Kërkojeni Shpirtin dhe Mbështetuni tek Ai

“Të gjithë duhet ta predikojnë Ungjillin, me anë të fuqisë dhe ndikimit të Frymës së Shenjtë; dhe asnjë njeri nuk mund ta predikojë Ungjillin pa Frymën e Shenjtë.” (Mësimet e Presidentëve të Kishës: Jozef Smith [2009], f. 355)

• Si mendon, përse Fryma e Shenjtë luan një rol kaq të rëndësishëm në predikimin e ungjillit të Jezu Krishtit?

1. Studio paragrafët nën titujt “Kërkoni Udhërrëfimin e Frymës së Shenjtë” dhe “Fuqia e Shpirtit për Kthimin në Besim” (Predikoni Ungjillin Tim, f. 97; 99–100).

2. Studio të paktën dy prej fragmenteve të renditura te kutia “Studimi i Shkrimeve të Shenjta” nën titullin “Fuqia e Shpirtit për Kthimin në Besim” (Predikoni Ungjillin Tim, f. 100).

3. Bazuar tek ato që mëson, përgatitu të japësh përgjigjet e tua për pyetjet vijuese:

   • Si mund të më ndihmojë Fryma e Shenjtë ta predikoj ungjillin e Shpëtimtarit?

   • Çfarë roli luan Fryma e Shenjtë për t’i ndihmuar njerëzit të vijnë te Krishti?

   • Çfarë mund të bëj për ta ftuar Shpirtin kur e shpërndaj ungjillin e Jezu Krishtit?

1. Trego përgjigjet e tua për tri pyetjet nga veprimtaria e mëparshme e studimit:

   1. Si mund të më ndihmojë Fryma e Shenjtë ta predikoj ungjillin e Shpëtimtarit?

   2. Çfarë roli luan Fryma e Shenjtë për t’i ndihmuar njerëzit të vijnë te Krishti?

   3. Çfarë mund të bëj për ta ftuar Shpirtin kur e shpërndaj ungjillin e Jezu Krishtit?

2. Trego një shkrim të shenjtë që gjete. Shpjego se si ky shkrim i shenjtë lidhet me njërën nga tri pyetjet e diskutuara më parë.

3. Trego një përvojë vetjake ose jep dëshminë tënde rreth mënyrave se si mund të na ndihmojë Fryma e Shenjtë.

Vendos një synim që lidhet me ato që ke studiuar. Përdor ide si ato në vijim ose mendo për ide të tuat.

• Duke përdorur mjete të studimit si Udhëzuesi për Shkrimet e Shenjta, studio më shumë për rolet e ndryshme të Frymës së Shenjtë. Merr parasysh se si Fryma e Shenjtë mund të të ndihmojë qoftë tani, qoftë si misionar/e.

• Përcakto se çfarë përshtatjesh mund të bësh që do ta ftonin më rregullisht Frymën e Shenjtë në jetën tënde.

Përfytyro sikur dikush të pyeti se si të kuptohet dallimi mes nxitjeve nga Fryma e Shenjtë dhe mendimeve e ndjenjave vetjake.

• Si do t’i përgjigjeshe?

Zgjidh një prej mundësive vijuese të studimit nga kapitulli 4 i manualit Predikoni Ungjillin Tim që ta thellosh kuptueshmërinë për dallimin e Frymës së Shenjtë:

1. Studioje pjesën “Mësoni të Dalloni Nxitjet e Shpirtit” (Predikoni Ungjillin Tim, f. 102–103).

2. Lexo përshkrimet për Frymën e Shenjtë te kutia “Studimi Vetjak” (Predikoni Ungjillin Tim, f. 103–104). Studio disa prej shkrimeve të shenjta të renditura të cilat të duken veçanërisht interesante.

• Çfarë idesh të erdhën rreth mënyrave se si Perëndia komunikon me ne nëpërmjet Frymës së Shenjtë?

• Cilët shembuj mendon se i përshkruajnë përvojat e tua vetjake me Frymën e Shenjtë?

1. Një person po kërkon udhërrëfim dhe drejtim për diçka që është e rëndësishme për të. Ai apo ajo lutet dhe i kërkon Atit Qiellor që t’i japë përgjigje brenda javës.

2. Ti vë re që, kur të tjerët e ndiejnë Shpirtin, bëhen më emocionalë se ty. Pyet veten a mund të ketë diçka që nuk shkon me ty.

3. Një person ndien se ka marrë udhërrëfim nga Shpirti për të bërë diçka që bie në kundërshtim me mësimet e profetëve dhe apostujve.

4. Një ri dhe e re kanë dalë në takime serioze romantike. Një ditë, ai i thotë asaj: “Kam marrë frymëzim që duhet të martohesh me mua”.

5. Një person është pranuar në dy universitete të ndryshme. Pavarësisht nga agjërimi dhe lutja, ai apo ajo nuk e ndien se Zoti po i tregon se cilën shkollë të frekuentojë.

Vendos një synim që lidhet me ato që ke studiuar. Përdor ide si ato në vijim ose mendo për ide të tuat.

• Në ditët në vijim, kushtoju vëmendje të madhe mënyrave të ndryshme se si e ndien Frymën e Shenjtë të të udhërrëfejë ose se si i përjeton frytet e Shpirtit (shih te Galatasve 5:22–23). Mbaji shënim përvojat e tua.

• Studioje secilin shkrim të shenjtë që renditet te kutia “Studimi Vetjak” në faqet 103–104 të manualit Predikoni Ungjillin Tim. Mbaji shënim idetë që të vijnë për mënyrën se si ta ndiesh dhe dallosh Shpirtin.

“Vëllezërit dhe motrat e mia të dashura, ju lutem që ta rritni aftësinë tuaj shpirtërore për të marrë zbulesë. … Zgjidhni të bëni punën shpirtërore që kërkohet për ta pasur dhuratën e Frymës së Shenjtë dhe për ta dëgjuar zërin e Shpirtit më shpesh e më qartë.” (“Zbulesë për Kishën, Zbulesë për Jetën Tonë”, Liahona, maj 2018, f. 96)

• Përse mendon se është e rëndësishme të marrësh udhërrëfim dhe zbulesë në mënyrë të shpeshtë nga Fryma e Shenjtë?

Lexoje pjesën e titulluar “Mbështetuni te Shpirti” te manuali Predikoni Ungjillin Tim (faqet 104–105). Kërko arsyet përse është e rëndësishme që të kesh shoqërimin e Shpirtit kur bën punën e Zotit.

• Çfarë mësove rreth arsyeve përse është e rëndësishme të mbështetesh te Fryma e Shenjtë?

• Çfarë mund ta pengojë mbështetjen në mënyrë të plotë te Shpirti?

• Çfarë të ka ndihmuar ta ndiesh më shumë ndikimin e Shpirtit në jetën tënde?

Përfytyro sikur je një misionar/e i/e ri/e dhe të kanë ftuar të japësh një bisedë me temën “Si Mund të Mbështetemi më Shumë te Fryma e Shenjtë?” në mbledhjen e radhës të distriktit tënd. Duke përdorur kutinë “Studimi i Shkrimeve të Shenjta” në fund të pjesës “Mbështetuni te Shpirti” (Predikoni Ungjillin Tim, f. 104–105), përgatit një bisedë prej dy apo tri minutash që e trajton këtë pyetje. Mbaji shënim parimet dhe idetë që dëshiron t’i japësh në bisedën tënde.

Vendos një synim që lidhet me ato që ke studiuar. Përdor ide si ato në vijim ose mendo për ide të tuat.

• Mëso përmendsh një shkrim të shenjtë rreth Frymës së Shenjtë, të tillë si një nga këto: 1 Nefi 4:6; 2 Nefi 32:5; Moroni 10:5 ose Doktrina e Besëlidhje 8:2.

• Përcakto se çfarë mund të fillosh të bësh dhe çfarë mund të ndalosh së bëri për të të ndihmuar ta kesh më shpesh Frymën e Shenjtë me vete.