Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Դ Թագավորների 21–23. Հովսիա թագավորը և օրենքի գիրքը

«Դ Թագավորների 21–23. Հովսիա թագավորը և օրենքի գիրքը», Հին Կտակարան․ Սեմինարիայի ուսուցչի ձեռնարկ (2026)

«Դ Թագավորների 21–23. Հովսիա թագավորը և օրենքի գիրքը», Հին Կտակարան․ Սեմինարիայի ուսուցչի ձեռնարկ

Դ Թագավորների 16–25․ Դաս 87

Դ Թագավորների 21–23

Հովսիա թագավորը և օրենքի գիրքը

King Josiah Reads the Book of the Law to the people

Երբևէ մտածե՞լ եք, թե ինչպիսին կարող էր լինել ձեր կյանքը, եթե չունենայիք սուրբ գրությունները: Երբ Հուդայի թագավորությունը հեռացավ Աստծուց, «օրենքի գիրքն» (Դ Թագավորներ 22․8, 11) անտեսվեց և, ի վերջո, կորսվեց տաճարում։ Հովսիայի կողմից տաճարի վերանորոգման ժամանակ Քեղկիա քահանայապետը գտավ օրենքի գիրքը, որը Հովսիան կարդաց ժողովրդի համար։ Սուրբ գրություններն օգնեցին Հովսիային և նրա ժողովրդին կրկին դառնալ դեպի Տերը: Այս դասը կօգնի ուսանողներին դառնալ դեպի Տերը՝ սուրբ գրություններն անձամբ ուսումնասիրելու միջոցով:

Ուսանողի նախապատրաստում. ուսանողներին առաջարկեք վերանայել սուրբ գրությունների ուսումնասիրության իրենց անձնական նպատակները և Հին Կտակարանից հանձնարարված գլուխները կարդալու իրենց ջանքերը: Խրախուսեք նրանց շարունակել աշխատել իրենց նպատակների վրա կամ աղոթքով կատարել անհրաժեշտ փոփոխությունները՝ հաջողության հասնելու համար:

Հնարավոր ուսումնական վարժություններ

Կյանքն առանց սուրբ գրությունների

Դասից առաջ կարող եք Աստվածաշնչում էջանշան դնել Դ Թագավորների 22․8 հատվածի վրա։ Աստվածաշունչը պահեք դասարանում, որպեսզի այն օգտագործեք ավելի ուշ՝ դասի ընթացքում:

Գրատախտակին գրեք հետևյալ անավարտ հարցը.

Ինչպիսի՞ն կլիներ ձեր կյանքն առանց ։

Յուրաքանչյուր ուսանողի տվեք մեկական թերթիկ։ Առաջարկեք նրանց գրել սովորական իրի անվանում կամ գործողություն, որի օգնությամբ կարող են ավարտել հարցը: Օրինակ՝ նրանք կարող են գրել հետևյալ բառերը․ կոշիկներ, ատամի խոզանակներ, դպրոց կամ սպորտ։ Ուսանողներին բաժանեք փոքր խմբերի։ Առաջարկեք նրանց քննարկել, թե ինչպես կպատասխանեին հարցին, եթե այն ավարտված լիներ իրենց գրած բառերով: Երբ ուսանողները կիսվեն, ժամանակ տրամադրեք նրանց՝ լուռ մտածելու հետևյալի մասին.

Մտածեք ձեր անձնական փորձառությունների մասին՝ խորհելով հետևյալ հարցերի շուրջ.

Ինչպիսի՞ն կլիներ ձեր կյանքն առանց սուրբ գրությունների:
Սուրբ գրությունների ձեր վերջին ուսումնասիրությունն ինչպե՞ս է ազդել Երկնային Հոր և Հիսուս Քրիստոսի հետ ձեր հարաբերությունների վրա:

Մի քանի պատրաստակամ ուսանողի խնդրեք կիսվել իրենց պատասխաններով: Ի հավելումն այս քննարկմանը՝ կարող եք ցուցադրել հետևյալ խոսքերը։

Տասներկու Առաքյալների Քվորումից երեց Դ.Թոդ Քրիստոֆերսոնն ուսուցանել է մեր կյանքում սուրբ գրությունների անհրաժեշտության մասին:

Նրանք, ովքեր չունեն կամ անտեսում են Աստծո գրված խոսքը, ի վերջո դադարում են հավատալ Նրան և մոռանում իրենց գոյության նպատակի մասին: («The Blessing of Scripture», Լիահոնա, նոյ․ 2010, 33)

Դասի ընթացքում ուսանողները հնարավորություն կունենան բացահայտել և կիսվել սուրբ գրությունների հատվածներով և խորհել իրենց անձնական ուսումնասիրության նպատակների շուրջ: Կարող եք հարմարեցնել այս դասի հատվածները, որպեսզի բավարար ժամանակ տրամադրեք «Ուսանողների՝ կիսվելու վարժություն» և «Սուրբ գրությունների ուսումնասիրության նպատակներ» բաժինների ուսումնասիրությանը:

Սուրբ գրությունների ազդեցությունը

Ժամանակի ընթացքում սուրբ գրությունները կորսվեցին, և Հուդայի թագավորությունը հեռացավ Տիրոջից: Մանասե և Ամոն թագավորների ժամանակ ժողովուրդը զբաղված էր կռապաշտությամբ և այլ ամբարիշտ սովորություններով, ներառյալ երեխաների զոհաբերությունները (տես Դ Թագավորների 21)։ Ամոնի մահից հետո նրա որդին՝ Հովսիան, ութ տարեկանում դարձավ թագավոր։ Հովսիան արդար էր։ Իր թագավորության 18-րդ տարում Հովսիան կազմակերպեց Երուսաղեմի տաճարը վերանորոգնող աշխատողների վճարումը (տես Դ Թագավորների 22․1–7)։

Եթե դասից առաջ դասասենյակում պահել եք Աստվածաշունչը, ուսանողներին բացատրեք, որ դասասենյակում ինչ-որ տեղ կորսված սուրբ գրություններ կան: Ուսանողներին առաջարկեք գտնել դրանք: Աստվածաշունչը գտած ուսանողին խնդրեք գտնել էջանշանը: Ապա տրամադրեք հետևյալ հրահանգները․

Կարդացեք Դ Թագավորների 22․8–13 հատվածները՝ փնտրելով, թե ինչ պատահեց տաճարի վերանորոգման ժամանակ։

Ի՞նչ գտավ Քեղկիա քահանայապետը։
Ինչպե՞ս արձագանքեց Հովսիա թագավորը գրքի կամ սուրբ գրությունների խոսքերը լսելուց հետո։

Հովսիան որոշեց գիրքը կարդալ Երուսաղեմի բոլոր մարդկանց համար (տես Դ Թագավորների 22․14–20, 23․1–2)։

Կարդացեք Դ Թագավորների 23․1–3 հատվածները՝ փնտրելով սուրբ գրությունների ընթերցանության ազդեցությունը Հովսիայի և նրա ժողովրդի վրա: Կարող եք նշել ձեր գտածը:

Ի՞նչ կարող ենք սովորել այս հատվածներից՝ սուրբ գրությունների ուսումնասիրության ազդեցության մասին մեր կյանքում:

Ի թիվս իրենց կիսված գաղափարների, ուսանողները կարող են բացահայտել, որ սուրբ գրությունների ուսումնասիրությունը կարող է օգնել մեզ դառնալ դեպի Տերը մեր ամբողջ սրտով։ Սա կարելի է գրել գրատախտակին և անդրադառնալ դրան դասի մնացած հատվածում:

Այս սկզբունքն ավելի լավ հասկանալու համար ուսանողները կարող են կատարել հետևյալն իրենց զուգընկերների հետ: Յուրաքանչյուր ուսանող կարող է ուսումնասիրել հատվածների մեկական հավաքածու: Ապա զուգընկերները կարող են կիսվել միմյանց հետ իրենց սովորածով և քննարկել ուղեկցող հարցերը:

Երբ Հովսիան և նրա ժողովուրդը սովորեցին սուրբ գրությունները և դարձան դեպի Տերը, նրանք ոգեշնչվեցին փոփոխություններ կատարել իրենց կյանքում: Կարդացեք ձեզ հանձնարարված հատվածները՝ փնտրելով նրանց կատարած փոփոխությունները:

Ուսանող 1

Դ Թագավորների 23․4, 24։

Ըստ ձեզ, ինչո՞ւ էր մարդկանց անհրաժեշտ հրաժարվել իրենց բոլոր կուռքերից, որպեսզի կարողանան ամբողջ սրտով դառնալ դեպի Տերը:
Ինչպե՞ս կարող է սուրբ գրությունների ուսումնասիրությունն օգնել մեզ չենթարկվել չար ազդեցություններին մեր կյանքում:

Ուսանող 2

Դ Թագավորների 23․21–22։

Ի՞նչ կրոնական սովորության հետևեցին Հովսիան և նրա ժողովուրդը սուրբ գրությունները կարդալուց հետո։
Ինչպե՞ս կարող է սուրբ գրությունների ուսումնասիրությունն օգնել մեզ հիշել Փրկչին և ապրել Նրա ավետարանով:

Ուսանողների վարժություն՝ կիսվելու համար

Դասի այս հատվածը նախատեսված է անձնական մտորումների և կիսվելու համար: Ուսանողները կարող են կիսվել, թե ինչպես են սուրբ գրություններն օգնել (կամ կարող են օգնել) իրենց դառնալ դեպի Տերը:

Նախագահ Սպենսեր Վ. Քիմբալն (1895–1985) ուսուցանել է սուրբ գրությունների ուսումնասիրության ազդեցության մասին իր կյանքում.

Կարծում եմ, որ երբ թերանում եմ Աստծո հետ իմ հարաբերություններում, և երբ թվում է, որ ոչ մի աստվածային ականջ չի լսում և ոչ մի աստվածային ձայն չի խոսում, նշանակում է, որ ես շատ, շատ հեռու եմ: Երբ ես խորասուզվում եմ սուրբ գրություններում, հեռավորությունը կրճատվում է, և հոգևորը վերադառնում է։ (Teachings of Presidents of the Church: Spencer W. Kimball [2006], 67)

Նշեք սուրբ գրության մի հատված, որն օգնել է (կամ կարող է օգնել) ձեզ դառնալ դեպի Երկնային Հայրը և Հիսուս Քրիստոսը: Դա կարող է լինել սուրբ գրությունների ձեր անձնական կամ ընտանեկան ուսումնասիրությունից կամ մի հատված սեմինարիայի նախորդ դասից կամ կարող է լինել վարդապետության սերտման հատվածը: Պատրաստվեք կիսվել հետևյալով.

Ինչպե՞ս է այս հատվածն օգնել (կամ ինչպե՞ս կարող է օգնել) ձեզ ամբողջ սրտով դառնալ դեպի Երկնային Հայրը և Հիսուս Քրիստոսը:

Երբ ուսանողները պատրաստ լինեն կիսվելու, նրանցից յուրաքանչյուրին առաջարկեք գրել իրենց հատվածները գրատախտակին այն ճշմարտության շուրջ, որը նշել են ավելի վաղ: Մի քանի պատրաստակամ ուսանողի խնդրեք կարդալ իրենց հատվածը և կիսվել իրենց գաղափարներով կամ փորձառություններով: Անհրաժեշտության դեպքում կարող եք նաև կիսվել հատվածներով, որոնք օգնել են ձեզ դառնալ դեպի Տերը:

Կարող եք նշել գրատախտակին գրված հատվածները, որոնցով նրանք դեռ չեն կիսվել: Հարցրեք, թե արդյոք այն ուսանողները, որոնք գրել են դրանք, կցանկանան կիսվել: Կամ կարող եք առաջարկել ամբողջ դասարանով կարդալ հատվածը և քննարկել, թե ինչպես դա կարող է օգնել մեզ դառնալ դեպի Տերը:

Երբ ուսանողները կիսվեն, կարող եք լրացուցիչ հարցեր տալ՝ դասարանում քննարկումը խրախուսելու համար: Օրինակ՝ կարող եք հարցնել. «Որևէ մեկն ունի՞ փորձառություն՝ կապված այդ հատվածի հետ: Պատրա՞ստ եք արդյոք կիսվել» կամ «Ի՞նչ մտքեր և զգացմունքներ ունեցաք, երբ լսում էիք միմյանց»:

Սուրբ գրությունների ուսումնասիրության նպատակները

Կարող եք կիսվել ձեր վկայությամբ այն մասին, որ ձեր ուսանողները կարող են ունենալ նույն փորձառությունը, որն ունեցել է Հովսիան՝ ուսումնասիրելով սուրբ գրությունները (տես Դ Թագավորների 23․25)։ Ուսանողներին առաջարկեք վերհիշել սուրբ գրությունների անձնական ուսումնասիրության իրենց նպատակները և Հին Կտակարանից հանձնարարված գլուխները կարդալու իրենց առաջընթացը: Նրանց ժամանակ տրամադրեք՝ հետևյալ հարցերի շուրջ մտածելու համար.

Արդյո՞ք կարծում եք, որ սուրբ գրությունների ուսումնասիրության ձեր ներկայիս նպատակն է՝ օգնել ձեզ լիովին դառնալ դեպի Երկնային Հայրը և Հիսուս Քրիստոսը: Եթե այո, ապա ինչպե՞ս եք դա նկատել: Եթե ոչ, ապա ի՞նչ փոփոխություններ կանեք:
Ի՞նչ նշանակալից փորձառություններ եք ունեցել՝ Հին Կտակարանից հանձնարարված գլուխները կարդալիս: Ի՞նչ կարող եք անել, որպեսզի համոզված լինեք, որ կատարել եք հանձնարարված ընթերցումները:

Խրախուսեք ուսանողներին շարունակել ամեն օր ջանասիրաբար ուսումնասիրել սուրբ գրությունները։

Օժանդակ նյութեր

Ինչո՞ւ է սուրբ գրությունների ամենօրյա ուսումնասիրությունն այդքան կարևոր։

Նախագահ Ռասսել Մ. Նելսոնն ուսուցանել է․

24:24

Երբ ձգտում ենք դառնալ Հիսուս Քրիստոսի աշակերտները, Նրան լսելու մեր ջանքերը պետք է լինեն ավելի գիտակցված: Պահանջվում է աչալուրջ և հետևողական աշխատանք, որպեսզի մեր առօրյա կյանքը լցվի Նրա խոսքով, Նրա ուսմունքներով և Նրա ճշմարտություններով:

Մենք պարզապես չենք կարող ապավինել այն տեղեկատվությանը, որին մենք բախվում ենք սոցիալական լրատվամիջոցներում։ Առցանց գոյություն ունեցող միլիարդավոր բառերով և գովազդներով հագեցած աշխարհում, որոնք հակառակորդն անընդհատ սերմանում է իր աղմկոտ ու ստոր ջանքերով, ո՞ւր կարող ենք գնալ, որ լսենք Նրան։

Կարող ենք դիմել սուրբ գրություններին։ Դրանք մեզ ուսուցանում են Հիսուս Քրիստոսի և Նրա ավետարանի, Նրա Քավության մեծության և մեր Հոր երջանկության ու փրկագնման մեծ ծրագրի մասին: Ամեն օր Աստծո խոսքի մեջ ընկղմվելը շատ կարևոր է հոգևոր գոյատևման համար, հատկապես՝ աճող խռովության այս օրերին։ Եթե ամեն օր սնվենք Քրիստոսի խոսքերով, Քրիստոսի խոսքերը կասեն մեզ, թե ինչպես արձագանքենք այն դժվարություններին, որոնց երբևէ չենք մտածել, որ կբախվենք: («Լսիր Նրան», Լիահոնա, մայիս 2020, 89)

Ինչպե՞ս կարող ենք կիրառել Հովսիայի պատմությունը մեր անձնական կյանքում:

Նախագահ Սպենսեր Վ. Քիմբալը կիսվել է.

Ես համոզված եմ, որ մեզանից յուրաքանչյուրը կյանքի ինչ-որ հատվածում պետք է իր համար բացահայտի սուրբ գրությունները, և ոչ թե ուղղակի մեկ անգամ բացահայտի, այլ բացահայտի կրկին ու կրկին:

Հին Կտակարանում Հովսիա թագավորի պատմությունն ամենաօգտակար պատմությունն է՝ «նմանեցնելու … այն [ինքներս] մեզ»: (1 Նեփի 19․24) Ինձ համար դա բոլոր սուրբ գրությունների լավագույն պատմություններից մեկն է։ …

Ես ուժեղ զգացողություն ունեմ, որ մենք բոլորս պետք է վերադառնանք դեպի սուրբ գրությունները, ինչպես դա արեց Հովսիա թագավորը, և թույլ տանք, որ դրանք հզորությամբ աշխատեն մեր մեջ՝ մղելով մեզ Տիրոջը ծառայելու անսասան վճռականության: (Teachings of Presidents of the Church: Spencer W. Kimball [2006], 62, 63)

Դ Թագավորների 22․14։ Ո՞վ էր Ողդա մարգարեուհին։

Ողդան մարգարեուհի էր այն իմաստով, որ ուներ մարգարեության պարգև, որը հասանելի է Եկեղեցու բոլոր անդամներին (տես նաև «Prophetess» Սուրբ գրքերի ուղեցույցում)։ Նա պատմեց մարդկանց ամբարիշտների դեմ դատաստանի մարգարեության մասին, որը պարունակվում էր սուրբ գրություններում: Նա նաև մարգարեացավ, որ Հովսիան կօրհնվի Տիրոջ հանդեպ իր հավատարմության շնորհիվ (տես Բ Թագավորներ 22․15–20)։

Լրացուցիչ ուսումնական վարժություններ

Հասկացեք Հովսիայի պատմությունը

Որպեսզի օգնեք ուսանողներին հասկանալ Հովսիայի պատմությունը, նրանց տրամադրեք «The scriptures are a blessing (Դ Թագավորների 22․8–11, 23․2)» գործնական աշխատանքի էջը։

Կարող եք նաև դիտել «Հովսիա թագավորը» (1:36) տեսանյութը։

1:36

Սրտի մեծ փոփոխություն

Ուսանողներին առաջարկեք կապել կամ խաչաձև հղում կատարել Դ Թագավորների 23․1–3 հատվածները Մոսիա 5․1–5 հատվածների հետ։ Կարող եք բացատրել, որ մեկ այլ թագավոր՝ Բենիամին թագավորը, հավաքեց իր ժողովրդին՝ նրանց Աստծո խոսքն ուսուցանելու համար: Ուսանողներին առաջարկեք կարդալ Մոսիա 5․1–5 հատվածները՝ համեմատելով Բենիամին թագավորի ժողովրդի պատմությունը Հովսիա թագավորի ժողովրդի պատմության հետ:

Ի՞նչ նմանություններ գտաք:
Ի՞նչ կապ տեսաք մարդկանց սրտերի և Տիրոջ հետ ուխտեր կապելու և պահելու նրանց պատրաստակամության միջև: Ինչպե՞ս դա կարող է վերաբերել մեզ այսօր։

Դ Թագավորների 23․24 Մի կողմ դրեք բոլոր պղծությունները

Կարող եք ամփոփ ներկայացնել Դ Թագավորների 23․4–24 հատվածները՝ բացատրելով, որ Հովսիան այնպես արեց, որ կեղծ երկրպագության բոլոր իրերը ոչնչացվեն։ Նա հրամայեց փշրել դրանք և այրել (տես Դ Թագավորների 23․4, 6, 14, 15, 24)։ Որպեսզի ուսանողներին ցուցադրեք Աստծո հանդեպ նվիրվածության այս տեսակի ևս մեկ օրինակ, դիտեք «Անսասան նվիրվածություն առ Հիսուս Քրիստոս» տեսանյութը 0:18-1:39։

13:52

Ուսանողներին առաջարկեք լուռ կարդալ հետևյալ խոսքերը և խորհել ուղեկցող հարցերի շուրջ:

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

Աստված հրավիրում է մեզ հասանելիությունից լիովին դուրս նետել մեր հին ուղիները և նոր կյանք սկսել Քրիստոսում: («Անսասան նվիրվածություն առ Հիսուս Քրիստոս», Լիահոնա, նոյ․ 2019, 23)

Ձեր կարծիքով, Փրկիչը ի՞նչ բաներից կցանկանար, որ դուք ազատվեիք ձեր կյանքում, որպեսզի կարողանաք ավելի լավ հետևել Նրան:
Այդ բաներից ազատվելն ինչպե՞ս կարող է օգնել ձեզ ամբողջ սրտով դառնալ դեպի Տերը:

Ուսանողներին առաջարկեք սուրբ գրությունների իրենց անձնական ուսումնասիրությունը կենտրոնացնել դրա շուրջ: Խրախուսեք նրանց փնտրել Տիրոջ օգնությունը՝ գտնելու քաջություն կամ ստեղծագործական ունակություններ, որոնք անհրաժեշտ են չար ազդեցություններն իրենց կյանքից հեռացնելու համար:

Ճշմարիտ հաղորդագրություն

Երբ ուսանողները կիսվեն սուրբ գրությունների հատվածներով, որոնք օգնել են իրենց դառնալ դեպի Տերը, կարող եք դիտել «Texting Truth» (2:22) տեսանյութը։ Ուսանողներին առաջարկեք ընտրել դասի ընթացքում կիսված հատվածներից մեկը և ուղարկել այն ընկերոջը կամ ընտանիքի անդամին:

2:22

«Արեք այն, ինչն ամենից կարևոր է»

Նախքան ուսանողները կմտածեն սուրբ գրությունների ուսումնասիրության իրենց անձնական նպատակների շուրջ և կհարմարեցնեն դրանք, կարող եք դիտել «Արեք այն, ինչն ամենից կարևոր է» տեսանյութը 1:57-2:44։ Քույր Ռեբեկա Լ. Քրեյվենը կիսվել է իր զրույցով, որտեղ նա բացատրել է սուրբ գրությունների ուսումնասիրության և աղոթքի կարևորության մասին:

10:45