Ա Թագավորների 17

• Ի՞նչ գիտեք Դավթի և Գողիաթի պատմության մասին:

  Մի քանի ուսանողի առաջարկեք կանգնել և համեմատել իրենց հասակը պատի վրա նշված Գողիաթի հասակի հետ: Խրախուսեք նրանց պատկերացնել, թե ինչ կլիներ, եթե իրենք կռվեին Գողիաթի հետ դեմ առ դեմ:

  Գրատախտակին նկարեք Գողիաթին պատկերող մի մեծ մարդուկի նկար: Անվանեք այն Մեր դժվարությունները։ Ուսանողներին առաջարկեք գրատախտակին նկարած մարդուկի նկարի կողքին գրել երիտասարդների առջև ծառացած դժվարությունները:

• Որո՞նք են այն մեծ կամ փոքր դժվարությունները, որոնց բախվում են այսօր երիտասարդները:

Խորհեք ցանկացած դժվարության վերաբերյալ, որին կարող եք բախվել ձեր կյանքում: Ընտրեք դժվարություններից մեկը, որի վրա կկենտրոնանաք այսօր: Մտածեք, թե որքանով եք վստահ, որ Տերը կարող է օգնել ձեզ այդ դժվարություններում: Ձեր մտքերը գրանցեք ձեր օրագրում:

Ա Թագավորների 17 գլուխն ուսումնասիրելիս հրավիրեք Սուրբ Հոգուն՝ օգնելու ձեզ իմանալ, թե ինչպես կարող եք խնդրել Փրկչի օգնությունը՝ ձեր դժվարությունները հաղթահարելու համար:

Իսրայելը պատերազմում էր փղշտացիների դեմ։ Փղշտացի մարտիկ Գողիաթը, մարտահրավեր նետեց Իսրայելին։ Նա ասաց, որ եթե իսրայելացիներից մեկը միայնակ հաղթի իրեն մարտում, ապա փղշտացիները կհանձնվեն և կլինեն Իսրայելի ծառաները։ Բայց եթե Գողիաթը հաղթի, Իսրայելը կդառնա փղշտացիների ծառան։ 40 օր շարունակ Գողիաթը գալիս և իսրայելացիներին մարտահրավեր էր նետում։ Սավուղ թագավորը և Իսրայելի բանակը վախեցած էին։ Դավիթը եկել էր՝ բանակում ծառայող իր եղբայրներին սնունդ հասցնելու։ Նա լսեց, թե ինչպես է Գողիաթը մարտահրավեր նետում Իսրայելի բանակին (տես Ա Թագավորների 17․1–25)։

Կարդացեք Ա Թագավորների 17․26 հատվածը՝ փնտրելով, թե Դավիթն ինչպես արձագանքեց, երբ լսեց, որ Գողիաթը մարտահրավեր է նետում Իսրայելի բանակին:

• Դավթի արձագանքի մեջ ի՞նչն է ավելի տպավորիչ ձեզ համար։

Կարդացեք Ա Թագավորների 17․31–37 հատվածները՝ փնտրելով, թե ինչու էր Դավիթն այդքան վստահում «կենդանի Աստծուն» (հատված 36)։

Որպեսզի օգնեք ուսանողներին պատկերացնել այդ հատվածները, կարող եք ցուցադրել «David and Goliath» 0:00-1:20 կամ «The Lord Will Deliver Me» տեսանյութը 0:47-1:59։ Երկու տեսանյութն էլ հասանելի են ChurchofJesusChrist.org կայքում:

2:36

3:24

• Դավիթն ի՞նչ սովորեց Տիրոջ մասին, որը նրան վստահություն տվեց՝ կռվելու Գողիաթի դեմ:

  Օգնելով ուսանողներին իրենց բառերով ներկայացնել դարձի բերող սկզբունքները՝ կխորացնեք սուրբ գրությունների և մարգարեների խոսքերի մասին իրենց հասկացողությունը: Դա անելու համար կարող եք լրացուցիչ հարցեր տալ, երբ ուսանողները կիսվեն իրենց բացատրությամբ: Ստորև բերված է հարցի օրինակը։

  (Լրացուցիչ ուսուցման համար, թե ինչպես օգնել ուսանողներին ներկայացնել դարձի բերող սկզբունքները, տես «Կենտրոնացեք ճշմարտությունների վրա, որոնք հանգեցնում են դարձի և կերտում հավատք առ Հիսուս Քրիստոս» բաժինը Ուսուցիչների կատարելագործման հմտություններ ձեռնարկում։)

• Ինչպե՞ս կարող է այն, ինչ Դավիթը սովորեց Տիրոջ մասին, օգնել մեզ, երբ մենք բախվում ենք մեր դժվարություններին:

Կարդացեք Ա Թագավորների 17․38–51 հատվածները՝ փնտրելով, թե Դավիթն ինչպես ապավինեց Տիրոջը, երբ բախվեց Գողիաթին: Կարող եք նշել ձեր գտածը:

Երբ ​​ուսանողները կարդան պատմության տարբեր դերերը, նրանք կարող են շարունակել դա անել նաև այս հատվածների համար: Կարող եք մեկ այլ ուսանողի առաջարկել կարդալ Գողիաթի դերը:

Կարող եք նաև մինչև վերջ դիտել հետևյալ տեսանյութերից մեկը․ «David and Goliath» 1:20-2:36 կամ «The Lord Will Deliver Me» 1:59-3:23։

2:36

3:24

• Դավիթ ինչպե՞ս ցույց տվեց, որ ապավինում է Տիրոջը։

Գրատախտակին գրված Մեր դժվարությունները վերնագրի ներքո թվարկված դժվարություններից ընտրեք մեկը։

Նշեք ձեր ընտրած դժվարություններին հատուկ հինգ եղանակ, որոնցով մարդը կարող է ապավինել Երկնային Հորը և Հիսուս Քրիստոսին՝ դժվարությունները հաղթահարելիս: Քննարկեք, թե ինչու եք ընտրում այս կամ այն գործողությունը:

• Ինչպե՞ս են Երկնային Հայրը և Հիսուս Քրիստոսը օգնել ձեզ կամ ձեր ծանոթին հաղթահարել դժվարությունները:

• Ի՞նչ գործողություններ եք ձեռնարկել դուք կամ այդ մարդը՝ Նրանց օգնությունը ստանալու համար:

Տասներկու Առաքյալների Քվորումից երեց Դիտեր Ֆ. Ուխդորֆը վկայել է, թե Հիսուս Քրիստոսը ինչպես կարող է օգնել մեզ, երբ մենք բախվում ենք դժվարությունների.

14:11

Եթե Փրկիչը այսօր կանգնած լիներ այստեղ, Նա կարտահայտեր իր անսահման սերը և Իր լիակատար վստահությունը ձեր հանդեպ: Նա ձեզ կասեր, որ դուք կարող եք դա անել: Դուք կարող եք կառուցել ուրախ, երջանիկ կյանք, քանի որ Հիսուս Քրիստոսը ձեր ուժն է: («Հիսուս Քրիստոսը երիտասարդների ուժն է», Լիահոնա, նոյ․ 2022, 12)

• Ի՞նչ գիտեք Հիսուս Քրիստոսի մասին, որը կարող է օգնել ձեզ հաղթահարել ձեր դժվարությունները՝ ունենալով Նրա հանդեպ ավելի մեծ վստահություն:

Մտածեք ձեր անձնական դժվարությունների մասին, որոնք ավելի վաղ գրել եք ձեր օրագրում: Փնտրեք տպավորություններ Սուրբ Հոգուց, որոնք կօգնեն ձեզ ընտրել առնվազն մեկ եղանակ, որով կարող եք ապավինել Տիրոջը՝ այդ դժվարությունները հաղթահարելու համար:

Նկարեք մեկ կամ մի քանի քար ձեր օրագրում: Քարերի նկարների կողքին կամ դրանց մեջ գրեք, թե դժվարությունները հաղթահարելու համար ինչ եք անելու և ինչպես եք դա անելու: