Iren Kaweid Kapatapat

• Mie ahmw pwoson reh oh kadehdepen Koht, Sahm Soutuko; Sapwellime Iehroso, Sises Krais; oh Ngehn Sarawio?

• Mie ahmw kadehdepen Sapellimen Krais Tomwpen Dihp oh Eh ketin wia ahmw Sounkomour oh Soundoar?

• Mie ahmw kadehde me pid Kopwurupwurdohn rongamwahu en Sises Krais wet?

• Komw utung Preseden en Mwomwohdiso en Sises Krais en Souleng en Imwin Rahn-akan me wia soukohp, sounkairoir, oh sounkaudiahl oh ihte ih aramas pohn sampah me kolokol oh ahneki mweimwei en doadoahngki kih koaros en prihsduhd? Komw utung irail kan me towe Presedensi Keieu oh Pwihn en Wahnparon Ehk-riemen ko me irail wia soukohp kei, sounkairoir oh sounkaudial kei? Komw utung irail teikan me pil iang wia Kaun Lapalap en Mwomwohdisoht oh irail kan me kakaun Mwomwohdisoht nan sapwomw?

• Kauno mahsaniher me mehkoaros pahn kin “wiawi ni mwakelekel” mwohn Silahngi (Padahk oh Inou kan 42:41). Komw kin nantiong en ahneki lamalam oh wiewia mwakelekel? Komw kin momourki kosonned en mour mwakelekel?

• Komw kin idawehn padahk kan en Mwomwohdiso en Sises Krais nan ahmw mour oh nan ahmw wiewia rehn tohn ahmw peneinei oh mehteikan?

• Komw kin utung de pwungki sohte lipilipil padahk, wiewia kan, de koasondi kan me uhong Mwomwohdiso en Sises Krais en Souleng en Imwin Rahn-akan?

• Komw kin nantiong wauneki Rahn en Sapad, nan imwomwi oh ni imwen kaudek; iang mihting kan; kaunopohng oh warohng ale kamadipw sarawi; oh momourki mour me wauneki kosonned oh koasoandi kan en rongamwahuo?

• Komw kin nantiong en kin mehlel nan mehkoaros me komw kin wia?

• Komw kin pwapwain meiroang en eisek-kis-ehu (Tithing) ni unsek?

• Komw kin wehwehki oh peikiong Mahsen en Eripit?

• Mie dihp toutou nan omwi mour me anahne en kapwungpwungla rehn prihsduhd kan pwehn wia kisehn omwi koluhla?

• Ni omwi madamadau, komwi warohng pidolong nan tehnpas en Kauno oh iang ale tiahk sarawi kan?

Ngehi Sapwellimen Sahm oh Ihn serepein, me kapikipikdahr oh ahneki pwukoah soutuk.

Nin duwen ei wia tohnpadahk en Sises Krais men, I pahn nantihong pwehn duwehla Ih. I pahn rapahki oh mwekidki pein ei kaudiahl oh papah mehteikan ni Sapwellime lengleng sarawi.

I pahn wia sounkadehde men en Koht ansou koaros oh ni mehkoaros oh ni wasa koaros.

Ni ei pahn nantiheng en warohng kesepwildahn mour soutuk, I kesempwaliki kisakis en koluhla oh kin nantiheng en mwahula rahn koaros. Sang ni pwoson, I pahn kakehlailih nan imwei oh ei peneinei, inoukihda oh kapwaiada inou sarawi kan, oh alehda tiahk sarawi kan oh kapai kan en tehnpas sarawi.

Ngehi emen Sapwellimen Koht pwutak, oh mie Sapwellime doadoahk me E kupwurki ien wia.

Ni loalei unsek, ai kehl, ai madamadau, oh roson koaros, I pahn poakoang Koht, kolokol ai inou kan, oh doadoangki Sapwellime prihsduhd ong papah mehteikan, tepkihda nan ai peneinei.

Ni ei pahn nantiheng papah, kakehlaka ai pwoson, koluhla, oh wie mwahmwahula rahn koaros, I pahn kak warohng ien alehda kapai kan en nan tehnpas sarawi oh popohl poatoapoat en rongamwahuo.

I pahn onopada pwe ien kak wiahla misineri me kin mehlelieng doadoahk, ohl pwopwoud mehlel, oh wia pahpa limpoak men ni ai pahn kin wia sapwellimen Sises Krais werek mehlel men.

I pahn sawas kaunopada sampah ong ketdo sapahl en Sounkomouro sang ni ai pahn kin luke mehteikan en kohdo rehn Krais oh iang paieki kapai kan en Sapwellime Tomwpen Dihpo.

• Kumwail sohte pahn ahneki emen koht tohrohr mwohi.

• Kumwail sohte pahn wiahiong kumwail dikedik en eni de sansal en mehkot.

• Kumwail sohte pahn kasaminehla mwarei, pwe ngehi, Kauno, amwail Koht.

• Kumwail tamataman rahnen Sapad, oh wiahki rahn sarawi.

• Kumwail wauneki samamwail oh inamwail kan.

• Kumwail sohte pahn kemehla aramas.

• Kumwail sohte pahn kamwahl.

• Kumwail sohte pahn pirap.

• Kumwail sohte pahn karaun likamw ohng aramas emen.

• Kumwail sohte pahn noahrok.

Kilang Eksodus 20:3–17.