Եսթեր, Մաս 2

Նախագահ Թոմաս Ս. Մոնսոնը կիսվել է հետևյալ պատմությամբ․

16:18

Միացյալ Նահանգների ռազմածովային նավատորմում Երկրորդ համաշխարային պատերազմի ժամանակ ծառայելիս ես իմացա խիզախ գործերի, հերոսությունների և քաջության օրինակների մասին։ Ամենից շատ հիշում եմ մի տասնութամյա նավաստու քաջությունը, որը մեր հավատքից չէր, որին հպարտությունը չէր խանգարում աղոթել։ 250 հոգանոց թիմում նա միակն էր, որն ամեն երեկո ծնկի էր իջնում իր մահճակալի մոտ, երբեմն ամբարտավանների ծաղրանքի և անհավատների կատակների ներքո։ Գլուխը կախ նա աղոթում էր Աստծուն։ Նա երբեք չերկնչեց։ Նա երբեք չերերաց։ Նա քաջ էր։ («Զորացիր և քաջ եղիր», Լիահոնա, մայիս 2014, 67)

• Ի՞նչ եք դուք մտածում, երբ լսում եք քաջություն բառը:

• Ո՞ր իրավիճակներում դեռահաս Վերջին Օրերի Սրբերը կարող են քաջություն դրսևորելու անհրաժեշտություն ունենալ:

Մտածեք որոշ իրավիճակի մասին, օրինակ՝ դպրոցում, տանը կամ ընկերների հետ, որտեղ դուք զգում եք, որ Երկնային Հայրը կարող է ցանկանալ, որ դուք ավելի մեծ քաջություն դրսևորեք: Գրեք այդ իրավիճակը ձեր ուսումնասիրության օրագրում:

Եսթերի պատմության մնացած մասն ուսումնասիրելիս հրավիրեք Սուրբ Հոգուն՝ օգնելու ձեզ հասկանալ, թե Երկնային Հայրը և Հիսուս Քրիստոսն ինչպես կարող են օգնել ձեզ քաջությամբ դիմակայել այդ իրավիճակին:

Որպեսզի օգնեք ուսանողներին կիսվել, թե ինչ են հիշում Եսթերի պատմության մասին, կարող եք ցուցադրել Եսթերի նկարը և հետևյալ անունները: Առաջարկեք ուսանողներին կիսվել, թե ինչ են հիշում այս մարդկանցից յուրաքանչյուրի մասին:

Եսթեր

Մուրթքե

Ասուերոս թագավոր

Համան

Կամ կարող եք ցուցադրել տեսանյութ, օրինակ՝ «For Such a Time as This» տեսանյութը՝ 5:12-9:41։ Այդ տեսանյութը հասանելի է ChurchofJesusChrist.org կայքում:

13:44

Հետևյալ ամփոփումը կարող է օգտագործվել՝ ավելացնելու կարևոր մանրամասներ, որոնք ուսանողները կարող էին բաց թողնել:

Եսթերը դարձավ Պարսկաստանի Ասուերոս թագավորի թագուհին։ Եսթերի խնամակալը՝ Մուրթքեն, հրաժարվեց խոնարհվել թագավորի գլխավոր նախարար Համանի առաջ։ Համանը զայրացավ և թագավորից թույլտվություն ստացավ ոչնչացնել թագավորության բոլոր հրեաներին։ Մուրթքեն դիմեց Եսթերին, որպեսզի նա միջամտություն խնդրի թագավորից՝ ասելով Եսթերին, որ գուցե Աստված նրան այս դիրքում դրել է «այսպիսի ժամանակի համար» (Եսթեր 4․14)։

• Թագավորին մոտենալն ինչո՞ւ էր մեծ քաջություն պահանջում։

Կարդացեք Եսթեր 4.15–17 հատվածները՝ փնտրելով, թե Եսթերը ինչպես քաջություն դրսևորեց՝ պատրաստվելով մոտենալ թագավորին:

Կարող եք նաև ցուցադրել «For Such a Time as This» տեսանյութի մնացած մասը՝ 11:10-13:44։

13:44

Հետևյալ հարցերը քննարկելիս օգտակար կլինի հիշել, որ ուսանողների մեկնաբանություններն ընդունելը կարող է օգնել ուսանողներին հետագայում ավելի պատրաստակամ լինել մասնակցելու քննարկմանը:

• Ի՞նչն ամենաշատը տպավորեց ձեզ Եսթերի օրինակում:

• Ի՞նչ կարող ենք սովորել հատվածներ 15–17-ից, որը կարող է օգնել մեզ դժվարությունների բախվելիս։

  Շնորհակալություն հայտնեք ուսանողներին կարևոր սկզբունքներով կիսվելու համար: Օգնեք ուսանողներին բացահայտել հետևյալ սկզբունքը, եթե նրանք դեռևս չեն նշել այն․ Եթե ես ապավինեմ Երկնային Հորը և Հիսուս Քրիստոսին, Նրանք ինձ քաջություն կտան:

• Ի՞նչ ապացույց եք տեսնում այն բանի, որ Եսթերն ապավինում էր Տիրոջը։ Ինչպե՞ս դա օգնեց նրան։

Ուսումնասիրեք սուրբ գրությունների հետևյալ հատվածներից մեկը՝ փնտրելով, թե ինչպես Եսթերը քաջություն դրսևորեց:

1. Եսթեր 5․1–4։ Եսթերը մոտենում է թագավորին։

2. Եսթեր 7․1–4։ Եսթերը, թագավորը և Համանը մասնավոր խնջույք են ունենում։

3. Եսթեր 8․3–6։ Եսթերը թագավորի հետ քննարկում է հրեաներին կոտորելու նրա հրամանը։

Այնուհետև քննարկեք հետևյալ հարցերը.

• Ինչպե՞ս էր Եսթերի գործողություններում քաջություն դրսևորվում։

• Ձեր կարծիքով, մարդն ի՞նչ պետք է իմանա Աստծո մասին՝ Եսթերի կատարած ընտրությունը կատարելու համար:

  Պատրաստակամ ուսանողներին առաջարկեք դասարանի հետ կիսվել իրենց քննարկածով։

  Օգնելով ուսանողներին Հիսուս Քրիստոսին դնել իրենց ուսումնասիրության կենտրոնում՝ մենք հրավիրում ենք Սուրբ Հոգուն վկայել Նրա մասին: Դա կօգնի ուսանողներին ավելի անհատական և արդյունավետ ուսումնական փորձառություն ունենալ: Դա անելու եղանակներից մեկը Եսթերի պատմությունը կապելն է Հիսուս Քրիստոսի կյանքի և օրինակի հետ:

  (Լրացուցիչ ուսուցման համար, թե ինչպես օգնել ուսանողներին կապել իրենց սովորածը Հիսուս Քրիստոսի կյանքի և օրինակի հետ, տես «Կարևորեք Հիսուս Քրիստոսի օրինակը» նյութը Ուսուցիչների կատարելագործման հմտություններ ձեռնարկում [2022], 5:)

  Գրատախտակին ցուցադրեք Հիսուս Քրիստոսի նկարը: Կարող եք տալ հետևյալ հարցերից մեկը կամ երկուսն էլ։

• Եսթերն ինչպե՞ս է ձեզ հիշեցնում Փրկչին:

• Որո՞նք են Փրկչի կյանքից այն օրինակները, որտեղ Նա քաջություն է դրսևորել:

  Որպեսզի ուսանողներին պատրաստեք՝ կիսվելու իրենց սեփական փորձառությամբ, կարող եք նրանց ցուցադրել «Having Courage and Trusting the Lord» տեսանայութը (3:18), որը հասանելի է ChurchofJesusChrist.org կայքում։

  

  3:18

• Ե՞րբ է պատահել, որ դուք կամ ձեր ծանոթը ապավինեք Տիրոջը և քաջության օրհնություն ստանաք:

Խորհեք այն իրավիճակի մասին, որի մասին մտածել էիք դասի սկզբին: Խորհելիս Հոգուց ուղղորդում խնդրեք, թե ինչպես կարող եք քաջություն դրսևորել և ապավինել Տիրոջն այդ իրավիճակում:

Նորից կարդացեք Եսթեր 4.16 հատվածը՝ շեշտելով հետևյալ խոսքերը․ «… և այնուհետև թագավորի մոտ եմ գնալու, թեև օրենք չէ. և եթե մեռնելու եմ, թող մեռնեմ»։

Վերաձևակերպեք այդ խոսքերն այնպես, որ դրանք արտացոլեն ձեր հանձնառությունը՝ դրսևորելու քաջություն և ապավինելու Տիրոջը ձեր իրավիճակում: Որպեսզի դա անեք, կարող եք լրացնել հետևյալ հուշումները․

• Եվ այնուհետև ես (այն գործողությունը, որը դուք կցանկանայիք անել՝ քաջություն դրսևորելու համար)։ Եվ եթե (հնարավոր հետևանք), ես (այն, ինչ դուք կանեք Տիրոջը ապավինելու համար):