Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Բ Մնացորդաց 14–16. «Եթե դուք Նրան որոնեք, կգտնեք Նրան»

«Բ Մնացորդաց 14–16. «Եթե դուք Նրան որոնեք, կգտնեք Նրան»», Հին Կտակարան․ Սեմինարիայի ուսուցչի ձեռնարկ (2026)

«Բ Մնացորդաց 14–16. «Եթե դուք Նրան որոնեք, կգտնեք Նրան»», Հին Կտակարան․ Սեմինարիայի ուսուցչի ձեռնարկ

Բ Մնացորդաց 14–20, 26, 30․ Դաս 90

Բ Մնացորդաց 14–16

«Եթե դուք Նրան որոնեք, կգտնեք Նրան»

Որոշ մարդիկ կարող են որոնել Երկնային Հորը և Հիսուս Քրիստոսին միայն այն ժամանակ, երբ ամեն ինչ լավ է ընթանում: Մյուսները կարող են աղաղակել Նրանց օգնությունը ստանալու համար՝ միայն դժվարության ժամանակ: Ինչպես Ասան՝ Հուդայի թագավորը, մենք կարող ենք որոնել Տիրոջը և խաղաղ, և դժվար ժամանակներում: Այս դասը կօգնի ուսանողներին ծրագիր կազմել՝ Տիրոջը որոնելու համար:

Ուսանողի նախապատրաստում․ Առաջարկեք ուսանողներին կազմել ցանկ, թե ինչպես կարող են Տիրոջը փնտրել իրենց կյանքում։

Հնարավոր ուսումնական վարժություններ

Որոնեք, որ գտնեք

Կարող եք սկսել դասը՝ առաջարկելով ուսանողներին մտածել այն մասին, թե ինչպես ենք մենք որոնում կորած բաները: Կարող եք նշել կամ ցուցադրել մի քանի բան, որոնք ունեն տարբեր արժեք, օրինակ՝ մատիտ, կարևոր տնային առաջադրանք, բջջային հեռախոս, սիրելի մարդու նվեր և այլն: Հարցրեք ուսանողներին, թե ինչ ջանքեր կգործադրեն իրենք՝ այդ բաներից յուրաքանչյուրը գտնելու համար, եթե այն կորչի:

Ինչո՞ւ են տարբեր որևէ բան գտնելու ձեր ջանքերը՝ կախված նրանից, թե ինչ եք փնտրում:

Կարող եք գրատախտակի վերևի մասում գրել Որոնել Տիրոջը։
Ձեր կարծիքով, ի՞նչ է նշանակում որոնել Տիրոջը:

Եթե ուսանողները դժվարանան պատասխանել, կարող եք հարցնել նրանց, թե ինչպես են իրենք ծանոթանում և լավ հարաբերություններ զարգացնում մադկանց հետ: Ապա հարցրեք, թե նրանք ինչպես կարող են ձգտել ճանաչել Տիրոջը և զարգացնել հարաբերություններ Նրա հետ: Կարող եք բացատրել, որ որոնել բառը այն հատվածներում, որ նրանք կուսումնասիրեն այսօր (Բ Մնացորդաց 14․4, 15.2, 12, 6.12) եբրայերեն darash բառն է, և այն նշանակում է փնտրել, հարցնել, այցելել, ձգտել, խորհրդակցել կամ ջանքեր գործադրել։

Սուրբ գրությունների ուսումնասիրության ձեր օրագրում պատասխանեք հետևյալ հարցերին․

Ի՞նչ եք արել դուք կամ ձեր ծանոթները Տիրոջը փնտրելու համար:
Որքա՞ն ջանք եք գործադրում Տիրոջը փնտրելու համար:

Այսօրվա ուսումնասիրության ժամանակ փնտրեք եղանակներ, որոնցով կարող եք որոնել Տիրոջը: Գրի առեք այն մտքերը կամ զգացումները, որոնք գալիս են ձեզ Սուրբ Հոգուց։

Տիրոջը փնտրելու օրինակ

Կարող եք կարդալ կամ համառոտ ներկայացնել ստորև բերված պարբերությունը:

Մնացորդաց և Թագավորների գրքերն ընդգրկում են մոտավորապես նույն ժամանակահատվածը: Բ Մնացորդաց 14–16 և Գ Թագավորների 15 հատվածներում մենք կարդում ենք Ասա թագավորի՝ Հուդայի երրորդ արքայի պատմությունը։

Կարող եք գծել հետևյալ աղյուսակը գրատախտակին, որպեսզի օգնեք ուսանողներին կատարել հաջորդ վարժությունը: Ուսանողները նույնպես կարող են գծել աղյուսակը իրենց օրագրերում։

Ինչպես էին Ասան և նրա ժողովուրդը փնտրում Տիրոջը	Ինչպե՞ս Տերն օրհնեց նրանց
Ինչպես էին Ասան և նրա ժողովուրդը փնտրում Տիրոջը	Ինչպե՞ս Տերն օրհնեց նրանց

Կարող եք ուսանողներին բաժանել չորս տարբեր խմբերի: Յուրաքանչյուր խմբի խնդրեք կարդալ հետևյալ հատվածների մի հավաքածու։ Յուրաքանչյուր խմբից մեկ ուսանող կարող է գրատախտակին գրել այն, ինչ իրենք սովորել են:

Եթե ուսանողներն օգնության կարիք ունեն՝ հասկանալու «պուրակներ» բառը Բ Մնացորդաց 14․3 հատվածում, բացատրեք, որ դրանք վայրեր էին, որտեղ մարդիկ պաշտում էին կեղծ աստվածներին:

Կարդացեք հետևյալ հատվածներից մեկը՝ փնտրելով, թե ինչ արեցին Ասան և նրա ժողովուրդը և ինչպես Աստված օրհնեց նրանց.

Բ Մնացորդաց 14․3–7։ Խաղաղ ժամանակ
Բ Մնացորդաց 14․9–13։ Երբ եթովպացիները հարձակվեցին
Բ Մնացորդաց 15․1–9։ Խաղաղ ժամանակ
Բ Մնացորդաց 15․10–12, 15։ Խաղաղ ժամանակ

Տվեք հետևյալ հարցը՝ օգնելու ուսանողներին իրենց ուսումնասիրածից բացահայտել հետևյալ ճշմարտությունը: Երբ ուսանողները կիսվեն, կարող եք ավելացնել նրանց պատասխանները գրատախտակի սաղյուսակում։
Ի՞նչ սովորեցիք Ասայի և նրա ժողովրդի փորձառություններից:

Օգտագործելով ուսանողների բառերը՝ կարող եք օգնել նրանց բացահայտել հետևյալ ճշմարտությունները.

Երբ ես ամբողջ սրտով փնտրեմ Տիրոջը, Նա ինձ հանգստություն կտա (Բ Մնացորդաց 14․7, 15․15)
Եթե ես փնտրեմ Տիրոջը, ես կգտնեմ Նրան (Բ Մնացորդաց 15․2)

Երբ ուսանողները կիսվեն, կարող եք լրացուցիչ հարցեր տալ՝ օգնելու նրանց մտածել, թե ինչ կարող են նշանակել որոշ բառեր կամ արտահայտություններ: Օրինակ, դուք կարող եք հարցնել. «Ձեր կարծիքով, ի՞նչ է նշանակում գտնել Տիրոջը» կամ «Ինչպե՞ս Տերը կարող է մեզ հանգստություն տալ»։

Գտնելու համար այն ուսմունքները, որոնք կարող են օգնել պատասխանել այս կամ այլ հարցերի, տես Լրացուցիչ նյութեր բաժինը:

Փնտրել և գտնել Տիրոջը

Օգնեք ուսանողներին կապ տեսնել Ասայի կյանքի և իրենց կյանքի միջև: Կարող եք գրատախտակին գծած աղյուսակում գրել Ինչպես ես կարող եմ փնտրել Տիրոջը վերնագիրը ձախ սյունակում և Ինչպես կարող է Տերը օրհնել ինձ վերնագիրը՝ աջ անկյունում։ Այնուհետև առաջարկեք ուսանողներին խմբերով կամ ինքնուրույն անել հետևյալը։

Ի լրումն այն բաների, որ արեցին Ասան և նրա ժողովուրդը, ձեր ցուցակի ձախ կողմի սյունակում ավելացրեք այն եղանակները, որոնցով դուք կարող եք փնտրել Տիրոջը: Այդ եղանակները կարող են լինել ձեր սեփական փորձից, սուրբ գրությունների կամ Եկեղեցու պատմության մեջ պարունակվող օրինակներից կամ Եկեղեցու ղեկավարների ելույթներից։

Ի՞նչը կարող է շեղել մեզ Տիրոջը փնտրելուց:
Ի՞նչն է օգնում ձեզ փնտրել Տիրոջը՝ չնայած շեղող հանգամանքներին։

Կարող եք առաջարկել, որ Բ Մնացորդաց 15․2 հատվածում ուսանողները նշեն «կգտնեք Նրան» արտահայտությունը։ Օգնելու համար ուսանողներին մտածել այն մասին, թե ինչպես կարող ենք գտնել Տիրոջը, հարցրեք հետևյալը։
Տերն ինչպե՞ս է օրհնել ձեզ կամ ձեզ ծանոթ մարդկանց, երբ դուք փնտրել եք Նրան։

Ուսանողների կիսվելուց հետո խրախուսեք նրանց գրել իրենց մտքերը աղյուսակի աջ սյունակում: Կարող եք վկայել, որ ուսանողների կողմից նշված օրհնությունները վկայում են այն մասին, որ իրենք գտել են Նրան:

Ծրագիր կազմեք

Օգնեք ուսանողներին գործել որևէ բանի հիման վրա, որը նրանք զգացել կամ սովորել են դասի ընթացքում: Դա անելու համար խրախուսեք նրանց մտածել այն տպավորությունների մասին, որ իրենք գուցե ստացել են Հոգուց՝ դասի ընթացքում: Նաև դաս 87-ում ուսանողները վերանայել են սուրբ գրությունների ուսումնասիրության իրենց նպատակները՝ որպես Տիրոջն ավելի մոտենալու եղանակ։ Եթե օգտակար լինի, նրանք կարող են գնահատել, թե ինչպես են իրականացվում իրենց նպատակները և որոշել, թե արդյոք ցանկանում են օգտագործել իրենց նպատակները նաև այս ծրագրում:

Ընտրեք մի բան, որ կարող եք անել՝ Տիրոջը փնտրելու համար: Ձեր օրագրում պատասխանեք հետևյալ հարցերին: Պլանավորեք, թե ինչպես կարող եք ներառել այդ գործողությունը ձեր կյանքում:

Ձեր կարծիքով, ինչո՞ւ այս գործողությունը կարող է օգնել ձեզ ավելի լավ գտնել Տիրոջը ձեր կյանքում:
Ի՞նչ դժվարությունների կարող եք հանդիպել, երբ ձգտեք դա անել:
Չնայած այդ դժվարություններին՝ ի՞նչ հատուկ քայլեր կարող եք ձեռնարկել դա անելու համար:

Կարող եք ավարտել դասը՝ Տիրոջը փնտրելու օրհնությունների մասին ձեր վկայությամբ:

Օժանդակ նյութեր

Բ Մնացորդաց 14․6–7։ Ի՞նչ է նշանակում հանգստություն փնտրել Տիրոջում:

Նախագահ Ռասսել Մ. Նելսոնն ուսուցանել է․

18:43

Չնայած մեր շրջապատում անընդհատ փորձում են շեղել և աղավաղել ճշմարտությունը, դուք կարող եք գտնել իրական հանգիստ, այն է՝ թեթևացում և խաղաղություն, նույնիսկ ձեր ամենադժվարին խնդիրների դեպքում: («Հաղթել աշխարհին և հանգստություն գտնել», Լիահոնա, նոյ. 2022, 96)

Ի՞նչ է պահանջվում Տիրոջը փնտրելու համար:

Տասներկու Առաքյալների Քվորումից երեց Ուլիսես Սոարեսն ասել է.

14:47

Տեղյակ լինելով այն ամենի մասին, ինչ մեզ անհրաժեշտ է այս կյանքում, Փրկիչը մեզ հրավիրում է փնտրել Իրեն բոլոր մտորումներում և մեր ողջ սրտով հետևել Իրեն։ Սա մեզ խոստանում է, որ մենք կարող ենք քայլել Նրա լույսի ներքո, և որ Նրա առաջնորդությունը կանխում է խավարի ազդեցությունը մեր կյանքում։

Բոլոր մտորումներում Քրիստոսին փնտրելու և ամբողջ սրտով Նրան հետևելու համար պահանջվում է, որ մեր միտքն ու ցանկությունները համապատասխանեցնենք Նրա մտքի և ցանկությունների հետ: Սուրբ գրություններն անդրադառնում են այս համապատասխանեցմանը որպես՝ «Տիրոջով հաստատուն մնացեք» [Փիլիպպեցիներին 4.1]: Գործողությունների այս ծրագիրը ենթադրում է, որ մենք միշտ վարում ենք Քրիստոսի ավետարանին ներդաշնակ կյանք և ամեն օր կենտրոնանում ենք այն ամենի վրա, ինչը բարի է: Միայն այդ ժամանակ մենք ձեռք կբերենք «Աստծու խաղաղությունը, որ ամեն մտքից վեր է», և որը «[մեր] սրտերն ու մտքերը Քրիստոս Հիսուսով կպահպանի» [Փիլիպպեցիներին 4.7]: («Փնտրեք Քրիստոսին ձեր բոլոր մտորումներում», Լիահոնա, նոյեմբեր 2020, 82–83)

Ի՞նչ օրհնություններ են գալիս Տիրոջը փնտրելուց:

Օրինակներից մեկը Մորոնիի վկայությունն է Եթեր 12․41 հատվածում։ Յոթանասունից երեց Քրեյգ Ս. Քրիսչենսենն ուսուցանել է․

7:9

Լրացուցիչ ուսումնական եարժություններ

Դասը սկսելու այլընտրանքային տարբերակ

Կարող եք գրատախտակին գրել Որոնում բառը։ Ուսանողներին տվեք հետևյալ հարցը.

Ի՞նչ է գալիս ձեր միտքը, երբ մտածում եք այս բառի մասին:

Ուսանողներին պատասխանելու հնարավորություն տալուց հետո ցուցադրեք Յոթանասունից երեց Հոսե Ա. Թեքսեյրայի հետևյալ արտահայտությունը:

9:42

Տերն ասել է. «[Փնտրեք] ինձ ձեր բոլոր մտորումներում. մի կասկածեք, մի վախեցեք» [Վարդապետություն և Ուխտեր 6․36]: Տիրոջը փնտրելը և Նրա ներկայությունը զգալն ամենօրյա խնդիր է, արժանավոր ջանք: («Փնտրեք Տիրոջը», Լիահոնա, մայիս 2015, 96)

Տիրոջը փնտրելը և Նրա ներկայությունը զգալն ինչո՞ւ կարող է «ամենօրյա որոնում» լինել:

Երբ ուսանողները ժամանակ հատկացնեն քննարկման համար, կարող եք առաջարկել նրանց պատասխանել դասի սկզբում՝ մտորման համար տրված հարցերին:

Ապավինենք մեր զորավարին

Որպեսզի օգնեք ուսանողներին մտածել, թե ինչ է նշանակում ապավինել Տիրոջը, կարող եք ուսումնասիրել Աբիայի՝ Ասայի հոր պատմությունը Բ Մնացորդաց 13 գլխում։ Բացատրեք, որ իսրայելացիները բաժանվեցին երկու թագավորության՝ Իսրայելի Հյուսիսային թագավորության և Հուդայի Հարավային թագավորության։ Պատերազմ սկսվեց Հերոբովամ թագավորի կողմից առաջնորդվող Իսրայելի և Աբիա թագավորի կողմից առաջնորդվող Հուդայի միջև։

Առաջարկեք ուսանողներին կարդալ Բ Մնացորդաց 13.4, 10–12 հատվածները՝ նշելով այն բառերը կամ արտահայտությունները, որոնք ցույց են տալիս, թե ում դիմեցին Աբիան և նրա ժողովուրդը: Եթե օգտակար լինի, կարող եք բացատրել, որ ողջակեզներ զոհելը և խունկ ծխեցնելը, սեղանի վրա առաջավորության հաց շարելը և ճրագներ վառելը (հատված 11) քահանաների պարտականությունների մի մասն էին տաճարում երկրպագության համար։

Օգնեք ուսանողներին բացահայտել հետևյալ ճշմարտությունը․ Աստված մեր զորավարն է։ Կարող եք առաջարկել ուսանողներին խաչաձև հղում կատարել հատված 12-ից դեպի Եբրայեցիներին 2.10 հատվածը. «նրանց փրկության զորավարը»:

Ըստ ձեզ, ի՞նչ է նշանակում Աստծուն ունենալ որպես մեր զորավար։
Ի՞նչ գիտեք Աստծո մասին, որը ցույց է տալիս, որ Նա լավ զորավար է:

Այնուհետև առաջարկեք ուսանողներին կարդալ Բ Մնացորդաց 13․13–20 հատվածները՝ փնտրելով, թե ինչ տեղի ունեցավ, քանի որ Աբիան և նրա ժողովուրդը ապավինեցին Աստծուն՝ որպես իրենց զորավարի: Ուսանողների կարդալուց հետո կարող եք առաջարկել նրանց նշել «քանի որ նրանք ապավինեցին Տեր Աստծուն» արտահայտությունը հատված 18-ում։

Ինչպե՞ս է Աստված օգնել ձեզ, երբ դուք ապավինել եք Նրան:

Աստծուն չապավինելն ընտրելը

Որպեսզի օգնեք ուսանողներին խուսափել Աստծուն չապավինելու սխալից, կարող եք ավարտել Ասայի պատմությունը Բ Մնացորդաց 16 գլխում։ Բացատրեք, որ Ասան հետագա իր կյանքում հեռացավ Նրանից։

Առաջարկեք ուսանողներին կարդալ Բ Մնացորդաց 16․1–12 հատվածները՝ փնտրելով երկու օրինակ, թե ինչպես Ասան որոշեց չապավինել Աստծուն: Օգնեք ուսանողներին հասկանալ, որ Ասան արծաթ և ոսկի վերցրեց տաճարից, որպեսզի գնի Սիրիայի օգնությունը՝ Իսրայելին հաղթելու համար (տես Բ Մնացորդաց 16.1–6): Ասան նաև չխնդրեց Աստծո օգնությունը իր հիվանդությունը հաղթահարելու համար (տես Բ Մնացորդաց 16․12)։ Անհրաժեշտության դեպքում կարող եք բացատրել, որ Ասան սխալ չգործեց՝ դիմելով բժիշկների օգնությանը, բայց միևնույն ժամանակ նա չխնդրեց Աստծո օգնությունը: (Այս մասին ավելի մանրամասն տես Դալլին Հ․ Օուքս «Հիվանդների բժշկումը», Լիահոնա, մայիսի 2010, 47։)

Ի՞նչ վախեր կարող էր ունենալ Ասան, որոնք ստիպեցին նրան չապավինել Աստծուն։
Ի՞նչ իրավիճակներում դեռահասները կարող են ունենալ նմանատիպ վախեր:
Ի՞նչ գիտեք Աստծո մասին, որը կարող է օգնել մարդուն ապավինել Նրան դժվար իրավիճակում: