Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Դ Թագավորների 5. Փոքր և հասարակ բաներ

«Դ Թագավորների 5. Փոքր և հասարակ բաներ», Հին Կտակարան․ Սեմինարիայի ուսուցչի ձեռնարկ (2026)

«Դ Թագավորների 5. Փոքր և հասարակ բաներ», Հին Կտակարան․ Սեմինարիայի ուսուցչի ձեռնարկ

Դ Թագավորների 2–7․ Դաս 84

Դ Թագավորների 5

Փոքր և հասարակ բաներ

Երբեմն մենք կարող ենք հասկանալ այն փոքր բաներն անելու հոգևոր արժեքը, որոնք Երկնային Հայրը և Հիսուս Քրիստոսը հրավիրում են մեզ անել: Դ Թագավորների 5 գլխում Տերը բժշկեց Նեեմանին՝ սիրիացի զորավարին, իր բորոտությունից, քանի որ նա հետևեց մարգարեի պարզ խորհրդին՝ յոթ անգամ լվացվել Հորդանան գետում: Այս դասը կօգնի ուսանողներին հնազանդվել փոքր և հասարակ բաներին, որոնք Տերը խնդրում է մեզ անել:

Ուսանողի նախապատրաստում. ուսանողներին առաջարկեք կարդալ Ալմա 37․6–7 հատվածները՝ փնտրելով, թե ինչ կարող են սովորել փոքր և հասարակ բաների մասին: Կամ կարող եք խրախուսել ուսանողներին ուշադրություն դարձնել փոքր բաների վրա, որոնք նրանք հաճախ անում են, որոնք մեծ փոփոխություն են առաջացնում իրենց կյանքում կամ ազդում են Երկնային Հոր և Հիսուս Քրիստոսի հետ իրենց հարաբերությունների վրա:

Հնարավոր ուսումնական վարժություններ

Կաթիլային ոռոգում

Կարող եք ցուցադրել հետևյալ նկարը կամ դասարան բերել որևէ բույս և ցույց տալ, թե ինչպես է աշխտաում կաթիլային ոռոգումը: Հաջորդ պարբերության տեղեկությունը կարող է օգնել ձեզ բացատրել դա:

Կաթիլային ոռոգումը բույսերը ջրելու մեթոդ է: Ի տարբերություն ոռոգման այլ ձևերի, որտեղ մեծ քանակությամբ ջուր հազվադեպ է կիրառվում, կաթիլային ոռոգումն իրենից ներկայացնում է փոքր քանակությամբ ջրի դանդաղ կաթոցը հողի վրա: Ջրի մշտական կաթոցը հողը խոնավ է պահում այնտեղ, որտեղ այն առավել օգտակար է բույսերի համար:

Կարող եք ուսանողներին բաժանել փոքր խմբերի՝ հետևյալ հարցի պատասխանները քննարկելու համար:

Ինչպե՞ս կարող են կաթիլային ոռոգման սկզբունքները կիրառվել Երկնային Հոր ծրագրում մեր հոգևոր առաջընթացի համար:

Մի քանի խմբի առաջարկեք կիսվել, թե ինչ են քննարկել։ Ապա ցուցադրեք հետևյալ ինքնագնահատումը և ուսանողներին առաջարկեք մտածել, թե որքան ճշգրիտ է այն առնչվում իրենց կյանքին:

Մի քանի րոպե տրամադրեք, որպեսզի մտածեք այն փոքր ջանքերի մասին, որոնք գործադրում եք որպես Հիսուս Քրիստոսի աշակերտ և այն արդյունքների մասին, որոնք ստանում եք: Ապա խորհեք ձեզ համար կարևոր այս պնդման ճշմարտացիության մասին.

Ես հասկանում եմ, թե ինչպես են իմ արած կամ չարած փոքր և հասարակ բաներն ազդում իմ կյանքի և Երկնային Հոր ու Հիսուս Քրիստոսի հետ իմ հարաբերությունների վրա:

Ուսանողներին առաջարկեք ընկալունակ լինել այն մտքերի և զգացմունքների հանդեպ, որոնք ստանում են Սուրբ Հոգուց փոքր և հասարակ բաների վերաբերյալ, որոնք կարող են անել՝ ամրացնելու իրենց հարաբերությունները Երկնային Հոր և Հիսուս Քրիստոսի հետ:

Նեեմանը բժշկվեց իր բորոտությունից

Դ Թագավորների 5 գլուխը պարունակում է մի պատմություն Նեեմանի՝ սիրիացի զորավարի մասին, որը կարևոր դաս էր քաղել Տիրոջ պատվիրած փոքր և հասարակ բաներն անելու մասին:

Կարդացեք Դ Թագավորների 5․1 հատվածը՝ փնտրելով այն ամենը, ինչ կարող եք սովորել Նեեմանի մասին:

Ի՞նչ գտաք:

Կարող եք բացատրել, որ բորոտությունը սարսափելի մաշկային հիվանդություն էր: Այն կարող եր Նեեմանի մոտ սարսափելի վերքեր առաջացնել և հանգեցնել մահվան։

Որպես այլընտրանքյին եղանակ այն ուսանողների համար, որոնք պարզապես կարդում են հետևյալ հատվածները, կարող եք ձեր դասասենյակը բաժանել երեք մասի և անվանել դրանք՝ «Սիրիա», «Եղիսեի տունը» և «Հորդանան գետ»: Չորս պատրաստակամ ուսանողի առաջարկեք ներկայացնել հետևյալ մարդկանց՝ բարձրաձայն կարդալով ուղեկցող հատվածները դասասենյակի նշված վայրերում: Նեեմանին և նրա ծառային ներկայացնող ուսանողները կարող են տեղից տեղ տեղափոխվել, մինչդեռ փոքրիկ աղախինը և Եղիսեի սուրհանդակը պետք է մնան իրենց տեղերում:

Սիրիա. փոքրիկ աղախինը կարդում է հատվածներ 2–4-ը
Եղիսեի տունը. Եղիսեի սուրհանդակը կարդում է հատվածներ 9–10-ը
Եղիսեի տունը. Նեեմանը կարդում է հատվածներ 11–12-ը
Հորդանան գետ. Նեեմանի ծառան կարդում է հատվածներ 13–14-ը

Կարդացեք Դ Թագավորների 5․2–4, 9–14 հատվածները՝ փնտրելով, թե Եղիսեն՝ որպես Աստծո մարգարե, ինչ ասաց Նեեմանին, որ նա անի՝ իր բորոտությունից բժշկվելու համար:

Ինչպիսի՞ կարևոր դասեր կարող է դեռահասը սովորել այսօր Նեեմանի փորձառությունից։

Ուսանողները կարող են ասել նմանատիպ մի ճշմարտություն․ Տիրոջ՝ փոքր և հասարակ բաներ անելու հրավերներին հնազանդվելը մեծ օրհնություններ է բերում։ Կարող եք առաջարկել նրանց գրել այս ճշմարտությունը՝ որպես նշում իրենց սուրբ գրություններում Դ Թագավորների 5․13–14 հատվածների կողքին և նշել այս հատվածների արտահայտությունները, որոնք ուսուցանում են այդ ճշմարտությունը: Իրենց սուրբ գրություններում նշումներ կատարելը կարող է օգնել ուսանողներին հիշել իրենց սովորած ճշմարտությունները: Կարող եք նաև առաջարկել ուսանողներին կարդալ Ալմա 37․6–7 հատվածները և այս հատվածները կապել կամ խաչաձև հղում կատարել Դ Թագավորների 5․13–14 հատվածների հետ։

Փոքր և հասարակ բաներ

Հետևյալ վարժությունը նախատեսված է օգնելու ուսանողներին բացահայտել փոքր և հասարակ բաները, որոնք Երկնային Հայրը և Հիսուս Քրիստոսը խնդրել են մեզ անել և քննարկել, թե ինչպես կարող ենք օրհնվել՝ անելով դրանք:

Այս վարժությունը կատարելու եղանակներից մեկը՝ ուսանողներին փոքր խմբերի բաժանելն է և յուրաքանչյուր խմբին թուղթ և մկրատ տրամադրելը: Յուրաքանչյուր խմբի առաջարկեք նկարել և կտրել ջրի երեք մեծ կաթիլ: Ստորև ներկայացված 1-ին քայլի համար խմբերը կարող են յուրաքանչյուր կաթիլի վրա գրել մեկական տարբեր փոքր և հասարակ բան, որոնք Տերը հրավիրել է մեզ անել, ապա տեղադրել դրանք գրատախտակի վրա:

Գրեք փոքր և հասարակ բաներ, որոնք Տերը խնդրել է մեզ անել և որոնք կարող են բերել մեծ օրհնություններ:

Անհրաժեշտության դեպքում, հետևյալ խոսքերը կարող են օգնել խմբերին նշել փոքր և հասարակ բաներ, որոնք Տերը խնդրել է մեզ անել, ինչպես նաև այն եղանակները, որոնցով մենք օրհնվում ենք՝ անելով դրանք:

Առաջին Նախագահությոինից նախագահ Դալլին Հ. Օուքսը կիսվել է փոքր և հասարակ բաների մի քանի օրինակով, որոնք Տերը հրավիրել է մեզ անել:

17:36

Մտածեք սուրբ գրությունների ուսումնասիրության մասին, որոնք մեզ ուսուցանել են կիրառել դրանք մեր առօրյա կյանքում: Կամ մտածեք անձնական աղոթքների և ընտանեկան ծնկաչոք աղոթքների մասին, որոնք կանոնավորապես գործադրվում են հավատարիմ Վերջին Օրերի Սրբերի կողմից: Մտածեք սեմինարիայի կամ ինստիտուտի դասերին չափահաս երիտասարդների հաճախելու մասին: Չնայած այս գործողություններից յուրաքանչյուրը կարող է թվալ փոքր և հասարակ, ժամանակի ընթացքում դրանք կարող են առաջացնել հզոր հոգևոր վերելքներ և աճ: Սա տեղի է ունենում, որովհետև այս փոքր և հասարակ բաներից յուրաքանչյուրը հրավիրում է Սուրբ Հոգու՝ Վկայողի ընկերակցությունը, ով լուսավորում է մեզ և առաջնորդում դեպի ճշմարտություն։ («Փոքր և հասարակ բաներ», Լիահոնա, մայիս 2018, 90)

Նախքան հաջորդ քայլը կատարելը, յուրաքանչյուր խմբի առաջարկեք ընտրել մեկ այլ խմբի կողմից գրատախտակին տեղադրված մեկ կաթիլ:
Ուսումնասիրեք սուրբ գրություններ ու մարգարեների խոսքեր՝ փնտրելով այն մեծ օրհնությունները, որոնք Տերը առաջարկում է, եթե մենք անենք այս փոքր և հասարակ բանը:

Մի քանի խմբի առաջարկեք կիսվել իրենց սովորածով:

Այս քննարկման ընթացքում կարող եք առաջարկել ուսանողներին խորհել այն փորձառությունների շուրջ, որոնք ունեցել են փոքր և հասարակ բաներ անելիս: Ապա պատրաստակամ ուսանողներին առջարկեք կիսվել, թե ինչպես է Տերը օրհնել իրենց և ինչպես է դրա արդյունքում ամրացել իրենց հարաբերությունները Երկնային Հոր և Հիսուս Քրիստոսի հետ:

Նախորդ հուշումը կարող է օգնել ուսանողներին բանավոր արտահայտել իրենց զգացմունքները, փորձառությունները և վկայությունը: Կարող եք նաև կիսվել ձեր վկայությամբ կամ փորձառություններով՝ փոքր և հասարակ բաներ անելու մասին, որոնք Տերը ակնկալում է մեզանից: Լրացուցիչ ուսուցման համար տես «Հաճախ վկայություն բերեք և առաջարկեք ուսանողներին կիսվել իրենց զգացումներով, փորձառություններով և վկայություններով» բաժինը Ուսուցիչների կատարելագործման հմտություններ ձեռնարկում։

Կարող եք նաև դիտել «Մնացեք այդ օրը Քրիստոսում» տեսանյութը 2:30-4:23 (ChurchofJesusChrist.org)։ Ուսանողները կարող են նշել, թե Երեխաների միության գերագույն նախագահության առաջին խորհրդական քույր Էմի Ա. Ռայթը և նրա ընտանիքն ինչպես են ամրացել իրենց արած փոքր ու հասարակ բաների շնորհիվ:

10:33

Կարող եք նաև ուսանողներին առաջարկել կարդալ Դ Թագավորների 5․15 հատվածը, որպեսզի տեսնեն Նեեմանի վկայության օրհնությունը, որը նա ստացել է՝ հնազանդվելով այն փոքր և հասարակ բանին, որը հրավիրել էր անել մարգարեն:

Փոքր և հասարակ բաներն իմ կյանքում

Որպեսզի օգնեք ուսանողներին ծրագիր կազմել՝ հնազանդվելու փոքր և հասարակ բաներ անելու Տիրոջ պատվիրանին, ցուցադրեք հետևյալ հրահանգները:

Ձեր օրագրում պատասխանեք հետևյալ հարցերին.

Մտածեք մի փոքր և հասարակ բանի մասին, որը Տերը խնդրել է ձեզ անել և որը դուք զգում եք, որ արդեն լավ եք անում: Տիրոջ հրահանգին հնազանդվելն ինչպե՞ս է ամրացրել ձեր հարաբերությունները Երկնային Հոր և Հիսուս Քրիստոսի հետ:
Ընտրեք մի փոքր և հասարակ բան, որը Տերը խնդրել է ձեզ անել և որը դուք զգում եք, որ ոգեշնչված եք ավելի լավ անել: Ի՞նչ կարող եք անել, որպեսզի կատարելագործեք ձեր հնազանդությունը Տիրոջ հրավերին: Ինչպե՞ս կարող է դա ամրացնել ձեր հավատքն առ Երկնային Հայրը և Հիսուս Քրիստոսը:

Մի քանի պատրաստակամ ուսանողի առաջարկեք կիսվել առաջին հարցի իրենց պատասխաններով: Խրախուսեք ուսանողներին հետևել իրենց կատարելագործման ծրագրին:

Լրացուցիչ նյութեր

Ի՞նչ կարող եմ սովորել Նեեմանից մարգարեին հետևելու մասին։

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

12:23

Ինչպես գրված է Հին Կտակարանում, երբ Նեեմանը բուժում էր փնտրում իր բորոտությունից, վրդովվել էր, երբ իրեն ասվեց, որ յոթ անգամ ընկղմվի մոտակա սովորական գետի մեջ: Բայց նրան համոզեցին հետևել Եղիսե մարգարեի խորհրդին, և չապավինել իր կանխակալ պատկերացումներին՝ թե ինչպես պետք է կատարվի հրաշքը: Արդյունքում՝ Նեեմանը բժշկվեց։ Վստահելով Աստծո մարգարեին երկրի վրա և գործելով համաձայն նրա խորհրդի, մենք երջանկություն կգտնենք և նույնպես կարող ենք բժշկվել։ Ուրիշ բան փնտրել պետք չէ։ («Հիսուս Քրիստոսն է գանձը», Լիահոնա, նոյ․ 2023, 98)

Տասներկու Առաքյալների Քվորումից երեց Ռոնալդ Ա․ Ռասբանդը կիսվել է.

Նեեմանի պատմությունը մեզ հիշեցնում է, թե ինչ վտանգների կարող ենք հանդիպել, եթե ընտրենք մարգարեական խորհրդի այն հատվածները, որոնք համապատասխանում են մեր մտածողությանը, սպասելիքներին կամ այսօրվա բարքերին: Մեր մարգարեն անընդհատ մեզ մատնանշում է դեպի մեր անձնական Հորդանան գետը, որպեսզի բժշկվենք: («Իմ հոգու բաները», Լիահոնա, նոյ․ 2021, 40)

Ինչպե՞ս կարող եմ օրհնվել՝ գործելով հավատքով այն փոքր և հասարակ բաների հանդեպ, որոնք Տերը ինձ հրավիրել է անել:

Տասներկու Առաքյալների Քվորումից երեց Դեյվիդ Ա. Բեդնարը կիսվել է․

Փոքր և հասարակ բաների հոգևոր ձևանմուշն առաջ է բերում մեծ բաներ՝ առաջացնում հաստատունություն և անսասանություն, խորացնում նվիրվածությունն ու ավելի լիարժեք դարձը դեպի Տեր Հիսուս Քրիստոսը և Նրա ավետարանը: («By Small and Simple Things Are Great Things Brought to Pass» [Brigham Young University Women’s Conference, ապրիլի 29, 2011], womensconference.byu.edu)

Օժանդակ ուսումնական վարժություններ

Մեդիա տարբերակներ

Որպեսզի օգնեք ուսանողներին պատկերացնել Դ Թագավորների 5․1–14 հատվածներում ներկայացված իրադարձությունները, կարող եք ցուցադրել «Naaman and Elisha» տեսանյութը։ Կարող եք նաև ուսանողներին առաջարկել կարդալ այդ հատվածները: Կարող են օգնել սուրբ գրությունների հետևյալ հղումները և ժամանակային կոդերը.

Դ Թագավորների 5․2–4 ( 2:15-5:42)