មគ្គុទេ្ទសក៍សម្រាប់បង្រៀនថ្នាក់ការរៀបចំខ្លួនធ្វើជាអ្នកផ្សព្វផ្សាយសាសនា

សូមស្វាគមន៍មកកាន់ថ្នាក់ការរៀបចំខ្លួនធ្វើជាអ្នកផ្សព្វផ្សាយសាសនា ! វគ្គសិក្សានេះអាចដើរតួនាទីយ៉ាងសំខាន់នៅក្នុងជីវិតរបស់យុវវ័យ និងយុវមជ្ឈិមវ័យដែលកំពុងរៀបចំខ្លួនសម្រាប់ការបម្រើបេសកកម្ម ។ វាក៏អាចប្រទានពរផងដែរដល់យុវវ័យដែលមិនមានគម្រោងបម្រើបេសកកម្ម ប៉ុន្តែចង់បង្កើនសមត្ថភាពរបស់ពួកគេក្នុងការចែកចាយដំណឹងល្អរបស់ព្រះយេស៊ូវគ្រីស្ទ ។

គោលបំណងរបស់អ្នកផ្សព្វផ្សាយសាសនា គឺដើម្បី « អញ្ជើញមនុស្សដទៃមកកាន់ព្រះគ្រីស្ទ ដោយការជួយពួកគេឲ្យទទួលយកដំណឹងល្អដែលបានស្ដារឡើងវិញ តាមរយៈសេចក្ដីជំនឿនៅលើព្រះយេស៊ូវគ្រីស្ទ និងដង្វាយធួនរបស់ទ្រង់ ការប្រែចិត្ត ការទទួលបុណ្យជ្រមុជទឹក ការទទួលអំណោយទាននៃព្រះវិញ្ញាណបរិសុទ្ធ និងការកាន់ខ្ជាប់ដរាបដល់ចុងបំផុត » ( ប្រកាសដំណឹងល្អរបស់យើង [ ឆ្នាំ២០២៣ ] ទំព័រ ១ ) ។ គោលបំណងនេះគឺជារបៀបដែលយើងប្រមូលផ្តុំពួកសាសន៍អ៊ីស្រាអែល ហើយវាជាការទទួលខុសត្រូវរបស់សមាជិកម្នាក់ៗនៃសាសនាចក្រ ។

តើថ្នាក់នេះអាចប្រទានពរដល់យុវវ័យ និងយុវមជ្ឈិមវ័យបានយ៉ាងដូចម្តេច ?

អ្វីៗគ្រប់យ៉ាងនៅក្នុងវគ្គសិក្សានេះ គឺមានគោលបំណងដើម្បីជួយសិស្សពង្រឹងការប្រែចិត្តជឿរបស់ពួកគេទៅលើព្រះយេស៊ូវគ្រីស្ទ និងដំណឹងល្អដែលបានស្តារឡើងវិញរបស់ទ្រង់ ។ ជាមួយនឹងការប្រែចិត្តជឿនាំមកនូវការកើនឡើងនូវបំណងប្រាថ្នា និងសមត្ថភាពដើម្បីចែកចាយដំណឹងល្អរបស់ព្រះយេស៊ូវគ្រីស្ទជាមួយនឹងអ្នកដទៃ ។ ដើម្បីបង្កើតលក្ខខណ្ឌដែលចិញ្ចឹមបីបាច់ការប្រែចិត្តជឿ សមាជិកក្នុងថ្នាក់នឹងត្រូវបានអញ្ជើញឲ្យ ៖

ជ្រមុជខ្លួនរបស់ពួកគេទៅក្នុង ប្រកាសដំណឹងល្អរបស់យើង ដើម្បីពួកគេអាចទទួលបានបទពិសោធន៍អំពីថាមពល និងសារៈសំខាន់នៃសៀវភៅណែនាំនេះ ។ ពួកគេក៏នឹងត្រូវបានណែនាំសៀវភៅ ការសម្របខ្លួនទៅនឹងជីវិតអ្នកផ្សព្វផ្សាយសាសនា ( ឆ្នាំ២០១៣ ) ផងដែរ ។
រៀនអំពីគោលបំណងរបស់អ្នកផ្សព្វផ្សាយសាសនា ( សូមមើល ប្រកាសដំណឹងល្អរបស់យើង, ទំព័រ ១ ) និងមើលពីរបៀបដែលវាណែនាំដល់ពួកគេ ទាំងនៅក្នុងជិវិតរស់នៅសព្វថ្ងៃ និងនៅក្នុងគ្រប់ទិដ្ឋភាពនៃកិច្ចការផ្សព្វផ្សាយសាសនាទាំងអស់របស់ពួកគេ ។
ធ្វើការតាំងចិត្តដែលនឹងជួយពួកគេឲ្យរស់នៅតាមដំណឹងល្អរបស់ព្រះយេស៊ូវគ្រីស្ទ រៀបចំខ្លួនសម្រាប់ការបម្រើបេសកកម្ម និងចែកចាយដំណឹងល្អរបស់ព្រះអង្គសង្គ្រោះជាមួយក្រុមគ្រួសារ និង មិត្តភក្តិ ។
រៀន និងអនុវត្តការបង្រៀនអំពីសេចក្តីពិត ដែលមាននៅក្នុង ជំពូកទី ៣ នៃ ប្រកាសដំណឹងល្អរបស់យើង ។
ការអនុវត្តជំនាញដែលអាចជួយពួកគេឲ្យក្លាយជាគ្រូបង្រៀនដំណឹងល្អដ៏ប្រសើរ និងមានការអត់ធ្មត់ខាងអារម្មណ៍ច្រើនជាងមុន ។

តើសម្ភារវគ្គសិក្សាត្រូវបានរៀបចំយ៉ាងដូចម្តេច ?

សៀវភៅណែនាំនេះ រួមបញ្ចូលបទពិសោធន៍សិក្សាពីរប្រភេទ ៖ មេរៀនចម្បង និងការអនុវត្តជំនាញទាំងឡាយ ។

មេរៀនចម្បង

មេរៀនចម្បងគឺជាធនធានដ៏សំខាន់សម្រាប់វគ្គសិក្សានេះ ។ មេរៀនទាំងនេះផ្តោតទៅលើជំពូកទី ១-៦ និង ១១ នៃ ប្រកាសដំណឹងល្អរបស់យើង ។ ជំពូកទាំងនេះគឺពាក់ព័ន្ធបំផុតសម្រាប់យុវវ័យ និងយុវមជ្ឈិមវ័យដែលបច្ចុប្បន្ននេះមិនកំពុងបម្រើបេសកកម្ម ។

ខាងក្រោមនេះគឺជាបញ្ជីនៃមេរៀនចម្បង ៖

មេរៀនទី ១ ៖ យើងអញ្ជើញមនុស្សដទៃមកកាន់ព្រះគ្រីស្ទ
មេរៀនទី ២ ៖ សេចក្ដីណែនាំអំពី ប្រកាសដំណឹងល្អរបស់យើង
មេរៀនទី ៣ ៖ បំពេញគោលបំណងជាអ្នកផ្សព្វផ្សាយសាសនារបស់អ្នក ( ប្រកាសដំណឹងល្អរបស់យើង ជំពូកទី ១ )
មេរៀនទី ៤ ៖ ស្រាវជ្រាវបទគម្ពីរ ហើយពាក់គ្រឿងសឹករបស់ព្រះ ( ប្រកាសដំណឹងល្អរបស់យើង, ជំពូកទី ២ )
មេរៀនទី ៥៖ សិក្សា និងបង្រៀនអំពីដំណឹងល្អនៃព្រះយេស៊ូវគ្រីស្ទ ( ប្រកាសដំណឹងល្អរបស់យើង, ជំពូកទី ៣ )
មេរៀនទី ៦ ៖ អនុវត្តការបង្រៀន ( ជំនួយសម្រាប់ការបង្រៀនមេរៀនមកពី ជំពូកទី ៣ នៃ ប្រកាសដំណឹងល្អរបស់យើង )
មេរៀនទី ៧ ៖ ការអញ្ជើញឲ្យទទួលពិធីបុណ្យជ្រមុជទឹក និងពិធីបញ្ជាក់ ( ប្រកាសដំណឹងល្អរបស់យើង, ជំពូកទី ៣ )
ជំពូកទី ៨ ៖ ស្វែងរក និងពឹងផ្អែកលើព្រះវិញ្ញាណ ( ប្រកាសដំណឹងល្អរបស់យើង, ជំពូកទី ៤ )
មេរៀនទី ៩ ៖ ប្រើឥទ្ធិពលនៃព្រះគម្ពីរមរមន ( ប្រកាសដំណឹងល្អរបស់យើង, ជំពូកទី ៥ )
មេរៀនទី ១០ ៖ ស្វែងរកគុណលក្ខណៈដូចជាព្រះគ្រីស្ទ ( ប្រកាសដំណឹងល្អរបស់យើង, ជំពូកទី ៦ )
មេរៀនទី ១១ ៖ ជួយមនុស្សឲ្យធ្វើ និងរក្សាការតាំងចិត្ត ( ប្រកាសដំណឹងល្អរបស់យើង, ជំពូកទី ១១ )
មេរៀនទី ១២ ៖ ការសម្របខ្លួនទៅនឹងជីវិតជាអ្នកផ្សព្វផ្សាយសាសនា
មេរៀនទី ១៣ ៖ ឆ្ពោះទៅមុខដោយសេចក្តីជំនឿ

សារៈសំខាន់នៃជំពូកទី ៣

មេរៀនចម្បងចំនួនបីផ្តោតលើ ជំពូកទី ៣ នៃ ប្រកាសដំណឹងល្អរបស់យើង ។ ជំពូកនេះមានមេរៀនទាំងបួនដែលអ្នកផ្សព្វផ្សាយសាសនាបង្រៀន ព្រមទាំងផ្នែកមួយអំពីការអញ្ជើញឲ្យទទួលបុណ្យជ្រមុជទឹក និងពិធីបញ្ជាក់ ។ សូមធ្វើឲ្យការសិក្សានៃ ជំពូកទី ៣ ជាអាទិភាពខ្ពស់ ។

មេរៀនទី ៦ ៖ « អនុវត្តការបង្រៀន » ជួយសមាជិកក្នុងថ្នាក់រៀន និងបង្រៀនចេញពីមេរៀនក្នុង ជំពូកទី ៣ ។ អ្នកអាចចំណាយពេលច្រើនជាងរយៈពេលមួយមេរៀន សម្រាប់មេរៀននេះ ។ អ្នកក៏អាចយកផ្នែកខ្លះនៃពេលវេលាពីម៉ោងរៀនផ្សេងទៀតដោយប្រើគំនិតមកពី មេរៀនទី ៦ ។ ការធ្វើដូច្នេះនឹងផ្តល់ឱកាសម្តងហើយម្តងទៀតដល់សមាជិកក្នុងថ្នាក់ដើម្បី សិក្សា រៀនសូត្រ បង្រៀន និងរស់នៅតាមគោលការណ៍មកពី ជំពូកទី ៣ នៃ ប្រកាសដំណឹងល្អរបស់យើង ។

ការរៀបចំមេរៀនចម្បង

មេរៀនចម្បងអញ្ជើញអ្នកចូលរួមឲ្យរៀនដោយសេចក្តីជំនឿ ដើម្បីពួកគេអាចពង្រឹងការប្រែចិត្តជឿរបស់ពួកគេចំពោះព្រះយេស៊ូវគ្រីស្ទ ។ ការរៀនដោយសេចក្តីជំនឿទាមទារឲ្យមានការខិតខំប្រឹងប្រែង និងមានសកម្មភាព ។ សូមពិចារណាពីរបៀបដែលធាតុទាំងឡាយដែលបានរចនាឡើងខាងក្រោមអាចជួយសមាជិកក្នុងថ្នាក់របស់អ្នករៀនដោយសេចក្តីជំនឿ និងខិតកាន់តែជិតព្រះអង្គសង្គ្រោះ ។

ពិនិត្យមើល និង តាមដាន

នៅដើមនៃមេរៀននីមួយៗ សិស្សឆ្លុះបញ្ចាំងពីការតាំងចិត្តដែលពួកគេបានធ្វើនៅក្នុងថ្នាក់មុនៗ ។ សូមប្រើការណ៍នេះជាឱកាសមួយដើម្បីជួយសមាជិកក្នុងថ្នាក់ស្គាល់នូវការរីកចម្រើនខាងវិញ្ញាណរបស់ពួកគេ ។

ជម្រើសសកម្មភាពសិក្សា

មេរៀនចម្បងភាគច្រើន រួមមានជម្រើសសកម្មភាពរៀនសូត្រច្រើន ។ វាយតម្លៃតម្រូវការរបស់សមាជិកក្នុងថ្នាក់របស់អ្នក និងស្វែងរកការណែនាំមកពីព្រះវិញ្ញាណបរិសុទ្ធ ពេលអ្នកជ្រើសរើសសកម្មភាពសិក្សាដែលអ្នកនឹងប្រើ ។ អ្នកក៏អាចសួរសមាជិកក្នុងថ្នាក់ថា តើមេរៀន និងសកម្មភាពសិក្សាណាដែលនឹងផ្តល់អត្ថប្រយោជន៍ដល់ពួកគេច្រើនបំផុត ។

អ្នកមិនចាំបាច់ប្រើជម្រើសសកម្មភាពរៀនសូត្រទាំងអស់នៅក្នុងមេរៀន សម្រាប់ក្នុងថ្នាក់មួយពេលនោះទេ ។ ផ្តោតលើការប្រែចិត្តជឿ មិនមែនផ្តោតលើការបញ្ចប់មេរៀននោះទេ ។ ប្រសិនបើល្បឿនកាលវិភាគរបស់អ្នកអនុញ្ញាត អ្នកអាចចំណាយពេលច្រើនជាងមួយពេលថ្នាក់រៀនដើម្បីផ្តោតលើសកម្មភាពសិក្សាផ្សេងៗទៀត ។

សកម្មភាពរៀនសូត្រនីមួយៗមានផ្នែកទាំងនេះ ៖

សិក្សា ។ យោបល់ដើម្បីឲ្យសិស្សចូលរួមក្នុងការសិក្សា ដែលលើកទឹកចិត្តដល់សកម្មភាពដែលបំផុសដោយសេចក្ដីជំនឿ ដូចជា ការអាន ការស្រាវជ្រាវ ការផ្តោតសំខាន់ ការជញ្ជឹងគិត ការកត់ត្រា ការពិភាក្សា និងការធ្វើទីបន្ទាល់ ។
អនុវត្ត ។ យោបល់ដើម្បីជួយសមាជិកក្នុងថ្នាក់យកអ្វីដែលពួកគេបានរៀនទៅអនុវត្ត ។ ការណ៍នេះជាធម្មតាពាក់ព័ន្ធនឹងការសង្ខេប ការពន្យល់ និង ការបង្រៀន ។
ដាក់គោលដៅមួយ ។ ពេលវេលាដែលបានកំណត់សម្រាប់សមាជិកក្នុងថ្នាក់ ដើម្បីវាយតម្លៃពីអ្វីដែលពួកគេបានរៀន និងការតាំងចិត្តអ្វីដែលពួកគេអាចធ្វើដើម្បីរៀន រីកចម្រើន និង កែលម្អ ។ អ្នកអាចអញ្ជើញសិស្សឲ្យយកកំណត់ហេតុការសិក្សាផ្ទាល់ខ្លួនមក ដើម្បីកត់ត្រាគោលដៅរបស់ពួកគេពេញមួយវគ្គសិក្សានេះ ។

សេចក្តីណែនាំសម្រាប់គ្រូបង្រៀន ឬអ្នកដឹកនាំការពិភាក្សានៅក្នុងមេរៀន

សកម្មភាពសិក្សាជារឿយៗនឹងត្រូវបានដឹកនាំដោយគ្រូបង្រៀនម្នាក់ ។ ទោះជាយ៉ាងណាក៏ដោយ អាចមានកាលៈទេសៈមួយចំនួន ដែលសកម្មភាពរៀនសូត្រត្រូវបានប្រើដោយអ្នកដឹកនាំសាសនាចក្រ ឪពុកឬម្តាយ យុវមជ្ឈិមវ័យឬយុវវ័យ ។ ដើម្បីឆ្លុះបញ្ចាំងពីលទ្ធភាពទាំងនេះ មេរៀនរួមមានប្រអប់ណែនាំដែលមានស្លាក « ការពិភាក្សាអ្នកដឹកនាំ » ។

អ្នកដឹកនាំការពិភាក្សា ៖ សូមទុកពេលដល់សមាជិកក្នុងថ្នាក់ដើម្បីជញ្ជឺងគិតពីអ្វី ដែលពួកគេបានរៀននៅថ្ងៃនេះ និងដាក់គោលដៅ ។ អ្នកអាចបង្ហាញសេចក្តីណែនាំខាងក្រោមនេះដើម្បីជួយពួកគេ ៖

ការណែនាំទាំងនេះអាចណែនាំគ្រូបង្រៀន ឬអ្នកដឹកនាំការពិភាក្សាក្នុងការរៀបចំ និងការបង្រៀនរបស់ពួកគេ ។

ការអនុវត្តជំនាញទាំងឡាយ

វគ្គសិក្សានេះរួមបញ្ចូលទាំងការអនុវត្តជំនាញចំនួន ១០ នៅខាងចុងបញ្ចប់នៃសៀវភៅសិក្សានេះ ។ ការអនុវត្តជំនាញទាំងឡាយត្រូវបានរចនាឡើង ដើម្បីជួយសិស្សអភិវឌ្ឍជំនាញសម្រាប់ការបង្រៀនប្រកបដោយប្រសិទ្ធភាព និងការធន់ខាងសតិអារម្មណ៍ ។

ខាងក្រោមនេះគឺជាបញ្ជីនៃការអនុវត្តជំនាញទាំងឡាយ ៖

ការអនុវត្តជំនាញទី ១ ៖ ណែនាំព្រះគម្ពីរមរមនដល់មនុស្សទូទៅ
ការអនុវត្តជំនាញទី ២ ៖ ប្រើប្រាស់ព្រះគម្ពីរក្នុងការបង្រៀនរបស់អ្នក
ការអនុវត្តជំនាញទី ៣ ៖ បង្រៀនមនុស្សអំពីរបៀបអធិស្ឋាន
ការអនុវត្តជំនាញទី ៤ ៖ សួរសំណួរដែលបំផុសគំនិត
ការអនុវត្តជំនាញទី ៥ ៖ ព្យាយាមទន្ទេញបទគម្ពីរ
ការអនុវត្តជំនាញទី ៦ ៖ និយាយជាមួយមនុស្សគ្រប់គ្នា
ការអនុវត្តជំនាញទី ៧ ៖ ឆ្លើយតបទៅនឹងអារម្មណ៍នៃភាពមិនល្អគ្រប់គ្រាន់
ការអនុវត្តជំនាញទី ៨ ៖ ការដកដង្ហើមវែងៗ
ការអនុវត្តជំនាញទី ៩ ៖ ប្រើប្រាស់បច្ចេកវិទ្យាប្រកបដោយសេចក្តីសុចរិត
ការអនុវត្តជំនាញទី ១០ ៖ បង្កើតទម្លាប់គិតវិជ្ជមាន

ការអនុវត្តជំនាញទាំងឡាយអាចត្រូវបានបង្រៀនក្នុងអំឡុងពេលថ្នាក់រៀន ដូចគ្នានឹងមេរៀនចម្បងដែរ ។ មេរៀនចម្បងមួយចំនួនផ្តល់នូវការណែនាំអំពីការអនុវត្តជំនាញទាំងឡាយដែលពាក់ព័ន្ធ ។

ការអនុវត្តជំនាញទាំងឡយត្រូវបានរចនាឡើងដើម្បីចំណាយពេលប្រហែល ១៥ ទៅ ២០នាទី ប៉ុន្តែអ្នកអាចបត់បែនវាវែងជាង ឬខ្លីជាងនេះបាន ។ អ្នកមិនចាំបាច់បង្រៀនរាល់ការអនុវត្តជំនាញទាំងឡាយទេ ហើយអ្នកអាចបង្រៀនជំនាញនោះតាមលំដាប់ណាមួយក៏បាន ។ ខណៈពេលដែលការអនុវត្តជំនាញទាំងឡាយមានសារៈសំខាន់ ពេលវេលាភាគច្រើននៃការបង្រៀនរបស់អ្នកពេញមួយវគ្គសិក្សា គួរតែត្រូវបានប្រើសម្រាប់មេរៀនចម្បង ។

តើនរណាអាចទទួលបានអត្ថប្រយោជន៍មកពីការចូលរួមវគ្គសិក្សានេះ ?

ខណៈពេលដែលសិស្សជាច្រើនដែលចូលរួមថ្នាក់នេះនឹងរៀបចំសម្រាប់បេសកកម្មផ្នែកបង្រៀន អ្នកខ្លះអាចនឹងរៀបចំសម្រាប់បេសកកម្មផ្នែកសេវាកម្ម ។ អ្នកផ្សេងទៀតប្រហែលជាមិនមានគម្រោងបម្រើបេសកកម្មពេញម៉ោងទេ ប៉ុន្តែមានបំណងចង់រៀនពីរបៀបចែកចាយដំណឹងល្អកាន់តែមានប្រសិទ្ធភាព និងជួយប្រមូលផ្តុំអ៊ីស្រាអែល ។ ត្រូវដឹងអំពីតម្រូវការរបស់អ្នកចូលរួមទាំងអស់ មិនមែនដឹងត្រឹមតែអ្នកដែលរៀបចំខ្លួនសម្រាប់បេសកកម្មផ្នែកបង្រៀនតែប៉ុណ្ណោះទេ ។ រកមើលឱកាសដើម្បីជួយសិស្សទាំងអស់មើលឃើញពីពរជ័យ និងអត្ថប្រយោជន៍នៃវគ្គសិក្សានេះ ។ ឧទាហរណ៍ អ្នកអាចចំណាយពេលខ្លះក្នុងអំឡុងពេលវគ្គសិក្សាដើម្បីពិនិត្យមើលឱកាស និងពរជ័យនៃបេសកកម្មផ្នែកសេវាកម្ម ( សូមមើល ChurchofJesusChrist.org/service-missionary សម្រាប់ព័ត៌មានបន្ថែម ) ។

តើសមាជិកក្នុងថ្នាក់អាចទទួលបានក្រេឌីតថ្នាក់វិទ្យាស្ថានសម្រាប់វគ្គសិក្សានេះដែរឬទេ ?

សម្រាប់ព័ត៌មានអំពីរបៀបទទួលបានក្រេឌីតដើម្បីបញ្ចប់ការសិក្សាថ្នាក់វិទ្យាស្ថាន ឬក្រេឌីតដែលអាចផ្ទេរទៅសាលាសាសនាចក្រ សូមមើល InstituteCredit.ChurchofJesusChrist.org ។

តើខ្ញុំអាចរៀបចំវគ្គសិក្សានេះបានល្អបំផុត សម្រាប់មនុស្សដែលចូលរួមថ្នាក់របស់ខ្ញុំដោយរបៀបណា ?

វគ្គសិក្សានេះមានភាពបត់បែន ។ វាអាចត្រូវបានប្រើប្រាស់ដោយ សាខា វួដ ស្តេក និងថ្នាក់វិទ្យាស្ថាន ។ វាអាចត្រូវបានប្រើប្រាស់ដោយថ្នាក់មួយ ដែលមានរយៈពេលត្រឹមតែពីរបីសប្តាហ៍ប៉ុណ្ណោះ ឬសម្រាប់ថ្នាក់មួយដែលអាចមានរហូតដល់បីបួនខែ ។ វាក៏អាចត្រូវបានកែសម្រួលសម្រាប់ការប្រើប្រាស់នៅផ្ទះផងដែរ ។

តារាងខាងក្រោមបង្ហាញពីរបៀបដែលថ្នាក់មានរយៈពេល ៥០ នាទី អាចត្រូវបានរៀបចំឡើង ៖

ថ្នាក់ដែលមានរយៈពេល ៥០ នាទី	ថ្នាក់ដែលមានរយៈពេល ៥០ នាទី	ថ្នាក់ដែលមានរយៈពេល ៥០ នាទី
ថ្នាក់ដែលមានរយៈពេល ៥០ នាទី ពិនិត្យមើល និង តាមដាន ៥ នាទី	ថ្នាក់ដែលមានរយៈពេល ៥០ នាទី សកម្មភាពរៀនសូត្រមួយ ៣០ នាទី	ថ្នាក់ដែលមានរយៈពេល ៥០ នាទី ការអនុវត្តជំនាញ ១៥ នាទី

ថ្នាក់ដែលមានរយៈពេល ៥០ នាទី

ពិនិត្យមើល និង តាមដាន

៥ នាទី

ថ្នាក់ដែលមានរយៈពេល ៥០ នាទី

សកម្មភាពរៀនសូត្រមួយ

៣០ នាទី

ថ្នាក់ដែលមានរយៈពេល ៥០ នាទី

ការអនុវត្តជំនាញ

១៥ នាទី

ថ្នាក់ដែលជួបគ្នាបីបួនខែ មេរៀនមួយអាចចំណាយពេលច្រើនជាងមួយពេលថ្នាក់រៀន ។

ថ្នាក់ដែលមានរយៈពេល ៩០ នាទី	ថ្នាក់ដែលមានរយៈពេល ៩០ នាទី	ថ្នាក់ដែលមានរយៈពេល ៩០ នាទី
ថ្នាក់ដែលមានរយៈពេល ៩០ នាទី ពិនិត្យមើល និង តាមដាន ៥ នាទី	ថ្នាក់ដែលមានរយៈពេល ៩០ នាទី សកម្មភាពរៀនសូត្រមួយ ៦០ នាទី	ថ្នាក់ដែលមានរយៈពេល ៩០ នាទី ការអនុវត្តជំនាញ ២៥ នាទី

ថ្នាក់ដែលមានរយៈពេល ៩០ នាទី

ពិនិត្យមើល និង តាមដាន

៥ នាទី

ថ្នាក់ដែលមានរយៈពេល ៩០ នាទី

សកម្មភាពរៀនសូត្រមួយ

៦០ នាទី

ថ្នាក់ដែលមានរយៈពេល ៩០ នាទី

ការអនុវត្តជំនាញ

២៥ នាទី

ឧទាហរណ៍ខាងក្រោមបង្ហាញពីវិធីសាស្រ្តផ្សេងៗគ្នា ក្នុងការបង្រៀនមាតិកានៅក្នុងវគ្គសិក្សានេះ ។

ឧទាហរណ៍ទី ១ ៖ ថ្នាក់របស់ស្តេក ( ២០ វគ្គ មួយថ្នាក់មានរយៈពេល ៦០ នាទី )

បងប្រុសឡាវ៉ល កំពុងរៀបចំបង្រៀនវគ្គរៀបចំខ្លួនធ្វើជាអ្នកផ្សព្វផ្សាយសាសនាសម្រាប់ស្តេករបស់គាត់ នៅទីក្រុង អាក្រា ប្រទេសហ្គាណា ។ ថ្នាក់របស់គាត់នឹងជួបរៀងរាល់សប្តាហ៍ ។ បងប្រុសឡាវ៉ល ធ្វើផែនការនេះ ៖

បង្រៀនមេរៀនចម្បងនៅថ្ងៃអាទិត្យសប្តាហ៍ទីមួយ និងសប្តាហ៍ទីបីនៃខែនីមួយៗ ។
ដោយសារថ្នាក់នេះមានសមាជិកសាសនាចក្រថ្មីជាច្រើន និងអ្នកខ្លះមិនមែនជាសមាជិកសាសនាចក្រ បងប្រុសឡាវ៉ល សម្រេចចិត្តផ្តោតបន្ថែមលើ មេរៀនចម្បងទី ៦ ។ គាត់សម្រេចចិត្តធ្វើសកម្មភាពរៀនសូត្រមកពី មេរៀនចម្បងទី ៦ នៅថ្ងៃអាទិត្យទីពីរ និងទីបួននៃខែនីមួយៗ ។ ការធ្វើបែបនេះនឹងផ្តល់ឱកាសជាច្រើនដល់សិស្ស ដើម្បីសិក្សា និងបង្រៀនគោលលទ្ធិសំខាន់មកពី ជំពូកទី ៣ នៃ ប្រកាសដំណឹងល្អរបស់យើង ។
គាត់ក៏ស្វែងរកការអនុវត្តជំនាញចំនួនបួន ដែលគាត់ចង់ប្រើនៅក្នុងថ្នាក់របស់គាត់ ។ គាត់កំណត់ថា គាត់នឹងធ្វើការអនុវត្តជំនាញ រៀងរាល់ពីរសប្តាហ៍ម្ដង ។ ជំនាញមួយគឺមានសារៈសំខាន់ណាស់សម្រាប់ថ្នាក់របស់គាត់ ដែលគាត់សម្រេចចិត្តថា គាត់នឹងប្រើវានៅក្នុងម៉ោងសិក្សាផ្សេងគ្នា ។

ឧទាហរណ៍ទី ២ ៖ ថ្នាក់របស់ស្តេក ( ៧ វគ្គ មួយថ្នាក់មានរយៈពេល ៦០ នាទី )

បងប្រុស និងបងស្រី ហ្គ្រីន កំពុងរៀបចំបង្រៀនថ្នាក់ការរៀបចំខ្លួនធ្វើជាអ្នកផ្សព្វផ្សាយសាសនាសម្រាប់ស្តេករបស់ពួកគាត់ នៅទីក្រុងប្រូវ៉ូ រដ្ឋយូថាហ៍ ។ ថ្នាក់របស់ពួកគេនឹងជួបគ្នារៀងរាល់ពីរសប្តាហ៍ម្តង ។

បន្ទាប់ពីបានពិគ្រោះយោបល់ជាមួយប្រធានស្តេករបស់ពួកគាត់មក ពួកគាត់សម្រេចចិត្តបង្រៀនមេរៀនចម្បងទី ១, ៣, ៦, ៩, និង ១២ ។ ពួកគេនឹងប្រើពេល១៨០ នាទីដើម្បីផ្តោតលើមេរៀន ចម្បងទី ៦ ។ ការធ្វើបែបនេះនឹងផ្តល់ឱកាសជាច្រើនដល់សិស្ស ដើម្បីសិក្សា ស្វែងយល់ និងអនុវត្តការបង្រៀនគោលលទ្ធិសំខាន់មកពី ជំពូកទី ៣ នៃ ប្រកាសដំណឹងល្អរបស់យើង ។
ដោយផ្អែកលើការប្រឹក្សាមកពីប្រធានស្តេករបស់ពួកគាត់ បងប្រុស និងបងស្រី ហ្គ្រីន ក៏នឹងរកពេលវេលាក្នុងអំឡុងពេលថ្នាក់រៀនសម្រាប់ការអនុវត្តជំនាញទាំងឡាយផងដែរ « ការស្ថាបនាគន្លងនៃការគិតដែលមានភាពវិជ្ជមាន » និង « និយាយជាមួយមនុស្សគ្រប់គ្នា » ។

ឧទាហរណ៍ទី ៣ ៖ ថ្នាក់វិទ្យាស្ថាន ( ១៤ វគ្គ មួយថ្នាក់មានរយៈពេល ៩០ នាទី )

បងស្រី ស៊ីលវ៉ា កំពុងរៀបចំបង្រៀនថ្នាក់ការរៀបចំខ្លួនធ្វើជាអ្នកផ្សព្វផ្សាយសាសនា សម្រាប់ថ្នាក់វិទ្យាស្ថានរបស់គាត់ នៅទីក្រុងម៉ាណាស ប្រទេសប្រេស៊ីល ។ ថ្នាក់របស់គាត់នឹងជួបរៀងរាល់សប្តាហ៍សម្រាប់រយៈពេល ៩០ នាទី ។ បងស្រី ស៊ីលវ៉ា សម្រេចចិត្តធ្វើដូចខាងក្រោមនេះ ៖

គាត់នឹងចំណាយពេល ៥០ នាទីសម្រាប់ ១១ សប្តាហ៍ដំបូង បង្រៀនមេរៀនចម្បងផ្សេងៗគ្នា ។ ដោយដឹងថា សមាជិកថ្នាក់ជាច្រើនរបស់គាត់មានសំណួរអំពីព្រះវិញ្ញាណបរិសុទ្ធ គាត់សម្រេចចិត្តចំណាយពេលយ៉ាងហោចណាស់១៨០ នាទីលើមេរៀនចម្បងទី ៨ ៖ « ស្វែងរក និងពឹងផ្អែកលើព្រះវិញ្ញាណ » ។
បងស្រី ស៊ីលវ៉ា ចង់ជួយសមាជិកក្នុងថ្នាក់របស់គាត់បង្កើនទំនុកចិត្តរបស់ពួកគេក្នុងការចែកចាយដំណឹងល្អជាមួយមនុស្សដទៃ ។ គាត់កំណត់ថា ក្នុងរយៈពេល ១១សប្តាហ៍ដំបូង ៦វគ្គនៃថ្នាក់រៀន នឹងរួមបញ្ចូល ៣០នាទីដោយប្រើ មេរៀនចម្បងទី ៦ ដើម្បីជួយសមាជិកក្នុងថ្នាក់រៀន និងបង្រៀនគោលលទ្ធិនៅក្នុងជំពូកទី ៣ នៃ ប្រកាសដំណឹងល្អរបស់យើង ។ គាត់ក៏សម្រេចចិត្តថា នៅក្នុងសប្តាហ៍ទី ១២ និង ១៣ ពួកគេនឹងកំណត់យកថ្នាក់ទាំងមូលដើម្បីរៀបចំ និងបង្រៀនមេរៀនខ្លីៗឲ្យគ្នាទៅវិញទៅមក ។
បងស្រី ស៊ីលវ៉ា បានស្វែងរកជំនាញមួយចំនួនដែលសមាជិកក្នុងថ្នាក់របស់គាត់នឹងទទួលបានពរជ័យក្នុងការអនុវត្ត ។ គាត់សម្រេចចិត្តធ្វើការអនុវត្តជំនាញទាំងនោះក្នុងអំឡុងពេល ១១ សប្តាហ៍ដំបូងនៅថ្ងៃដែលពួកគេមិនបានគ្រោងបង្រៀនមេរៀនមកពី ជំពូកទី ៣ ។
នៅថ្ងៃចុងក្រោយ គាត់គ្រោងនឹងបញ្ចប់វគ្គសិក្សាជាមួយនឹងមេរៀនចម្បងទី ១៣ ៖ « ឆ្ពោះទៅមុខដោយសេចក្តីជំនឿ » ។

បង្កើតផែនការដែលអាចផ្លាស់ប្តូរសម្រាប់ថ្នាក់របស់អ្នក ។ នៅពេលអ្នករៀបចំកាលវិភាគរបស់អ្នក អ្នកអាចស្វែងរកយោបល់ពីសមាជិកក្នុងថ្នាក់ អំពីប្រធានបទណាដែលនឹងមានការចាប់អារម្មណ៍ និងពាក់ព័ន្ធបំផុតចំពោះពួកគេ ។

សូមចងចាំថា គោលដៅមូលដ្ឋានគឺការប្រែចិត្តជឿទៅលើព្រះយេស៊ូវគ្រីស្ទ មិនមែនបង្រៀនបញ្ចប់មេរៀននោះទេ ។ កុំដាក់កាលវិភាគបង្រៀនលើសលុបនៅក្នុងថ្នាក់របស់អ្នក ។ ការរីកចម្រើនខាងវិញ្ញាណមិនអាចប្រញាប់ប្រញាល់ ឬបង្ខំបានទេ ។ សូមមានសេចក្តីរីករាយជាមួយនឹងអ្វីដែលអ្នកអាចសម្រេចបាន តាមវិធីដ៏មានអត្ថន័យជាមួយនឹងពេលវេលាដែលអ្នកមាន ។