Financat dhe Kontrollet Financiare

Peshkopi ka përgjegjësitë vijuese për financat e lagjeve. Ai ia delegon një pjesë të kësaj pune këshilltarëve dhe nëpunësve të tij.

Peshkopi:

• U mëson anëtarëve dhe i frymëzon ata që të paguajnë një të dhjetë të plotë dhe të japin oferta bujare (shihni te 34.3).

• Sigurohet që fondet e lagjes trajtohen siç duhet dhe për to jepet llogari (shihni te 34.5).

• Shqyrton deklaratën financiare çdo muaj dhe sigurohet që çfarëdo problemi të zgjidhet menjëherë.

• Sigurohet që udhëheqësit dhe nëpunësit e organizatave të mësojnë përgjegjësinë e tyre për fondet e shenjta të Kishës.

• Përgatit dhe administron buxhetin vjetor të lagjes (shihni te 34.6).

• Takohet me anëtarët e lagjes çdo vit për të marrë deklarimin e tyre të së dhjetës.

Peshkopi cakton nëpunësin e lagjes ose një ndihmësnëpunës të lagjes që të ndihmojë për mbajtjen e dokumenteve financiare të lagjes. Nëpunësit i ndjekin me kujdes rregulloret aktuale për të ruajtur fondet e Kishës dhe për t’u siguruar që dokumentet e Kishës të jenë të sakta.

Nëpunësi ka përgjegjësitë vijuese:

• Regjistron dhe depoziton me një anëtar të peshkopatës çdo fond që merret.

• Shqyrton deklaratën financiare çdo muaj dhe sigurohet që çfarëdo problemi të zgjidhet menjëherë.

• Ndihmon peshkopatën të përgatitë buxhetin vjetor të lagjes (shihni te 34.6.1 dhe 34.6.2).

• Sigurohet që anëtarët të kenë të drejtë hyrjeje në deklaratat e kontributeve të tyre dhe ndihmë sipas nevojës.

Nëpunësit duhet të mbajnë Priftërinë Melkizedeke dhe të kenë një rekomandim aktual tempulli.

E dhjeta është dhurimi i një të dhjetës së të ardhurave Kishës së Perëndisë (shihni te Doktrina e Besëlidhje 119:3–4; interes kuptohet se do të thotë e ardhura). Të gjithë anëtarët që kanë të ardhura, duhet ta paguajnë të dhjetën.

Udhëheqësit e Kishës i nxitin anëtarët që ta jetojnë ligjin e agjërimit. Kjo përfshin dhënien e një oferte agjërimi bujare (shihni te 22.2.2).

Orientimet për të përdorur fondet e ofertave të agjërimit jepen te 22.5.2.

Kontributet për fondin e misionarëve të lagjes përdoren kryesisht për të përmbushur zotimet për kontribut për misionarët kohëplotë nga lagjja.

Kontributet për Fondin e Përgjithshëm të Misionarëve përdoren nga Kisha në përpjekjet e saj të përgjithshme misionare.

Kur të dhjetat dhe oferta të tjera i jepen Kishës, ato i përkasin Zotit. Ato i janë kushtuar Atij.

Presidentët e kunjeve dhe peshkopët i informojnë ata që kontribuojnë të dhjeta dhe oferta, se këto kontribute nuk mund të rikthehen.

Parimi i shoqërimit kërkon dy persona – një anëtar të peshkopatës dhe një nëpunës ose dy anëtarë të peshkopatës – që të përfshihen aktivisht kur regjistrohen dhe shpërndahen fondet e Kishës.

Udhëheqësit duhet t’i mbrojnë dhe të mos i tregojnë asnjëherë fjalëkalimet e tyre (shihni te 33.9.1.1).

Zoti u ka dhënë peshkopëve mirëbesimin e shenjtë për të marrë të dhjetat dhe ofertat e tjera të shenjtorëve dhe për të qenë përgjegjës për to (shihni te Doktrina e Besëlidhje 42:30–33; 119). Vetëm peshkopi dhe këshilltarët e tij mund t’i marrin të dhjetat dhe ofertat e tjera. Në asnjë rrethanë nuk duhet t’i marrin këto kontribute bashkëshortet e tyre, pjesëtarë të tjerë të familjeve të tyre, nëpunësit ose anëtarë të tjerë të lagjes.

Kontributet duhet të verifikohen dhe regjistrohen të dielën që merren. Një anëtar i peshkopatës dhe një nëpunës, ose dy anëtarë të peshkopatës, e hapin së bashku çdo zarf. Ata verifikojnë se fondet e futura aty janë të njëjta me shumën e shkruar në formularin “E Dhjeta dhe Oferta të Tjera”. Ata e regjistrojnë siç duhet çdo dhurim. Nëse fondet dhe shuma e shkruar ndryshojnë, ata vihen në kontakt me dhuruesin sa më shpejt që të jetë e mundur për ta zgjidhur mospërputhjen.

Një depozitim duhet të përgatitet pasi të sigurohet që shumat e regjistruara përputhen me fondet e marra.

Atje ku një depozitim bankar 24‑orësh është në dispozicion, anëtari i peshkopatës dhe një mbajtës tjetër i Priftërisë Melkizedeke, i depozitojnë fondet në bankë në të njëjtën ditë kur fondet hapen dhe verifikohen.

Atje ku një depozitim bankar 24‑orësh nuk është në dispozicion dhe banka është e mbyllur të dielën, peshkopi cakton një mbajtës të Priftërisë Melkizedeke që ta bëjë depozitimin ditën tjetër të punës. Ai duhet:

• Të sigurohet që fondet të mbahen të sigurta derisa të depozitohen.

• Të marrë një dëftesë depozitimi që tregon datën dhe shumën e depozitimit.

Anëtarët që janë përgjegjës për fondet e Kishës, duhet të mos i lënë ato kurrë në shtëpinë e mbledhjeve gjatë natës ose t’i lënë të pambikëqyrura për ndonjë çast, të tillë si gjatë mbledhjeve dhe aktiviteteve.

Asnjë shpenzim i kunjit apo i lagjes nuk mund të ndodhë ose të paguhet pa autorizimin e drejtuesit kryesues.

Dy udhëheqës të autorizuar duhet ta miratojnë çdo pagesë. Njëri prej tyre duhet të jetë anëtar i presidencës së kunjit ose i peshkopatës. Ndonëse këshilltarët mund të autorizohen që t’i miratojnë pagesat, presidenti i kunjit ose peshkopi mund ta shqyrtojnë çdo pagesë. Udhëheqësit nuk duhet ta miratojnë një pagesë për veten e tyre.

Kërkohet miratimi me shkrim i presidentit të kunjit përpara se një peshkop të mund t’i përdorë ofertat e agjërimit ose të miratojë një fletëporosi të peshkopit për veten ose familjen e tij. Kërkohet miratimi me shkrim nga një anëtar i Presidencës së Zonës para se një peshkop të mund t’i përdorë ofertat e agjërimit ose të miratojë fletëporosinë e peshkopit për presidentin e kunjit ose familjen e tij. Shihni te 22.5.1.2 për orientime.

Një anëtar që kërkon rimbursim, jep një kopje fizike ose elektronike të çdo fature apo dëftese. Ai ose ajo gjithashtu përfshin qëllimin, shumën dhe datën e blerjes.

Nëse një anëtari i jepen fonde paradhënie, ai dorëzon një formular për kërkesë pagese, duke vënë në dukje qëllimin, shumën dhe datën. Pasi është paguar shpenzimi, anëtari më pas: 1) jep dëftesat ose faturat për fondet e shpenzuara dhe 2) rikthen çfarëdo fondesh të pashpenzuara. Fondet e rikthyera duhet të ridepozitohen.

Çdo kunj dhe lagje duhet të mbajë dokumente të përditësuara e të sakta financiare.

Për informacion rreth përdorimit dhe ruajtjes së dokumenteve dhe raporteve, nëpunësit duhet t’u referohen udhëzimeve nga zyrat qendrore të Kishës ose zyra e zonës. Dokumentet financiare duhet të ruhen për të paktën tre vjet plus vitin aktual.

Çdo kunj dhe lagje përgatit dhe mban një buxhet vjetor. Presidenti i kunjit administron buxhetin e kunjit dhe peshkopi administron buxhetin e lagjes.

Orientimet renditen më poshtë:

• Shqyrtojnë shumat e shpenzuara gjatë vitit të mëparshëm për t’u siguruar se janë marrë parasysh shpenzimet që përsëriten rregullisht.

• U kërkojnë organizatave t’i vlerësojnë nevojat e tyre buxhetore me hollësi.

• Përpilojnë buxhetin duke përdorur praktikat e miratuara për buxhetin.

Presidenti i kunjit cakton një komitet të kontrollit financiar të kunjit. Ky komitet sigurohet që financat e kunjit dhe të lagjeve trajtohen sipas rregullores së Kishës.

Kontrollorët financiarë të kunjit bëjnë kontrollin e dokumenteve financiare të kunjit, të lagjeve dhe qendrave të programit FamilySearch dy herë në vit.

Drejtuesi kryesues i njësisë dhe nëpunësi i caktuar për financat duhet të jenë në dispozicion që t’u përgjigjen pyetjeve gjatë kontrolleve financiare.

Presidenti i kunjit ose kryetari i komitetit të kontrollit financiar të kunjit duhet të njoftohet menjëherë nëse:

• Fondet e Kishës kanë humbur ose janë vjedhur.

• Një udhëheqës i ka përvetësuar ose keqpërdorur fondet e Kishës.