Սեմինարիա
Գնահատեք ձեր գիտելիքները 6. Գ Թագավորների 17-Եսթեր

«Գնահատեք ձեր գիտելիքները 6. Գ Թագավորների 17-Եսթեր», Հին Կտակարան․ Սեմինարիայի ուսուցչի ձեռնարկ (2026)

«Գնահատեք ձեր գիտելիքները 6. Գ Թագավորների 17-Եսթեր», Հին Կտակարան․ Սեմինարիայի ուսուցչի ձեռնարկ

Եսթեր․ Դաս 96

Գնահատեք ձեր գիտելիքները 6

Գ Թագավորների 17-Եսթեր

A young man in the corner of a room measuring his height.

Մեր հոգևոր գիտելիքների շուրջ խորհրդածելը և դրանք գնահատելը կօգնի մեզ ավելի մոտենալ Երկնային Հորը և Հիսուս Քրիստոսին: Այս դասը կօգնի ուսանողներին խորհել իրենց սահմանած նպատակների և աճի մասին, որ ունեցել են Գ Թագավորների 17-Եսթեր գլուխներն ուսումնասիրելիս։

Ուսանողի նախապատրաստում․ առաջարկեք ուսանողներին գալ պատրաստ՝ կիսվելու Հին Կտակարանի իրենց ուսումնասիրությունից սուրբգրային մի հատվածով, որը առավել կարևոր է իրենց համար։ Խնդրեք նրանց մտածել, թե ինչպես է այդ հատվածն օգնում իրենց հետևել Հիսուս Քրիստոսին:

Հնարավոր ուսումնական վարժություններ

Դասարանով Գ Թագավորների 17-Եսթեր գլուխներն ուսումնասիրելիս գուցե ուշադրությունը կենտրոնացվել է ոչ այն արդյունքների վրա, որոնք գնահատված են այս դասում։ Եթե այդպես է, ապա հարմարեցրեք վարժությունները՝ գնահատելու ուսանողների աճն այն արդյունքների վերաբերյալ, որոնց վրա ձեր դասարանը կենտրոնացել է:

Այս դասի ընթացքում ուսանողները հնարավորություն կունենան գնահատել իրենց առաջընթացը հետևյալ ուղղություններով․

  1. Զգալ Տիրոջն ապավինելու մեծ ցանկություն՝ զորություն և ազատում ստանալու համար: (Նշում․ Այս վարժությունը հիմնված է Դաս 74. «Ա Թագավորների 17»-ի, Դաս 85. «Դ Թագավորների 6»-ի, Դաս 86. «Դ Թագավորների 18–20»-ի և Դաս 95. «Եսթեր Մաս 2»-ի ուսմունքների վրա։)

  2. Դարձեք Հիսուս Քրիստոսի աշակերտը։ (Նշում․ Այս վարժությունը կարող է հիմնվել ցանկացած դասի վրա, որը կենտրոնացած է ծրագիր ստեղծելու կամ կիրառելի նպատակ դնելու վրա: Չի ակնկալվում, որ ուսանողները այդ դասերից յուրաքանչյուրը ունենան իրենց առաջադրանքների ցանկում՝ այս գնահատմանը պատրաստվելու համար:)

Հոգևոր աճ

Առաջարկեք ուսանողներին համեմատել իրենց ներկայիս հասակը այն ժամանակի հետ, երբ իրենք փոքր երեխա էին:

Դասի սկզբում կարող եք նկար ցուցադրել:

  • Ինչպե՞ս կարող է մեր հասակի փոփոխությունը տեսնելը համեմատվել մեր հոգևոր աճը տեսնելու հետ:

  • Ի՞նչ եղանակներով մենք կարող ենք հասկանալ, թե ինչպես ենք աճում հոգևոր առումով և ավելի նմանվում Փրկչին:

    Հարցերը քննարկելիս կարող եք օգնել ուսանողներին նկատել, որ մեր հասակի փոփոխությունը չի երևում ամեն օր, այլ երևում է ժամանակի ընթացքում: Նմանապես, մեր հոգևոր աճը առավել հաճախ նկատվում է, երբ մենք դիտարկում ենք մեր կյանքը ժամանակի ընթացքում: Օրինակ՝ մենք կարող ենք բարիք գործելու ավելի մեծ ցանկություն զգալ (տես Մոսիա 5․2), ավելի հետևողական լինել մեր աղոթքների և սուրբ գրությունների ուսումնասիրության մեջ կամ ավելի մեծ սիրով վերաբերվել ուրիշներին:

    Առաջարկեք ուսանողներին խորհել, թե ինչ են իրենք սովորել դասարանում վերջին մի քանի շաբաթվա ընթացքում և ինչ հոգևոր տպավորություններ են ստացել։ Ուսանողները կարող են վերանայել օրագրի գրառումները, որ իրենք գրել են, և սուրբ գրությունները, որ կարդացել կամ նշել են։ Ուսանողներին առաջարկեք պատասխանել հետևյալ հարցերին իրենց օրագրում՝ նախքան դրանք դասարանում քննարկելը:

  • Ի՞նչ եք սովորել կամ զգացել Հին Կտակարանի ձեր ուսումնասիրությունից:

  • Ինչպե՞ս են ձեր սովորած և կիրառած ճշմարտությունները օգնել ձեզ հետևել Հիսուս Քրիստոսին:

Զգալ Տիրոջն ապավինելու մեծ ցանկություն՝ զորություն և ազատում ստանալու համար

Հին Կտակարանը ուսումնասիրելիս ուսանողները կարող են ոգեշնչված լինել օրինակներով, երբ Տերն օրհնում էր այն մարդկանց, որոնք ապավինում էին Իրեն՝ զորություն և ազատում ստանալու համար:

Կարող եք ցուցադրել հետևյալ արտահայտությունները՝ օգնելու ուսանողներին հիշել վերջին օրինակները, որ իրենք ուսումնասիրել են: Դա անելու եղանակներից մեկը հետևյալ արտահայտությունները ցուցադրելն է՝ առանց խոսնակների անունները նշելու: Գրեք խոսնակների անունները այլ հերթականությամբ: Այնուհետև առաջարկեք ուսանողներին համապատասխանեցնել արտահայտությունները խոսնակների անունների հետ։

Հնարավորության դեպքում կարող եք նաև ցուցադրել այդ մարդկանցից յուրաքանչյուրի նկարը:

Դավիթ․ «Դու ինձ վրա սրով, նիզակով և տեգով ես գալիս, իսկ ես քեզ վրա գալիս եմ Իսրայելի զորքերի Զորությունների Տիրոջ՝ Աստծու անունով» (Ա Թագավորների 17․45)։

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

Եղիսե․ «Մի՛ վախեցիր, որովհետև մեզ հետ եղողներն ավելի շատ են, քան նրանց հետ եղողները» (Դ Թագավորների 6․16):

Եզեկիա․ «Զորացեք և քաջ եղեք, մի վախեցեք … որովհետև մեզ հետ եղողներն ավելի շատ են նրա հետ եղողներից։ Նրա հետ մարմնեղեն բազուկ կա, իսկ մեզ հետ է մեր Աստվածը՝ Տերը, որ մեզ օգնի և մեր պատերազմն ինքը մղի» (Բ Մնացորդաց 32․7–8)։

King Hezekiah and the people are gathered at the temple. Levites and priests are also seen playing musical instruments as the people joyfully sing.

Եսթեր․ «Ես էլ իմ աղախինների հետ այդպես ծոմ եմ պահելու և այնուհետև թագավորի մոտ եմ գնալու, թեև օրենք չէ. և եթե մեռնելու եմ, թող մեռնեմ» (Եսթեր 4․16)։

Mormon Messages: Having Courage & Trusting the Lord: Stand Up for What You Believe In

Կարող եք հիշեցնել ուսանողներին վարժություններ դասերից՝ հետևյալ մարդկանց վերաբերյալ։ Դա կարող է օգնել ուսանողներին հիշել այն զգացմունքներն ու տպավորությունները, որոնք իրենք գուցե ունեցել են իրենց ուսումնասիրության ընթացքում:

Ուսանողները կարող են հիշել այն քարը, որը իրենք նկարել էին, որպեսզի ներկայացնեն Հիսուս Քրիստոսի հանդեպ հավատք գործադրելու եղանակներից մեկը Դաս 74-ում. «Ա Թագավորների 17»:

Ուսանողները կարող են հիշել եղանակների ցանկը, որոնցով Տերը հետևում և հոգ է տանում մեր մասին, Դաս 85. «Դ Թագավորների 6»:

Ուսանողները կարող են հիշել, թե ինչպես Տերը ազատեց Եզեկիա թագավորին և հրեաներին, Դաս 86. «Դ Թագավորների 18–20»:

Ուսանողները կարող են հիշել, թե ինչպես են իրենք վերաշարադրել Եսթեր 4.16 հատվածը Դաս 95. «Եսթեր Մաս 2-ում»։

  • Ինչպե՞ս եք դուք ոգեշնչվել այն բանից, թե ինչպես է Տերն օրհնել այս մարդկանցից մեկին կամ մի քանիսին:

    Սուրբ գրությունների պատմությունները վերանայելուց հետո առաջարկեք ուսանողներին խորհել իրենց զգացմունքների մասին: Դա անելու համար կարող եք առաջարկել նրանց պատասխանել հետևյալ հարցերից մեկին կամ մի քանիսին իրենց օրագրերում։ Բավարար ժամանակ տրամադրելուց հետո, պատրաստակամ ուսանողներին առաջարկեք դասարանի հետ կիսվել իրենց մտքերով և զգացումներով:

  • Ի՞նչ եք սովորում Երկնային Հոր և Հիսուս Քրիստոսի մասին, որը կարող է օգնել ձեզ ապավինել Նրանց՝ զորություն և ազատում ստանալու համար:

  • Ի՞նչ եք զգացել վերջերս, որը մեծացրել է ձեր ցանկությունը՝ ապավինելու Երկնային Հորը և Հիսուս Քրիստոսին՝ զորություն և ազատում ստանալու համար:

Դարձեք Հիսուս Քրիստոսի աշակերտը

Տարբերակ 1

Ուսանողները գուցե բազմաթիվ հնարավորություններ ունեին վերջին դասերի ընթացքում՝ խորացնելու իրենց աշակերտությունը Հիսուս Քրիստոսին և Նրա ավետարանին: Ահա դասերի ցանկը, որոնցում ուսանողները կարող էին նպատակներ սահմանել՝ խորացնելու իրենց աշակերտությունը.

Դաս 81. «Գ Թագավորների 17»-ում ուսանողներին առաջարկվել էր ավելի մեծ հավատքով գործել առ Հիսուս Քրիստոս՝ հետևելով Նրա մարգարեների խոսքերին:

Դաս 84. «Դ Թագավորների 5»-ում ուսանողներին առաջարկվել էր անել փոքր և պարզ բաներ, որոնք Տերը պատվիրում է մեզ անել:

Դաս 87. «Դ Թագավորների 21–23»-ում ուսանողներին առաջարկվել էր դառնալ դեպի Տերը՝ սուրբ գրությունների իրենց անձնական ուսումնասիրության միջոցով:

Դաս 90. «Բ Մնացորդաց 14–16»-ում ուսանողներին առաջարկվել էր ծրագիր կազմել՝ Տիրոջը փնտրելու համար:

Դաս 93. «Նեեմիա»-ում ուսանողներին առաջարկվել էր կենտրոնացած մնալ այն աշխատանքի վրա, որը Երկնային Հայրը տվել է իրենց անելու:

Դաս 95. «Եսթեր, Մաս 2»-ում ուսանողներին առաջարկվել էր գործել քաջությամբ՝ կատարելու Տիրոջ կամքը:

Աղոթքով մտածեք, թե ուսանողներն ինչ ծրագրեր կամ նպատակներ կարող էին կազմել այս դասերում, որպեսզի խորացնեն իրենց աշակերտությունը Հիսուս Քրիստոսին: Ուսանողներին հնարավորություն տվեք գնահատելու ծրագրերին և նպատակներին հետևելու իրենց ջանքերը: Ուսանողները կարող են ճանաչել իրենց հաջողությունները և վերահաստատել կամ շարունակել իրենց ծրագիրը: Հետևյալ գծապատկերը կօգնի ուսանողներին շարունակել ձգտել հասնել իրենց նպատակներին:

Տարբերակ 2

Հետևյալ հուշումն ու գծապատկերը կարող են օգտագործվել՝ օգնելու ուսանողներին ճանաչել և արձագանքել Սուրբ Հոգու հուշումներին:

Մտածեք այն մասին, թե ինչ հուշումներ եք զգացել Սուրբ Հոգու կողմից վերջին մի քանի շաբաթվա ընթացքում: Այդ հուշումները կարող են գալ տարբեր իրավիճակներում, այդ թվում՝ տանը, եկեղեցում կամ սեմինարիայում: Յուրաքանչյուր հուշման վերաբերյալ, որը դուք զգում եք, մտածեք, թե որտեղ եք դուք հետևյալ գծապատկերում: Ձեր ուսումնական օրագրում դրեք ձեր մտքերն այն մասին, թե ձեր կարծիքով որոնք են լինելու ձեր հաջորդ քայլերը՝ հետևելու ձեր ստացած հուշումներին:

Ուսանողներին ժամանակ տվեք լուռ մտորելու և գրելու իրենց օրագրում: Բավականաչափ ժամանակ տալուց հետո ուսանողների հետ քննարկեք հետևյալ հարցերը:

  • Ձեր կարծիքով, որո՞նք են այս գործընթացի ամենադժվար քայլերը:

  • Ինչպե՞ս կարող ենք զորություն ստանալ Հիսուս Քրիստոսից՝ հաղթահարելու մեր աշակերտության համար առկա այդ խոչընդոտները: