Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Դ Թագավորների 2–4. Տերը Եղիսեին տալիս է զորություն և իշխանություն

«Դ Թագավորների 2–4. Տերը Եղիսեին տալիս է զորություն և իշխանություն», Հին Կտակարան․ Սեմինարիայի ուսուցչի ձեռնարկ (2026)

«Դ Թագավորների 2–4. Տերը Եղիսեին տալիս է զորություն և իշխանություն», Հին Կտակարան․ Սեմինարիայի ուսուցչի ձեռնարկ

Դ Թագավորների 2–7․ Դաս 83

Դ Թագավորների 2–4

Տերը Եղիսեին տալիս է զորություն և իշխանություն

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Երբ մենք ընդունում ենք կոչումները Տիրոջ Եկեղեցում, մենք ստանում ենք ծառայելու Նրա իշխանությունը: Երբ մենք ձգտենք ջանասիրաբար ծառայել և ավելի նմանվել Նրան, Նա կօրհնի մեզ Իր զորությամբ: Պատմությունն այն մասին, որ Տերը Եղիային երկինք վերցնելուց հետո օրհնում է Եղիսե մարգարեին զորությամբ և իշխանությունով, ցուցադրում այս ճշմարտությունը: Այս դասը կօգնի ուսանողներին հասկանալ, որ Տերը իշխանություն է տալիս այն մարդկանց, որոնց Նա կանչում է, և զորություն է տալիս նրանց, ովքեր ծառայում են արդարորեն:

Ուսանողի նախապատրաստում. ուսանողներին առաջարկեք մտածել այն ժամանակի մասին, երբ իրենք կամ իրենց ծանոթը ծառայել է Եկեղեցու կոչումներում: Ուսանողներին առաջարկեք խորհել հետևյալ հարցի շուրջ. «Ե՞րբ եմ ես տեսել Տիրոջ զորությունը և իշխանությունը՝ Եկեղեցու կոչումները կատարելիս»:

Հնարավոր ուսումնական վարժություններ

Զորության և իշխանության աղբյուրը

A doctor meets with her patients and checks blood pressure.

Կարող եք սկսել դասը՝ քննարկելով, թե որտեղից է գալիս որոշակի բաներ անելու իշխանությունը: Կարող եք դա անել՝ ցուցադրելով մի բժշկի նկար, որը կրում է բժշկական խալաթ կամ գտնվում է բժշկական հաստատությունում (կամ մեկ այլ մասնագետի նկար, որն իշխանություն ունի գործել ի պաշտոնե) և տալով հետևյալ հարցերը:

Որո՞նք են այդ մարդու պարտականությունները:
Ո՞վ է նրան իշխանություն տվել՝ կատարելու իր դերը:
Ինչո՞ւ եք համոզված, որ կարող եք վստահել նրան։

Կարող եք ցուցադրել ժամանակակից մարգարեի նկարը և կրկին տալ արդեն մարգարեին ուղղված նախորդ հարցերը:

Որպեսզի օգնեք ուսանողներին գնահատել, թե ինչ են իրենք հասկանում Տիրոջ զորությամբ և իշխանությունով կոչումներում ծառայելու մասին, առաջարկեք նրանց անել հետևյալը։

Ձեր օրագրում կամ Gospel Library հավելվածի Նշումներ բաժնում պատասխանեք հետևյալ հարցերին։ Ձեր պատասխանների շուրջ մտածելիս լսեք Սուրբ Հոգու տպավորություններն այն մասին, թե ինչ է Տերը ցանկանում, որ դուք հասկանաք Իր զորությամբ և իշխանությունով կոչումներում ծառայելու վերաբերյալ:

Ի՞նչ եմ ես հասկանում կոչումներում ծառայելու համար Տիրոջ զորությունն ու իշխանությունը ստանալու մասին:
Ինչպե՞ս կարող է այդ հասկացողությունն ազդել այն բանի վրա, թե ինչպես եմ ես արձագանքում, երբ ես կամ մեկ ուրիշը կոչում է ստանում Տիրոջից:

Եղիսեն ստանում է Աստծո զորությունն ու իշխանությունը

Կարող եք բացատրել, որ Տերը հայտնել է Եղիային, որ Եղիսեն մարգարե է դառնալու (տես Գ Թագավորների 19․16, 19)։

Ի՞նչ մտահոգություններ կարող էր ունենալ Եղիսեն, երբ պատրաստվում էր ստանալ իր կոչումը Տիրոջից:

Եղիսեն գիտեր, որ Տերը շուտով կվերցնի Եղիային (Դ Թագավորների 2․1–3)։ Եղիայի կյանքի վերջին օրը Եղիսեն քաղաքից քաղաք հետևեց Եղիային, մինչև որ նրանք հասան Հորդանան գետի մոտ։

Որպեսզի օգնեք ուսանողներին բացահայտել, թե ինչ է տեղի ունեցել Հորդանան գետի մոտ, կարող եք դասարանը բաժանել փոքր խմբերի: Գրատախտակին կարող եք նկարել ստորև ներկայացված չորս նկարը կամ մի քանի բառով ամփոփ ներկայացնել դրանցից յուրաքանչյուրը պատահական հերթականությամբ: Յուրաքանչյուր խմբի առաջարկեք կարդալ Դ Թագավորների 2․8–15 հատվածները և դասավորել նկարները կամ իրադարձությունների ամփոփ նկարագրությունը ժամանակագրական հերթականությամբ: Կարող եք բացատրել, որ փարաջան թիկնոց է:

Elijah Power and Authority, holding the mantle

Elijah Power and Authority, riding the chariot

Ինչպե՞ս Տերը ցույց տվեց Եղիսեին և ուրիշներին, որ Ինքը Եղիսեին զորություն և իշխանություն է տվել նրա կոչման մեջ:

Կարող եք բացատրել, որ թիկնոցը, որն օգտագործում էին Եղիան և Եղիսեն, նրանց զորություն և իշխանություն չէր տալիս, այլ ներկայացնում էր Աստծո զորությունն ու իշխանությունը։ Այսօր Եկեղեցում մենք երբեմն մարդու կոչումը կամ իշխանությունն անվանում ենք «թիկնոց»: Օրինակ՝ երբ նոր մարգարեն հաստատվում է որպես Եկեղեցու նախագահ, նա ստանում է իշխանության թիկնոց:

Նաև օգտակար կլինի նշել, որ կոչումներում ծառայելու իշխանությունը գալիս է Տիրոջից՝ քահանայության բանալիները կրող տղամարդկանց միջոցով:
Ի՞նչ ճշմարտություն կարող ենք սովորել Եղիսեի փորձառությունից այն մասին, թե ինչ է Տերը անում այն մարդկանց համար, որոնց կանչում է ծառայելու Իրեն:

Ի հավելումն ուսանողների առաջարկած ճշմարտությունների կարող եք նշել, որ Տերը իշխանություն և զորություն է տալիս այն մարդկանց, որոնց Նա կանչում է։

Ծառայենք Աստծո զորությամբ և իշխանությունով

Որպեսզի օգնեք ուսանողներին հասկանալ, թե ինչ է նշանակում ծառայել կոչումներում Տիրոջ զորությամբ և իշխանությունով, կարող եք գրատախտակին գրել Քահանայության իշխանություն և Քահանայության զորություն արտահայտությունները։ Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույցից կիսվեք հետևյալ արտահայտություններով։ Թեև այս արտահայտություններն ուղղակիորեն վերաբերում են միսիոներական կոչումներին, հիշեցրեք ուսանողներին, որ Տերը իշխանություն է տալիս այն մարդկանց, որոնց նա կանչում է ծառայելու ցանկացած կոչումով, և զորություն է տալիս նրանց, ովքեր արդարորեն ծառայում են Իրեն:

Քրիստոսի ղեկավարությամբ ավետարանը քարոզելու իշխանությունը վերականգնվեց Մարգարե Ջոզեֆ Սմիթի միջոցով: Դուք ստանում եք այս իշխանությունը, երբ ի սպաս եք դրվում որպես միսիոներ: Դրա հետ տրվում է Տիրոջը ներկայացնելու և Նրա ավետարանն ուսուցանելու իրավունքը, արտոնությունը և պատասխանատվությունը: …

Բացի իշխանությունից, ձեր կոչումը կատարելու համար ձեզ անհրաժեշտ է նաև հոգևոր զորություն: Աստված տալիս է հոգևոր զորություն, երբ դուք մշտապես աշխատում եք ամրացնել ձեր վկայությունն Աստծո, Հիսուս Քրիստոսի և ավետարանի ճշմարտությունների մասին, որոնք դուք ուսուցանում եք: Նա հոգևոր զորություն է շնորհում, երբ դուք աղոթում եք, ուսումնասիրում եք սուրբ գրությունները և ձգտում եք իրականացնել ձեր միսիոներական նպատակը: Նա հոգևոր զորություն է տալիս, երբ ձգտում եք պահել Նրա պատվիրանները և ուխտերը, որոնք կապել եք փրկության արարողությունները ստանալիս (տես Վարդապետություն և Ուխտեր 35.24): (Քարոզիր Իմ Ավետարանը. Հիսուս Քրիստոսի Ավետարանով կիսվելու ուղեցույց, [2023], 3)

Ի՞նչ եք սովորում Տիրոջ զորության և իշխանության մասին այս արտահայտություններից:
Ինչո՞ւ է դա օգտակար հիշել, երբ կոչում եք ստանում Երկնային Հորից և Հիսուս Քրիստոսից:
Ինչո՞ւ է դա օգտակար հիշել, երբ աջակցում եք այն մարդկանց, որոնք կոչումներ են ստանում:

Հասկացողություն ցուցաբերեք

Որպեսզի օգնեք ուսանողներին ամփոփ ներկայացնել իրենց սովորածը, դասարանը բաժանեք զույգերի՝ հետևյալ վարժությունը կատարելու համար:

Ընտրեք հետևյալ իրավիճակներից մեկը կամ մի քանիսը և քննարկեք, թե ինչ սովորեցիք այսօր, որը կարող է օգնել մարդուն հաղթահարել կոչման վերաբերյալ իր մտահոգությունները: Յուրաքանչյուր պատասխանում ներառեք սուրբ գրություններ, Եկեղեցու ղեկավարների խոսքեր կամ գաղափարներ, որոնք ստացել եք Հոգուց, երբ ուսումնասիրել եք Եղիսեի ծառայության կանչի պատմությունը:

Կանչվում և հաստատվում է նոր եպիսկոպոս։ Նրա որդին գիտի, որ նա կատարյալ չէ։
Երիտասարդ կանանց նոր նախագահ է կանչվել ծառայելու: Երիտասարդ կինը հիանալի հարաբերություններ ուներ նախորդ նախագահի հետ և ընդհանրապես չի ճանաչում նոր նախագահին։
Երիտասարդ տղամարդը կամ երիտասարդ կինը կանչվում է ծառայելու որպես իրենց քվորումի կամ դասարանի նախագահ: Նրանք համարում են, որ բավականաչափ գիտելիք չունեն՝ այդ կոչումը լավ կատարելու համար:
Միսիոները կանչվում է ծառայելու մի երկրում, որտեղ մարդիկ խոսում են այլ լեզվով: Նա մտահոգված է, թե իրականում որքան արդյունավետ կարող է կիսվել ավետարանով:

Մտածեք, թե ուսանողներն ինչպես կարող են կիսվել իրենց պատասխաններով միմյանց հետ: Եղանակներից մեկն այն է, որ յուրաքանչյուր զույգ կիսվի մեկ այլ խմբի հետ: Երբ բոլորը կիսվելու հնարավորություն ունենան, կարող եք առաջարկել ուսանողներին կիսվել այն ամենով, ինչն իրենց իսկապես դուր է եկել մյուս խմբի պատասխանում:

Եզրափակելով, վկայեք այն ճշմարտությունների մասին, որոնք քննարկեցիք այսօր:

Լրացուցիչ նյութեր

Ի՞նչ անել, եթե ես ինձ անհամապատասխան եմ զգում՝ Տիրոջ կանչով ծառայելու համար:

Առաջին Նախագահությունից նախագահ Հենրի Բ. Այրինգն ուսուցանել է.

15:31

Տերը կմեծացնի այն, ինչ դուք ասում և անում եք այն մարդկանց աչքերում, որոնց ծառայում եք: … Այն, ինչ դուք ասում և անում եք, մարդկանց հույս և ուղղություն կտա, որոնք վեր կլինեն ձեր բնական կարողություններից և անձնական հասկացողությունից: Այդ հրաշքը եղել է Տիրոջ Եկեղեցու հատկանիշներից մեկը յուրաքանչյուր տնտեսության մեջ: («Rise to Your Call», Ensign, նոյ. 2002, 77)

Ի՞նչ է նշանակում ծառայել Աստծո իշխանությունով։

Առաջին Նախագահությունից նախագահ Դալլին Հ. Օուքսը կիսվել է հետևյալ փորձառությամբ.

Եկեղեցու մի անդամ իր հարևանուհու հետ եկավ իմ գրասենյակ: Հարևանուհու ամուսինը բողոքական եկեղեցու ծառայող էր և մեծ համայնք ուներ։ Երկար տարիներ այդ զույգը մեծ ջանասիրությամբ ծառայել էր Տիրոջը իրենց քրիստոնեական ծառայության մեջ: Նա շատ մարդկանց էր մկրտել այդ եկեղեցում:

Վերջին Օրերի Սրբերի իր հարևանների ազդեցության շնորհիվ նա կարդաց Մորմոնի Գիրքը և դարձի եկավ Հիսուս Քրիստոսի Վերջին Օրերի Սրբերի Եկեղեցի: Նա պատրաստ էր հրաժարվել իր ծառայությունից և միանալ վերականգնված Եկեղեցուն: Բայց նախ, նա և իր կինը ցանկացան ստանալ քահանայության իշխանության վերաբերյալ իրենց հարցի պատասխանը: Հիշեցնելով ինձ, որ իր ամուսինը շատ մարդկանց է մկրտել, նրա կինը հարցրեց. «Ուզում եք ասել, որ իմ ամուսինը ոչ մի լիազորություն չունե՞ր մկրտելու բոլոր այն մարդկանց, որոնց մկրտել է»:

Հոգին հուշեց իմ պատասխանը, ինչպես դա լինում է նման իրավիճակներում:

«Ոչ», - ասացի ես։ «Վստահ եմ, որ ձեր ամուսինն իշխանություն ուներ՝ մկրտելու բոլոր այն մարդկանց, որոնց մկրտել է: Նա ուներ ամբողջ իշխանությունը, որը կարող էր տալ իր եկեղեցին: Նա կարող էր ամուսնության արարողություններ կատարել: Նա կարող էր մարդկանց դարձնել համայնքի անդամներ։ Նա կարող էր աշխատակից վարձել՝ ձեր եկեղեցու վրա նոր տանիք դնելու համար: Բայց դա այն իշխանությունը չէ, որը մենք քննարկում ենք: Ձեր հարցում հնչած իշխանությունն այն իշխանությունն է, որը Հիսուսը տվել է Պետրոսին․ ինչ որ նա կապել է երկրի վրա, կապված կլինի երկնքում (տես Մատթեոս 16․19)։ Եվ քանի որ այդ աստվածային իշխանությունը պետք է կապված լինի Առաքյալների հետ, այն գոյություն ունի միայն Հիսուս Քրիստոսի Վերջին Օրերի Սրբերի Եկեղեցում»: («The Sure Witness of Modern Prophets», Լիահոնա, հոկտ. 2023, 5)

Արդյո՞ք կանայք ունեն քահանայության զորություն և իշխանություն իրենց կոչումներում:

Սփոփող Միության նախկին գերագույն նախագահ քույր Ջին Բ. Բինգհեմն ուսուցանել է.

Վերջերս մեզ ուսուցանեցին, որ այն կանայք, որոնք ի սպաս են դրվել քահանայության բանալիներ կրող մի անձի ղեկավարության ներքո, գործում են քահանայության իշխանությամբ իրենց կոչումներում: …

Չնայած կանայք քահանայության պաշտոնի չեն ձեռնադրվում, … կանայք օրհնված են քահանայության զորությամբ, քանի դեռ պահում են իրենց ուխտերը և գործում են քահանայության իշխանությամբ, երբ ի սպաս են դրվում որևէ կոչման: («Միավորվել` Աստծո աշխատանքը կատարելիս», Լիահոնա, մայիս 2020, 60-63)

Լրացուցիչ ուսումնական վարժություններ

Ազատումը կոչումից

Որպեսզի օգնեք ուսանողներին հասկանալ, որ Տերը իշխանություն է տալիս նրանց, ում Նա կանչում է և զորություն նրանց, ովքեր պահում են իրենց ուխտերը, կարող եք խնդրել ուսանողներին մտածել այն ժամանակի մասին, երբ իրենք կամ իրենց ծանոթ մարդն ազատվել է կոչումից:

Ապա կիսվեք Առաջին Նախագահությունից նախագահ Հենրի Բ. Այրինգի հետևյալ տեսանյութով։

15:31

Ի՞նչ է այն մեզ ուսուցանում այն իշխանության և զորության մասին, որն ունեն մարդիկ՝ Տիրոջ կոչման մեջ ծառայելիս:

Հավատք Տիրոջ մարգարեի հանդեպ

Տերը Իր կողմից ընտրված մարգարեներին զորություն և իշխանություն է տալիս Իր նպատակները կատարելու համար: Որպեսզի օգնեք ուսանողներին հասկանալ Տիրոջ մարգարեի հանդեպ հավատք դրսևորելու կարևորությունը, կարող եք կիսվել պատմությունով, որտեղ նկարագրված է, թե ինչպես է Եղիսեն բազմացնում այրի կնոջ կերակրի յուղը՝ նրա ընտանիքը փրկելու համար:

Ուսանողներին առաջարկեք կարդալ Դ Թագավորների 4․1–7 հատվածները՝ փնտրելով, թե Եղիսեն ինչ ասաց կնոջը։ Կարող եք հարցնել ուսանողներին, թե ինչ արեց կինը՝ հավատք դրսևորելու Եղիսեի խորհրդի հանդեպ, և ինչ կարող ենք սովորել Տիրոջ մասին կնոջ ստացած օրհնությունից:

Կարող եք կիսվել նախագահ Ռասսել Մ. Նելսոնի հետևյալ խորհրդով և ուսանողներին հարցնել, թե ինչ են սովորում այն մասին, թե ինչպես գործել հավատքով՝ հետևելով Տիրոջ մարգարեի խորհրդին:

Դուք գուցե ոչ միշտ հասկանաք ապրող մարգարեի յուրաքանչյուր հայտարարությունը: Բայց, երբ գիտեք, որ մարգարեն մարգարե է, կարող եք մոտենալ Տիրոջը խոնարհությամբ և հավատքով և խնդրել ձեր անձնական վկայությունը այն ամենի վերաբերյալ, ինչ Իր մարգարեն հրապարակել է: («Stand as True Millennials», Լիահոնա, հոկ. 2016, 53)