Wiahda pilipil kohsang kamarain kan

Nan Ong kakehlepen me pwulopwul kan, ke pahn diarada padahk kan en Sises Krais oh Sapwellime Soukohp kan. Ni mehlel pwukat me wia ahmw mehn kaweid, ke pahn kak wiahda mehn pilipili kaselel me pahn kapai uhkada met oh pil kohkohlahte.

Ke wia Sapwellimen Koht seri ngehn me E poakpoake. Sapwellime pilahn en peren kahrehda atail kak kierda ni palingehn oh alehda dahme kitail koadkoadoahke. E ketin kadaredo Sises Krais en wia amwail Sounkomour.

Semomw Nanleng koapwoaroapwoarkin uhk. E ketkieng uhk kapai laud, me iangahki unsekpen rongamwahuo, oh tiahk sarawi kan oh inou kan me katengei iukidi Reh oh kidong Sapwellime manaman nan ahmw mour. Me iang inou sarawi pwukat mie popohl oh pwukoah me kapatapationg E ketin mwahngih me ke kak wekidala mehkot pohn sampah, oh met anahnepe, ni songen mwohmw tohto, pwe en kak wekisang song teikan nan sampah. Rapahki kaweid en Semomw Nanleng ni ahmw pahn wia ahmw pilipil. E pahn ketin kapai komwikih sang ni Ngehn Sarawi.

Sises me wia ahl kolahng popohl poatoapoat. Ni ahmw pahn doadoahngki ahmw saledek en pilipil en idawehn Sises Krais, ke miher pohn ahl me kolahng peren soutik. Wiahki Sises Krais ahmw poahsoan me -katapan oh tengeteng. Kauwada ahmw mour sang Sapwellime padahk kan, oh kilang ahmw pilipili kan sang mepwukat. Inou kan me ke wiahda ni ansou ke pepdais, ansou en kamadipw sarawio, oh nan tehnpas sarawio iei mehkot ieu me tapihada ahmw poahsoan tengeteng rehn Krais. Ke pahn lelongete kahpwal oh kasongosong kan, ahpw Semomw Nanleng oh Sounkomouro pahn seweseiuk kalowehdi meh koaros.

Kahrepen Ong kakehlepen me pwulopwul kan kaidehn en kiheng uhk “ei” de “soh” ong mêhn pilipil koaros me ke kak sohpai. Ahpw, Kauno luklukehiong uhk en momour mour sarawi oh ileile—mour ehu momourkihte mehlel soutuk kan oh Sapwelimen Kauno kapai inou kan. Sapwellime ahl met. Mehn kaweid wet pahn padahkiheng uhk duen Sapwellime ahlo. E kawehwehda mehlel kan me E ketin kasalehdahr. Wiahki mehlel pwukat ahmw mehn kaweid ong pilipil mwahu—pilipil laud akan, me duehte wiahda inou kan nan tehnpas sarawi oh wia papahn misin, oh pil duehte pilipil en rahn koaros, me duehte apwalih mehteikan de ahmw pahn doadoahngki ahmw ansou.

Ekei kak seweseiuk, ahpw keirdahn pali ngenomw pahn kohsang rehmw. E wia ahmw pwukoah. Wia ahmw kak koaros pwe ken wie mwamwahula nan rahn koros, kapwaiada Sapwellimen Koht kosonned akan oh wauneki ahmw inou kan, oh sewese mehteikan en karanihala Sounkomouro.

Kilang Mosaia 4:29-30 ahl akan ong dihp me tohto, eri kitail anahne kaneiehng kitail); Ilemen 5:12 (poahsoankihda Krais); Doctrine oh Covenants 45:57 (alehda Ngehn Sarawi en wia kaweidpemw); 25:13 (katengeiuhkedi ong ahmw inou sarawi kan).