Përzgjedhje nga Manuali i Përgjithshëm

Përmbajtja
Faqja e Titullit
Përdorimi i Manualit Përzgjedhje nga Manuali i Përgjithshëm
Themeli Doktrinor
- 0. Përmbledhja Parathënëse
- 1. Plani i Perëndisë dhe Roli Juaj në Veprën e Tij për Shpëtimin dhe Ekzaltimin
- 2. Përkrahja e Individëve dhe Familjeve në Veprën e Perëndisë për Shpëtimin dhe Ekzaltimin
- 3. Parimet e Priftërisë
- 4. Udhëheqja dhe Këshillat në Kishën e Jezu Krishtit
Organizimi i Kishës
- 5. Udhëheqja e Përgjithshme dhe Zonale
- 6. Udhëheqja e Kunjit
- 7. Peshkopata
- 8. Kuorumi i Pleqve
- 9. Shoqata e Ndihmës
- 10. Kuorumet e Priftërisë Aarone
- 11. Të Rejat
- 12. Fillorja
- 13. Shkolla e së Dielës
- 14. Anëtarët Beqarë
- 15. Seminaret dhe Institutet e Fesë
Vepra e Shpëtimit dhe e Ekzaltimit
- Të Jetuarit e Ungjillit të Jezu Krishtit
  - 16. Të Jetuarit e Ungjillit të Jezu Krishtit
  - 17. Mësimdhënia e Ungjillit
  - 18. Kryerja e Ordinancave dhe Bekimeve të Priftërisë
  - 19. Muzika
  - 20. Aktivitetet
- Përkujdesja për Njerëzit Nevojtarë
  - 21. Dhënia e Shërbesës
  - 22. Sigurimi i Nevojave Materiale dhe Krijimi i Mbështetjes te Vetja
- Ftesa ndaj të Gjithë Njerëzve që ta Pranojnë Ungjillin
  - 23. Shpërndarja e Ungjillit dhe Forcimi i Anëtarëve të Rinj dhe të Kthyer në Aktivitet
  - 24. Rekomandimet dhe Shërbimi Misionar
- Bashkimi i Familjeve për Përjetësinë
  - 25. Puna në Tempull dhe për Historinë Familjare në Lagje dhe në Kunj
  - 26. Rekomandimet e Tempullit
  - 27. Ordinancat e Tempullit për Të Gjallët
  - 28. Ordinancat e Tempullit për Të Vdekurit
Administrimi i Kishës
- 29. Mbledhjet në Kishë
- 30. Thirrjet në Kishë
- 31. Intervistat dhe Takime të Tjera me Anëtarët
- 32. Pendimi dhe Këshillat e Kishës për Anëtarësinë
- 33. Dokumentet dhe Raportet
- 34. Financat dhe Kontrollet Financiare
- 35. Kujdesi për Shtëpitë e Mbledhjeve dhe Përdorimi i Tyre
- 36. Krijimi, Ndryshimi dhe Emërtimi i Njësive të Reja
  - 36.0. Parathënia
- 37. Kunjet, Lagjet dhe Degët e Specializuara
- 38. Rregulloret dhe Orientimet e Kishës

7. Peshkopata

“7. Peshkopata”, Përzgjedhje nga Manuali i Përgjithshëm (2023).

“7. Peshkopata”, Përzgjedhje nga Manuali i Përgjithshëm.

Peshkopata

7.1

Peshkopi dhe Këshilltarët e Tij

Peshkopi mban çelësat e priftërisë për të drejtuar punën e Kishës në lagje (shihni te 3.4.1). Ai dhe këshilltarët e tij formojnë një peshkopatë.

Peshkopi ka pesë përgjegjësi kryesore:

Ai është prifti i lartë kryesues në lagje.
Ai është presidenti i Priftërisë Aarone.
Ai është një gjykatës i përbashkët.
Ai bashkërendon veprën e Perëndisë për shpëtimin dhe ekzaltimin, përfshirë përkujdesjen për njerëzit nevojtarë.
Ai mbikëqyr dokumentet, financat dhe përdorimin e shtëpisë së mbledhjeve.

Përgjegjësia parësore e peshkopit është brezi i ri në lagje (fëmijët, rinia dhe të rinjtë e të rejat në moshë madhore beqarë). Që të ketë mundësinë për t’u përqendruar në këtë përgjegjësi, ai delegon shumë detyra (shihni te 4.2.5).

7.1.1

Prifti i Lartë Kryesues

Peshkopi është udhëheqësi kryesor shpirtëror i lagjes.

7.1.1.1

Organizatat dhe Kuorumet e Priftërisë së Lagjeve

Peshkopi ka përgjegjësi për organizatat e Shoqatës së Ndihmës dhe të Të Rejave në lagje. Ai u cakton përgjegjësi këshilltarëve të tij për Shkollën e së Dielës dhe organizatat e Fillores dhe programe të tjera të lagjes.

Përgjegjësitë e peshkopit për kuorumet e Priftërisë Aarone përvijohen te 7.1.2. Përgjegjësitë e tij për kuorumet e pleqve përvijohen te 8.3.1.

7.1.1.2

Ordinancat dhe Bekimet

Peshkopi drejton administrimin e ordinancave dhe bekimeve vijuese në lagje:

Sakramentit
Vënies së emrit dhe bekimit të fëmijëve
Pagëzimit dhe konfirmimit të fëmijëve të moshës 8 vjeç që janë anëtarë prej dokumentit (për të kthyerit në besim shihni te 31.2.3.2)
Dhënies së Priftërisë Aarone dhe shugurimit në detyrat e dhjakut, mësuesit dhe priftit

7.1.1.3

Këshillat dhe Mbledhjet

Peshkopi drejton këshillin e lagjes dhe këshillin e lagjes për rininë (shihni te 29.2.5 dhe 29.2.6).

Peshkopata planifikon mbledhjet e sakramentit dhe mbledhje të tjera në lagje të renditura te kapitulli 29.

7.1.1.4

Thirrjet dhe Lirimet

Përgjegjësitë e peshkopit për thirrjet dhe lirimet përvijohen te kapitulli 30.

7.1.2

Presidenti i Priftërisë Aarone

Peshkopi ka përgjegjësitë vijuese si president i Priftërisë Aarone në lagje. Këshilltarët e tij e ndihmojnë.

Të ndihmojë prindërit që t’u japin mësim të rinjve e të rejave.
Të mbikëqyrë kuorumet e Priftërisë Aarone dhe klasat e Të Rejave. Peshkopi është presidenti i kuorumit të priftërinjve (shihni te Doktrina e Besëlidhje 107:87–88). Këshilltari i tij i parë ka përgjegjësi për kuorumin e mësuesve. Këshilltari i tij i dytë ka përgjegjësi për kuorumin e dhjakëve.
Të këshillohet me presidenten e Të Rejave të lagjes.
Të takohet rregullisht me çdo të ri e të re.

7.1.3

Gjykatësi i Përbashkët

Peshkopi është gjykatësi i përbashkët në lagje (shihni te Doktrina e Besëlidhje 107:71–74). Ai ka përgjegjësitë vijuese:

Të ndihmojë të rinjtë e të rejat që të kualifikohen dhe të jenë të denjë për një rekomandim tempulli.
Të zhvillojë intervista siç përvijohet te 31.2.
Të takohet me anëtarët e lagjes që kërkojnë udhërrëfim shpirtëror, të cilët kanë probleme serioze vetjake ose që kanë kryer mëkate të rënda, duke i ndihmuar që të mbështeten te fuqia shëruese e Jezu Krishtit.
Nën drejtimin e presidentit të kunjit, të zhvillojë këshillat e anëtarësisë sipas nevojës. Për orientime, shihni te kapitulli 32.

7.1.4

Të takohet me peshkopatën dhe të përgatitë rende dite siç caktohet.
Të shërbejë si anëtar i këshillit të lagjes dhe të frekuentojë mbledhjet e këshillit të lagjes.
Të planifikojë takime për peshkopatën.

7.4

Nëpunësi i Lagjes dhe Ndihmësnëpunësit e Lagjes

Përgjegjësitë e nëpunësit dhe të ndihmësnëpunësve të lagjes përvijohen te 33.4.2.