Դ Թագավորների 17, 24–25

• Ինչպե՞ս և ե՞րբ կարող է ծնողի կողմից երեխային խրատելը սիրո դրսևորում հանդիսանալ:

Կարդացեք Վարդապետություն և Ուխտեր 95.1 հատվածը՝ փնտրելով, թե ինչպես են Երկնային Հայրը և Հիսուս Քրիստոսը վերաբերվում այն ​​մարդկանց, որոնց Նրանք պետք է ուղղեն կամ խրատեն:

Հին Կտակարանում մի քանի անգամ նկարագրված է, որ Իսրայելն ապստամբել է Երկնային Հոր և Հիսուս Քրիստոսի դեմ և ուղղման կարիք ունի: Դա հանգեցրեց, այսպես կոչված, Իսրայելի ցրմանը: Իսրայելի ցրումն ուսումնասիրելիս փնտրեք, թե Երկնային Հայրը և Հիսուս Քրիստոսը ինչպես ցույց տվեցին Իրենց սերը:

Դասի հաջորդ երկու հատվածների ընթացքում ուսանողները կարող են տեղաշարժվել դասասենյակում՝ հասկանալու, թե ինչպես է Իսրայելը ցրվել:

Ուսանողներին բաժանեք երկու հավասար խմբի: Մի խմբին առաջարկեք շարժվել դեպի դասասենյակի Հյուսիսային թագավորություն (Իսրայել) մասը, իսկ մյուս խմբին՝ դեպի Հարավային թագավորության (Հուդա) մասը։

Դասասենյակում ուսանողների տեղաշարժվելու փոխարեն կարող եք նրանց ցուցադրել «The Kingdoms of Israel and Judah at a Glance» գծապատկերը։ Ուսանողները կարող են կարդալ դասի համար նախատեսված հատվածները և քննարկել հարցերը՝ պարզապես հետևելով այս գծապատկերին:

Մ․ թ․ ա․ մոտ 975 թվականին, Սողոմոնի մահից հետո, թագավոր դարձավ նրա որդին՝ Ռոբովամը։ Ռոբովամը մեծ բեռ դրեց մարդկանց ուսերին։ Տասը ցեղ ապստամբեցին Ռոբովամի դեմ և հետևեցին Հերոբովամին (տես Գ Թագավորների 12․6–11, 19–20)։ Արդյունքում ստեղծվեցին Հյուսիսային և Հարավային թագավորությունները:

Կարդացեք Դ Թագավորների 17․7–18, 22–23 հատվածները՝ փնտրելով, թե ինչ պատահեց Իսրայելի Հյուսիսային թագավորության հետ:

• Ի՞նչ պատահեց թագավորության հետ և ինչո՞ւ դա տեղի ունեցավ:

  Բացատրեք, որ Ասորեստանի կողմից Իսրայելի Հյուսիսային թագավորության նվաճումով և իսրայելացիներից շատերին Ասորեստան վերադարձնելով սկսվեց Իսրայելի ցրումը: Դասասենյակի Հյուսիսային թագավորություն (Իսրայել) մասից ուսանողների մեծ մասին խնդրեք տեղափոխվել դեպի դասասենյակի մյուս մասը՝ Ասորեստան։ Նշեք, որ մենք հաճախ այդ ցեղերին անվանում ենք Իսրայելի կորած ցեղեր: Կարող եք դասասենյակի Ասորեստան տեղափոխված ուսանողներին անվանել Կորած ցեղեր։ Կարող եք դասասենյակի Իսրայել մասում մնացած ուսանողներին անվանել Սամարացիներ։ Բացատրեք, որ սամարացիների մի մասն իսրայելացիներ էին, մի մասը՝ հեթանոսներ (տես «Սամարացիներ» բաժինը Սուրբ գրքերի ուղեցույցից, Gospel Library հավելվածում)։

• Ինչպե՞ս կարող եք ամփոփ ներկայացնել, թե ինչու Իսրայելը ցրվեց:

• Ի՞նչ սովորեցիք Հուդայի Հարավային թագավորության, այդ թվում այնտեղ թագավորած թագավորների մասին:

Կարդացեք 1 Նեփի 1․4 հատվածը՝ փնտրելով, թե ուրիշ ով է ապրել Հուդայի թագավորությունում:

Կարդացեք 1 Նեփի 2․1–4, 18․22–23 հատվածները՝ փնտրելով, թե ինչ պատահեց այդ ընտանիքի հետ:

• Ի՞նչ օրհնություններ մենք ստացանք Երկնային Հորից, երբ Տերը Լեքիին և նրա ընտանիքին հեռացրեց Երուսաղեմից ցրման ժամանակ:

Կարդացեք Բ Մնացորդաց 36․17–20 հատվածները՝ փնտրելով, թե ինչ արեց Նաբուգոդոնոսորը՝ Բաբելոնի թագավորը, Երուսաղեմի բնակիչների հետ, Լեքիի և նրա ընտանիքի հեռանալուց անմիջապես հետո:

Կյուրոս թագավորի օրոք պարսիկները գրավեցին Բաբելոնը։ Մ.թ.ա. մոտավորապես 537 թվականին Տերը ոգեշնչեց Պարսկաստանի Կյուրոս թագավորին թույլ տալ հրեաներին վերադառնալ Երուսաղեմ և վերակառուցել տաճարը (տես Բ Մնացորդաց 36․22–23, Երեմիա 29․10–14; Եզրաս 1․1–3)։ Հետագա տարիների ընթացքում Եզրասը, Նեեմիան և մյուս մարդիկ վերադարձան Երուսաղեմ՝ օգնելու վերակառուցել քաղաքը և ավարտել տաճարի կառուցումը (տես Եզրաս 7․6–8, Նեեմիա 2․1–11)։

Կարդացեք 3 Նեփի 17․4 հատվածը՝ փնտրելով, թե Փրկիչն ինչով է կիսվել նեփիացիների հետ՝ նրանց մեջ Իր ծառայության ընթացքում:

• Այդ հատվածի մեջ ի՞նչն է ավելի տպավորիչ ձեզ համար։

Կարդացեք Բ Օրենք 4․27–31 և Եսայի 54․7–10 հատվածները՝ փնտրելով, թե ինչ է Տերը խոստացել անել ցրված Իսրայելի համար:

• Ի՞նչ հատկանիշներ եք տեսնում Երկնային Հոր և Հիսուս Քրիստոսի մեջ՝ Իսրայելի ցրման մասին սովորելիս։