Dokumentet dhe Raportet

Peshkopi mbikëqyr mbajtjen e dokumenteve të lagjes.

Çdo lagje duhet të ketë një nëpunës të lagjes të kualifikuar dhe funksionues. Ai rekomandohet nga peshkopata dhe thirret e veçohet nga një anëtar i presidencës së kunjit ose nga një këshilltar i lartë i caktuar. Ai duhet të mbajë Priftërinë Melkizedeke dhe të ketë një rekomandim aktual tempulli. Ai është anëtar i këshillit të lagjes. Ai merr pjesë në mbledhjet e lagjes siç tregohet te 29.2.

Nëpunësi i lagjes punon nën drejtimin e peshkopatës. Ndihmësnëpunësit e lagjes mund të thirren për të ndihmuar.

Mjetet për mbajtjen e dokumenteve të Kishës u sigurojnë udhëheqësve të drejtën e hyrjes te listat e anëtarësisë. Këto lista mund t’i ndihmojnë udhëheqësit të përcaktojnë:

• Se cilët anëtarë nuk i kanë marrë ende ordinancat për të cilat kualifikohen.

• Se cilët të rinj e të reja kanë të drejtë për të shërbyer në një mision.

• Se cilët të rinj e të reja nuk kanë një rekomandim aktual tempulli.

• Se cilët të rinj e të reja duhet të planifikohen për takime me një anëtar të peshkopatës.

Udhëheqësit e kuorumit dhe të organizatave duhet të kenë të drejtë përdorimi të listave të atyre që i përkasin kuorumit apo organizatës së tyre.

Në dokumentet e anëtarësisë dhe në certifikatat e ordinancave duhet të përdoret emri i plotë ligjor i një personi, siç përcaktohet nga ligji apo tradita vendore.

Individët në vijim janë anëtarë prej dokumentit dhe duhet të kenë një dokument anëtarësie:

• Ata të cilët janë pagëzuar dhe konfirmuar

• Ata nën moshën 9 vjeç të cilët janë bekuar, por nuk janë pagëzuar

• Ata të cilët nuk janë të përgjegjshëm për shkak të aftësive të kufizuara intelektuale, pavarësisht nga mosha

• Fëmijët nën moshën 9 vjeç që nuk kanë marrë bekimin, kur të dyja gjërat që vijojnë gjejnë zbatim:

  • Të paktën njëri prind ose njëri gjysh është anëtar i Kishës.

  • Të dy prindërit japin leje që të krijohet një dokument. (Nëse vetëm njëri prind ka kujdestari ligjore për fëmijën, leja e atij prindi është e mjaftueshme.)

Një person i moshës 9 vjeç e lart që ka një dokument anëtarësie, por që nuk është pagëzuar dhe konfirmuar, nuk është anëtar prej dokumentit. Megjithatë, lagjja në të cilën jeton personi, e mban dokumentin e anëtarësisë derisa personi të jetë 18 vjeç. Në atë kohë, nëse personi zgjedh që të mos pagëzohet, peshkopi e anulon dokumentin e anëtarësisë. Kërkohet leja e presidentit të kunjit.

Nuk anulohen dokumentet për ata që nuk janë pagëzuar për shkak të një aftësie të kufizuar intelektuale, në qoftë se nuk kërkohet nga vetë personi ose kujdestari ligjor, përfshirë një prind.

Nëpunësi i lagjes ose një ndihmësnëpunës i lagjes vihet në kontakt me anëtarët e rinj në lagje pak kohë pasi të mbërrijnë dokumentet e tyre të anëtarësisë, për të shqyrtuar për saktësi Përmbledhjen e Ordinancave Individuale.

Në të gjitha dokumentet e anëtarësisë përdoret emri ligjor i personit, siç përcaktohet nga ligji apo tradita vendore. Kjo përfshin fëmijët e prindërve që janë shkurorëzuar.

Fëmijët me prindër të shkurorëzuar shpesh marrin pjesë në mbledhjet e Kishës në lagjet e të dy prindërve. Ndërkohë që vetëm një njësi mund të mbajë e të përditësojë një dokument zyrtar të anëtarësisë të fëmijës, mund të krijohet një dokument i anëtarit jashtë njësisë në lagjen tjetër që frekuenton ai apo ajo. Kjo lejon që emri i fëmijës dhe informacioni i kontaktit të përfshihen në listat dhe regjistrat e klasave të lagjes.

Fëmijët me një dokument të anëtarit jashtë njësisë, mund të marrin një thirrje në atë njësi.

Nëse një anëtar shpërngulet ndërsa kufizimet formale të anëtarësisë ose një shqetësimin tjetër serioz ka mbetur pezull, peshkopi ose një nëpunës i autorizuar mund të vendosë një kufizim të lëvizjes në dokumentin e anëtarësisë. Ai përdor sistemin BUN [LCR] për ta bërë këtë.

Një dokument që ka një kufizim lëvizjeje, nuk transferohet në një njësi të re derisa udhëheqësi i priftërisë që e vendosi kufizimin, të autorizojë heqjen e tij.

Shihni te kapitulli 18.

Çdo vit, nëpunësi i kunjit ose një ndihmësnëpunës i kunjit sigurohet që të kryhet një kontroll i dokumenteve të anëtarësisë në çdo lagje duke përdorur sistemin BUN [LCR]. Kontrollet duhet të përfundohen deri më 30 qershor të çdo viti.

Zoti ka urdhëruar të shkruhet dhe mbahet “një histori [e] të gjith[a çështjeve] të rëndësishme” lidhur me Kishën e Tij (Doktrina e Besëlidhje 69:3; shihni edhe te vargu 5; Alma 37:2).

Çdo njësi në Kishë duhet t’i dokumentojë të gjitha çështjet e rëndësishme që lidhen me njësinë.

Mbajtja e një historie është një punë shpirtërore që do ta forcojë besimin e atyre që e shkruajnë dhe lexojnë atë.

Udhëheqësit e priftërisë dhe organizatave të kunjeve dhe lagjeve kontribuojnë teksa shkruajnë ndodhitë duke përdorur Mjetin Historia e Njësisë te ChurchofJesusChrist.org. Nëpunësit e kunjeve dhe të lagjeve kanë përgjegjësinë kryesore për ta organizuar dhe bashkërenduar këtë përpjekje. Udhëzime shtesë janë në dispozicion në mjetin Udhëzuesi për Fillimin e Shpejtë.

Të gjitha dokumentet, raportet dhe të dhënat e Kishës duhet të mbrohen nga përdorimi, ndryshimi, shkatërrimi apo deklarimi i paautorizuar. Ky informacion duhet të mbahet në një vend të sigurt.

Pajisjet ose mjetet e arkivimit, të humbura ose të vjedhura, në pronësi të Kishës duhet të raportohen menjëherë te incidents.ChurchofJesusChrist.org. Duhet të raportohet edhe keqpërdorimi i informacionit të Kishës.