទរកថាសន្និសីទទូទៅដែលបានចាត់តាំងដោយគ្រូបង្រៀនរបស់អ្នក ។ ប្រសិនបើមិនមានសារលិខិតមួយត្រូវបានចាត់តាំងឲ្យអ្នកទេ សូមជ្រើសរើសសុន្ទរកថាមួយមកពីសន្និសីទទូទៅថ្មីៗនេះ ។

កណត់នូវគោលលទ្ធិ ការអញ្ជើញ និងពរជ័យ

អែលឌើរ ដេវីដ អេ បែដណា ក្នុងកូរ៉ុមនៃពួកសាវកដប់ពីរនាក់ បានចែកចាយ ៖ រឿងបីយ៉ាងដែលត្រូវរកមើល នៅពេលអ្នកសិក្សាសុន្ទរកថាសន្និសីទទូទៅ ៖

គោលលទ្ធិ ឬគោលការណ៍ដែលបានបង្រៀន
ការអញ្ជើញឲ្យធ្វើសកម្មភាពដែលទាក់ទងនឹងគោលលទ្ធិ ឬគោលការណ៍
ពរជ័យដែលបានសន្យាដែលនឹងមក នៅពេលអ្នកធ្វើសកម្មភាពលើការអញ្ជើញនោះ ( សូមមើល Scott Taylor « Learn Elder Bednar’s Pattern fro Studying Conference Messages—Doctrine, Invitations, Blessings » Newsroom ថ្ងៃទី៣០ ខែមីនា ឆ្នាំ២០២១ នៅលើគេហទំព័រ ChurchofJesusChrist.org ) ។

ឧទាហរណ៍មួយនៃលំនាំនេះមាននៅក្នុងសុន្ទរកថា « បីបាច់ឫស នោះមែកនឹងលូតលាស់ឡើង » ដោយអែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ ។

នៅក្នុងសុន្ទរកថានោះ លោកបានបង្រៀនគោលលទ្ធិដូចតទៅនេះ ៖

សេចក្តីពិតខ្លះជាស្នូលសំខាន់ ជាឫសនៃសេចក្តីជំនឿរបស់យើង ។ សេចក្តីពិតខ្លះទៀត ជាផ្នែកបន្ទាប់បន្សំ ឬជាមែក—មានតម្លៃ តែនៅពេលវាត្រូវបានភ្ជាប់ទៅនឹងមូលដ្ឋានគ្រឹះប៉ុណ្ណោះ ។ …

…ព្រះយេស៊ូវគ្រីស្ទ និងពលិកម្មដ៏ធួនរបស់ទ្រង់គឺជា ឫសនៃទីបន្ទាល់របស់យើង ។ អ្វីៗផ្សេងទៀតគឺជាមែក ។ ( « បីបាច់ឫស នោះមែកនឹងលូតលាស់ឡើង » លីអាហូណា ខែវិច្ឆិកា ឆ្នាំ២០២៤ ទំព័រ ១០១ )

គោលលទ្ធិសេចក្ដីពិត

អ្នកអាចស្វែងរក ហើយគូសសម្គាល់គោលលទ្ធិមួយដោយប្រើពណ៌មួយ ដូចជា ព្រះយេស៊ូវគ្រីស្ទគឺជាចំណុចសំខាន់នៃសេចក្ដីជំនឿរបស់យើង ហើយគ្រប់អ្វីទាំងអស់ត្រូវតែបានភ្ជាប់ទៅកាន់ទ្រង់ ។ ឥឡូវនេះ សូមអានការអញ្ជើញខាងក្រោមនេះមកពីសុន្ទរកថាអែលឌើរ អុជដូហ្វ ៖

ប្រសិនបើបងប្អូនចង់បានទីបន្ទាល់ដ៏រឹងមាំអំពីព្រះគម្ពីរមរមន សូមផ្តោតលើសាក្សីរបស់ព្រះគម្ពីរនេះអំពីព្រះយេស៊ូវគ្រីស្ទ ។ …

បើបងប្អូនកំពុងស្វែងរកបទពិសោធន៍ដ៏មានអត្ថន័យក្នុងការប្រជុំសាសនាចក្រ ឬក្នុងព្រះវិហារបរិសុទ្ធ សូមព្យាយាមស្វែងរកព្រះយេស៊ូវគ្រីស្ទនៅក្នុងពិធីការបរិសុទ្ធដ៏ពិសិដ្ឋដែលយើងទទួលនៅទីនោះ ។ …

ប្រសិនបើបងប្អូនមានអារម្មណ៍អស់កម្លាំង ឬសន្ធប់ដោយសារការហៅរបស់បងប្អូននៅក្នុងសាសនាចក្រ សូមព្យាយាមផ្តោតការបម្រើរបស់បងប្អូនទៅលើព្រះយេស៊ូវគ្រីស្ទ ។ ( « បីបាច់ឫស នោះមែកនឹងលូតលាស់ឡើង » ទំព័រ ១០២ )

ទីបន្ទាល់ ការទៅព្រះវិហារ អារម្មណ៍លើសលប់

អ្នកអាចគូសសម្គាល់ការអញ្ជើញទាំងនោះដោយពណ៌ផ្សេងៗគ្នាដើម្បីបំបែកវាចេញពីគោលលទ្ធិ ឬគោលការណ៍ដែលលោកបានបង្រៀន ។

នៅចុងបញ្ចប់ អែលឌើរ អុជដូហ្វ បានផ្ដល់នូវការសន្យានេះ ៖

បីបាច់ឫស នោះមែកនឹងលូតលាស់ឡើង ។ ហើយនៅពេលមួយ វានឹងចេញផ្លែផ្កា ។ ( « បីបាច់ឫស នោះមែកនឹងលូតលាស់ឡើង » ទំព័រ ១០២ )

ទីបន្ទាល់

អ្នកអាចជ្រើសរើសពណ៌ថ្មីដើម្បីគូសសម្គាល់ការសន្យានេះ ដើម្បីឲ្យវាលេចធ្លោដាច់ពីគោលលទ្ធិ និងការអញ្ជើញដែលអ្នកបានគូសសម្គាល់ ។

ឥឡូវត្រូវធ្វើដូចម្តេចទៀត ?

ថ្ងៃនេះអ្នកបានរៀនពីរបៀបសិក្សាសុន្ទរកថា ដោយការរកមើល និងការគូសសម្គាល់ ៖

គោលលទ្ធិ ឬគោលការណ៍ដែលបានបង្រៀន ។
ការអញ្ជើញឲ្យធ្វើសកម្មភាពដែលទាក់ទងនឹងគោលលទ្ធិ ឬគោលការណ៍ ។
ពរជ័យដែលបានសន្យាដែលនឹងមក នៅពេលអ្នកធ្វើសកម្មភាពតាមការអញ្ជើញនោះ ។

អ្នកអាចប្រើលំនាំនេះដើម្បីសិក្សាសុន្ទរកថាសន្និសីទដែលគ្រូបង្រៀនរបស់អ្នកបានចាត់តាំង ។ ប្រសិនបើមិនមានសារលិខិតមួយត្រូវបានចាត់តាំងឲ្យអ្នកទេ សូមជ្រើសរើសសុន្ទរកថាមួយមកពី សន្និសីទទូទៅ ថ្មីៗនេះ ។

សូមគូសសម្គាល់ជំហាននីមួយៗតាមរបៀបពិសេសមួយដើម្បីធ្វើឲ្យវាងាយស្រួលក្នុងការមើលឃើញលំនាំនេះ នៅពេលអ្នកបានបញ្ចប់វា ។

ចែកចាយគំនិតរបស់អ្នក

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកបានគូសសម្គាល់ ខណៈពេលធ្វើតាមលំនាំរបស់អែលឌើរ បែដណា ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?