Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Գ Թագավորների 17. «Նա գնաց և արեց՝ համաձայն Եղիայի խոսքի»

«Գ Թագավորների 17. «Նա գնաց և արեց՝ համաձայն Եղիայի խոսքի»», Հին Կտակարան․ Սեմինարիայի ուսուցչի ձեռնարկ (2026)

«Գ Թագավորների 17. «Նա գնաց և արեց՝ համաձայն Եղիայի խոսքի»», Հին Կտակարան․ Սեմինարիայի ուսուցչի ձեռնարկ

Գ Թագավորների 12–13, 17–22․ Դաս 81

Գ Թագավորների 17

«Նա գնաց և արեց՝ համաձայն Եղիայի խոսքի»

A painting by James Johnson showing a woman with long brown hair and a simple tunic, pouring oil into a small plate.

Մեր սիրառատ Երկնային Հայրը և Նրա որդին՝ Հիսուս Քրիստոսը, հաճախ մեզ հնարավորություն են տալիս կյանքի դժվարությունների ժամանակ հավատք դրսևորել Իրենց հանդեպ: Երաշտի ժամանակ Եղիա մարգարեն Սարեփթայում ապրող այրի կնոջը խնդրեց իրեն տալ այն, ինչ մնացել էր կերակուրից։ Քանի որ այրի կինը գործեց հավատքով, Տերը նրան մեծ օրհնություններ խոստացավ: Այդ այրի կնոջ նման մենք կարող ենք ցուցադրել մեր հավատքն առ Աստված՝ հետևելով Նրա մարգարեներին: Այս դասը կօգնի ուսանողներին գործել ավելի մեծ հավատքով առ Երկնային Հայրը և Հիսուս Քրիստոսը՝ հետևելով մարգարեների խոսքերին:

Ուսանողի նախապատրաստում. ուսանողներին առաջարկեք նշել, թե ինչ է Տերը հրավիրել մեզ անելու Իր մարգարեի միջոցով և այն խոստումը, որը Նա տվել է, եթե մենք դա անենք: Ուսանողներին առաջարկեք պատրաստված գալ՝ կիսվելու համար:

Հնարավոր ուսումնական վարժություններ

Մարգարեական հրավերներ

Որպեսզի օգնեք ուսանողներին տեսնել, թե ինչպես են Երկնային Հայրը և Հիսուս Քրիստոսը առաջնորդություն տալիս մեզ Իրենց մարգարեների միջոցով, կարող եք ցուցադրել հետևյալ վարժությունը: Կարող եք ներառել ժամանակակից մարգարե և մի հրավեր, որը նա վերջերս է տվել: Որպես այլընտրանք, ուսանողները կարող են նշել մարգարեներից մի քանիսին (ներառյալ ներկայիս մարգարեին) և թվել առնվազն մեկ հրավեր, որը Տերը տվել է մեզ յուրաքանչյուր մարգարեի միջոցով:

Մարգարեներին համապատասխանեցրեք այն հրավերին, որը Տերը տվել է նրանց ժողովրդին.

Հարեդի եղբայրը
Մովսես
Լեքի
Բրիգամ Յանգ

Հեռացեք Երուսաղեմից և գնացեք անապատ:
Ուղևորվեք դեպի Ռոքի լեռներ։
Կառուցեք բեռնանավեր, որպեսզի հատեք օվկիանոսը՝ ավետյաց երկիր հասնելու համար։
Հատեք Կարմիր ծովը ցամաքով:

Պատասխաններ․ 1–Գ (տես Եթեր 2․16, 6․4, 12), 2–Դ (տես Ելք 14․21–22), 3–Ա (տես 1 Նեփի 2․1–2), 4–Բ (տես Վարդապետություն և Ուխտեր 136.1)։ Ուսանողներին առաջարկեք խորհել, թե արդյոք իրենք կարող էին հետևել այս մարգարեական առաջնորդությանը, եթե ապրեին այդ մարգարեների ժամանակ:

Ուսանողներին առաջարկեք խորհել ապրող մարգարեի հրավերներին տրվելիք իրենց պատասխանների շուրջ՝ անելով հետևյալը։

1–10 սանդղակով ինչպես կգնահատեք ձեզ՝ հետևյալ պնդումներից յուրաքանչյուրի վերաբերյալ.

Ես հավատում եմ, որ Տերը խոսում է մարգարեների միջոցով:
Ես ծանոթ եմ այն ամենին, ինչ Տերը այսօր ուսուցանում է Իր մարգարեների միջոցով:
Ես հետևում եմ Տիրոջ ուսմունքներին, որոնք տրված են Իր մարգարեների միջոցով:

Գ Թագավորների 17 գլուխն ուսումնասիրելիս ուշադրություն դարձրեք Սուրբ Հոգու մտքերին և գաղափարներին: Մտածեք, թե ինչպես կարող է ձեր այսօրվա ուսումնասիրությունն ազդել այդ պնդումների վերաբերյալ ձեր զգացմունքների վրա:

Եղիան և Սարեփթացի այրի կինը

Հետևյալ երկու պարբերությունները կարող եք կարդալ կամ ամփոփել:

Չարության պատճառով Իսրայելի թագավորությունը բաժանվեց երկու մասի՝ Իսրայելի թագավորություն և Հուդայի թագավորություն (տես Գ Թագավորների 11–12)։ Ամբարիշտ Աքաբ թագավորի ժամանակ Տերը Իր Եղիա մարգարեին ուղարկեց Իսրայելի ժողովրդի մոտ։

Օգտագործելով Աստծո զորությունը՝ Եղիան թույլ չտվեց, որ անձրև գա երկրի վրա, ինչը հանգեցրեց երաշտի այդ տարիներին։ Տերը հոգաց Եղիայի կարիքները՝ հրահանգելով նրան թաքնվել առվակի մոտ, որտեղ ագռավները կերակրեցին նրան (տես Գ Թագավորների 17․1–6)։

Կարդացեք Գ Թագավորների 17․8–16 հատվածները։

Եղիան կամ այրի կինն ինչպե՞ս ցուցադրեցին իրնեց հավատքն առ Հիսուս Քրիստոս։
Ինչպե՞ս կատարվեց Տիրոջ խոստումը:
Ինչպե՞ս կարող են և Եղիան, և այրի կինը խորհրդանել Հիսուս Քրիստոսին:

Ուսանողներին առաջարկեք կիսվել իրենց պատասխաններով: Պատճառներից մեկը, թե ինչու Եղիան կարող է ուսանողներին հիշեցնել Հիսուս Քրիստոսին այն է, որ նա այրի կնոջն առաջարկեց հետևել իր ասածներին, որպեսզի փրկվի: Նա նաև խոստացավ նրան, որ սնունդը կշատանա (Գ Թագավորների 17․14–16), ինչպես որ Փրկիչն էր խոստացել մարդկանց (տես Մատթեոս 14․15–21)։ Եղանակներից մեկը, որով այրի կինը կարող է հիշեցնել ուսանողներին Հիսուս Քրիստոսի մասին, այն է, որ Փրկչի նման նա պատրաստ էր զոհաբերել այն ամենը, ինչ ուներ:

Հարցրեք, թե ինչ սովորեցին ուսանողներն այս պատմությունից: Նրանք կարող են կիսվել տարբեր սկզբունքներով: Եթե նրանք չնշեն հետևյալ ճշմարտությունը, անպայման ավելացրեք այն. Փրկչի խոսքերի հանդեպ հավատքով գործելիս մենք կստանանք Նրա խոստացած օրհնությունները։ Դա ներառում է Փրկչի խոսքերը՝ փոխանցված Իր մարգարեների միջոցով:
Ի՞նչը կարող է խանգարել մեզ Փրկչի ուսմունքներին հավատքով գործելու հարցում:
Ի՞նչ գիտեք Երկնային Հոր և Հիսուս Քրիստոսի մասին, որը կարող է օգնել ձեզ գործել հավատքով:

Փրկչի խոսքերը՝ փոխանցված Իր մարգարեների միջոցով

Ուսանողներին առաջարկեք կիսվել, թե որտեղ կարելի է գտնել Տիրոջ խոսքերը, որոնք տրվել են Իր մարգարեների միջոցով: Ի հավելումն սուրբ գրությունների և գերագույն համաժողովի ելույթների, ուսանողները կարող են կիսվել տեղեկություններով Լիահոնա և Երիտասարդներին զորացնելու համար ամսագրերից, Երիտասարդներին զորացնելու համար. ուղեցույց ընտրություն կատարելու համար գրքույկից և սոցիալական ցանցերից։

Ուսանողներին առաջարկեք օգտագործել այդ աղբյուրներից որևէ մեկը՝ կատարելու հետևյալ վարժությունը: Ցուցադրեք հրահանգները և ուսումնասիրելու համար ուսանողներին որոշակի ժամանակ հատկացրեք:

Ձեր օրագրում երկու սյունակ գծեք: Ձախ սյունակում նկարեք մի կտոր հաց, որը խորհրդանշում է այրի կնոջ նկանակը, իսկ աջ սյունակում՝ ձեթով սափոր և ալյուրով տակառ (տես Գ Թագավորների 17․12, 16)։
Ձախ սյունակն անվանեք՝ Ինչ են խնդրում Երկնային Հայրը և Հիսուս Քրիստոսը։ Աջ սյունակն անվանեք՝ Նրանց խոստացած օրհնությունները։
Ձախ սյունակում գրեք այն բաները, որոնք Երկնային Հայրը և Հիսուս Քրիստոսը խնդրում են մեզ անել Իրենց մարգարեների միջոցով: Աջ սյունակում գրեք այն խոստացված օրհնությունները, որոնք կստանանք՝ Նրանց խոսքերին հետևելիս:

Օգտակար կինի ուսանողներին օրինակ տրամադրել: Ձախ սյունակի համար կարող եք առաջարկել «Ապրել Իմաստության խոսքով» խնդրանքը: Ապա ուսանողները կարող են կարդալ Վարդապետություն և Ուխտեր 89.18–21 հատվածները՝ Տիրոջ խոստացած օրհնությունները տեսնելու համար: Որպես այլընտրանք, կարող եք կիսվել գերագույն համաժողովում վերջերս հնչած մարգարեի խոսքերով:

Ուսանողներին առաջարկեք փոքր խմբերով կիսվել, թե ինչ են գրել սյունակներում: Համոզվեք, որ յուրաքանչյուր ուսանող հնարավորություն ունի կիսվելու յուրաքանչյուր սյունակից առնվազն մեկ մտքով: Ապա խմբերը կարող են քննարկել հետևյալ հարցը։

Ի՞նչ օրհնություններ եք տեսել՝ Տիրոջ մարգարեների միջոցով տրված Նրա խոսքերի հանդեպ հավատք գործադրելիս:

Աստծո մարգարեներին հետևելու ծրագիր

Ուսանողներին խրախուսեք հետևյալ վարժությունը կատարելիս փնտրել Սուրբ Հոգու օգնությունը:

Ձախ սյունակում գրեք կամ շրջանի մեջ վերցրեք այն, ինչը Տերը Իր մարգարեների միջոցով խնդրում է ձեզ անել, և ինչի վրա, ըստ ձեզ, Նա ցանկանում է, որ դուք կենտրոնանաք:
Աջ սյունակում գրեք կամ շրջանի մեջ վերցրեք այն, թե ինչպես է Տերը խոստացել օրհնել ձեզ, եթե հետևեք Նրա խորհրդին:
Մտածեք այն մասին, թե ինչ եք գրել կամ վերցրել շրջանի մեջ, ապա գրեք ձեր ծրագիրն այն մասին, թե Իրեն հնազանդվելու համար Տերը Իր մարգարեի միջոցով ինչ է խնդրել ձեզ անել:

Ուսանողներին առաջարկեք գտնել մի եղանակ՝ հիշելու, թե ինչ պետք է անեն ըստ իրենց ծրագրի: Օրինակ՝ ուսանողները կարող են լուսանկարել իրենց գրած պատասխանը և օգտագործել այն որպես իրենց հեռախոսի էկրանի պաստառ: Ուսանողները հնարավորություն կունենան հետևել և պատմել իրենց ծրագրի մասին Դաս 96․ «Գնահատեք ձեր գիտելիքները 6» ուսումնասիրելու ժամանակ։

Կարող եք ավարտել դասը՝ վկայելով, որ ուսանողներն ավելի կմոտենան Հիսուս Քրիստոսին՝ Նրա մարգարեին հետևելու իրենց ջանքերի շնորհիվ:

Օժանդակ նյութեր

Ո՞վ է Եղիան։

Սուրբ գրքերի ուղեցույցն ավելի շատ տեղեկություններ է տալիս Եղիայի և կնքման զորության կարևորության մասին, որը նա ունեցել է հին ժամանակներում և շարունակում է պահպանել մեր օրերում:

Ի՞նչ անել, եթե այն, ինչ ես կարող եմ տալ, բավարար չէ:

Նախկինում Երիտասարդ կանանց գերագույն նախագահությունից քույր Միշել Դ. Քրեյգը բացատրել է.

Ես և դուք կարող ենք տալ Քրիստոսին այն, ինչ ունենք, և Նա կբազմապատկի մեր ջանքերը: Այն, ինչ դուք կարող եք տալ, ավելի քան բավարար է, նույնիսկ ձեր մարդկային գործոնով և թույլ կողմերով հանդերձ, եթե ապավինեք Աստծո շնորհին: («Սուրբ դժգոհություն», Լիահոնա, նոյ․ 2018, 54)

Ինչպե՞ս Տերը կօրհնի ինձ, երբ ես հավատարմորեն հետևեմ Նրա մարգարեին:

Յոթանասունից երեց Ռանդալ Ք. Բենեթն ուսուցանել է.

Ես խոստանում եմ, որ եթե դուք գործեք հավատքով առ ձեր Երկնային Հայրը և Նրա ծրագիրը՝ երջանկության Նրա մեծ ծրագրը, և եթե գործեք հավատքով առ Հիսուս Քրիստոս և Նրա Քավությունը և հետևեք Աստծո մարգարեներին, ձեզ իշխանություն կտրվի անելու այն, ինչ Տերը ցանկանում է, որ անեք և դառնաք այն, ինչ Նա ցանկանում է, որ դառնաք, չնայած ձեր հանգամանքներին: («Prophetic Invitations and Promised Blessings», [Brigham Young University devotional, մարտ 19, 2019], 1, speeches.byu.edu)

Արդյո՞ք Աստված շարունակում է խնդրել, որ Իր ժողովուրդը դժվար գործեր կատարի:

Նախագահ Ռասսել Մ. Նելսոնն ուսուցանել է․

Աստված միշտ խնդրել է Իր ուխտի զավակներին դժվարին գործեր կատարել: Քանի որ դուք Աստծո ուխտ պահող որդիներն ու դուստրերն եք, որոնք ապրում են այս վերջին օրերի վերջին հատվածում, Տերը կխնդրի ձեզ դժվար գործեր կատարել: Կարող եք հուսալ, որ դա այդպես է: …

Ձեզ կառաջարկվի ընդունել դժվարին հանձնարարություններ և դառնալ գործիք Տիրոջ ձեռքում: Եվ Նա հնարավորություն կընձեռի ձեզ իրականացնել անհնարինը: («Դառնալ հազարամյակի ճշմարիտ սերունդ» [Համաշխարհային հոգևոր հավաք չափահաս երիտասարդների համար, հունվարի 10, 2016], Gospel Library)

Օժանդակ ուսումնական վարժություններ

Գ Թագավորների 17․17–24 Եղիան կենդանացնում է այրի կնոջ որդուն

Ուսանողների համար օգտակար կլինի տեսնել Սարեփթացի այրու հավատքի մեկ այլ օրինակ Գ Թագավորների 17 գլխում։ Ուսանողներին առաջարկեք կարդալ Գ Թագավորների 17․17 հատվածը՝ տեսնելու, թե ինչ է պատահել այրի կնոջ որդու հետ: Կարող եք քննարկել հետևյալը.

Ինչո՞ւ դա կարող է զարմանալի թվալ այրի կնոջը:
Ի՞նչ խորհուրդ կտաք անել այրի կնոջը:

Ապա ուսանողները կարող են կարդալ Գ Թագավորների 17․19–23 հատվածները՝ տեսնելու, թե ինչպես է այրի կինն արձագանքում իրավիճակին:

Ի՞նչ կարող ենք սովորել այս պատմությունից:

Օգնեք ուսանողներին տեսնել մեր կյանքում առկա դժվարությունների իրականությունը, նույնիսկ, երբ մենք հավատարմորեն հետևում ենք մարգարեի խոսքերին:

Կարդացեք Գ Թագավորների 17․24 հատվածները՝ փնտրելով, թե ինչ վկայություն տվեց այրի կինն այս փորձառությունից հետո:

Դժվարություններն ինչպե՞ս են զորացրել ձեր հավատքն առ Հիսուս Քրիստոս:

Երկու թագավորություն

Գ Թագավորների 17 գլխում ներկայացված իրադարձություններն ուսանողները կուսումնասիրեն սեմինարիայում առաջնահերթ՝ որպես սուրբ գրություններում ներկայացված իրադարձություններ, որոնք տեղի են ունեցել այն բանից հետո, երբ Գ Թագավորների 11–12 գլուխներում ներկայացվել է Իսրայելի թագավորության բաժանումը։ Հետևյալ ակնարկը կօգնի ուսանողներին հասկանալ Իսրայելի և Հուդայի թագավորությունների համատեքստը:

Այս քննարկումը սկսելու համար կարող եք ցուցադրել հետևյալ ժամանակացույցը և խնդրել ուսանողներին նշել Սողոմոն թագավորի նշանակությունն այդտեղ:

Ապա ուսանողը կարող է կարդալ կամ ամփոփ ներկայացնել հետևյալ պարբերությունը:

Չնայած Սողոմոնը սկսեց թագավորել որպես Տիրոջ արդար հետևորդ, նա ի վերջո որոշեց չհնազանդվել Տիրոջ պատվիրաններին: Իր անհնազանդության արդյունքում Տերը ասաց Սողոմոնին, որ Իսրայելի թագավորությունը կվերցվի նրանից և կտրվի իր ծառա Հերոբովամին։ Հերոբովամի թագավորությունը հայտնի կդառնա որպես Իսրայելի թագավորություն՝ Եփրեմի կամ հյուսիսային թագավորություն։ Սողոմոնի որդի Ռոբովամը թագավոր կդառնա մյուս երկու ցեղերի համար։ Ռոբովամի թագավորությունը հայտնի կդառնա որպես Հուդայի թագավորություն կամ հարավային թագավորություն (տես Գ Թագավորների 11․10–13, 26–40, 12․16–20)։

Օգտագործելով ժամանակացույցը՝ ուսանողներն այնուհետև կարող են նշել երկու թագավորությունը և մարգարեներին, որոնք քարոզել են այդ թագավորություններում և բացատրել, թե ի վերջո, ինչ է լինելու յուրաքանչյուր թագավորության հետ:

Հուդայի թագավորության մասին ավելին իմանալու համար տես «Հուդա» բաժնի հետևյալ պարբերությունը Սուրբ գրքերի ուղեցույցում։

Իսրայելի թագավորության մասին ավելին իմանալու համար տես «Իսրայելի թագավորություն» բաժինը Աստվածաշնչի բառարանում։